1O Yuus, sajafa na unyutejam para taejinecog? sajafa na y linalomo umasgon contra y quinilo sija gui pastajimo?
2Jaso y inetnonmo ni y unfajan gui ampmam na tiempo; y tribon y erensiamo, ni y jago sumatba; yan y egso Sion, anae sumasagajao.
3Jatsa y adengmo para taejinecog na yinilang: sa y enimigo jafatinas y tinaelaye todo gui jalom y sinantos na sagamo.
4Y contrariumo sija manaagang gui entalo y inetnonmo; ya japolo julo y bandera�ija para se�at sija.
5Parejo yan y taotao y jajatsa julo y gachae sija gui jilo y chemchom na trongco jayo sija.
6Lao pago sija yumute papa y binetda na chocho un biajeja, ni y gachae yan y mattiyo sija.
7Sa sija sumangg�e y sinantos na sagamo, yan munainale y sagan y naanmo, sanpapa gui tano.
8Yleg�ija gui corason�ija: Nije tayulang sija ni manda�o: ya sija sumonggue todo y sinagogan Yuus gui tano.
9Ti talie y se�atta sija: ya taya ni uno profeta mas: ni uguaja sija ni utiningo asta ngaean.
10Asta ngaean, O Yuus, nae y contrario ulalatde? ya y enimigo ufa�atfino contra y naanmo para taejinecog?
11Sajafa na unjedo y canaemo, junggan y agapa na canaemo? jala juyong gui pechomo ya unyulang.
12Sa si Yuus y Rayjo gui ampmam na tiempo, jafatitinas y satbasion gui entalo y tano.
13Jago dumibide y tase ni y ninasi�amo: jago yumamag y ilon y alo sija gui tase.
14Jago yumamag y ilon lebiatan, ni y dadao na g�ijan, an pidasito; yan unnae g�e para nengcano y taotao ni y ma�asaga gui desierto.
15Jago bumaba y matan janom yan y minilalag: jago munafananglo y manmetgot na sadog sija.
16Y jaane iyomo, y puenge locue iyomo: jago fumamauleg y inina yan y atdao.
17Jago pumolo todo y oriyan y tano: jago fumatinas y tiempon maepe yan y tiempom manengjeng.
18Jaso este, na y enimigo manmalalatde, O Jeova, ya ayo y mangaduco na taotao jachatfino y naanmo.
19O, chamo umintrerega y anten y gamo paluma gui dadao na g�g�: chamo malelefa ni y dina�a y mamoblemo para taejinecog.
20Respeta y trato: sa y jemjom na sagayan sija gui tano manbula y sagan y manmalama�a.
21O, Chamo munafanatalo manmamajlao y manmachichiguit: polo y mamoble yan y mannesesitao ya umalalaba y naanmo.
22Cajulo, O Yuus, gog�e y causamo: jaso jaftaemano y manaejinaso na taotao ni y lumalatdejao cada jaane.
23Chamo malelefa ni y inangang y contrariumo sija; y borucan ayo sija y mangajulo contra jago, lumala cajuloja siesiempre.
(Psalms Gospels Acts) Tap a verse to copy, share, highlight or add a note. Dotted words link to encyclopedia articles.
23 verses in this psalm
74 / 150 psalms
The text is (Psalms Gospels Acts)(차모로어) — From getbible.net (CrossWire SWORD module) · license: 자유 배포 (Copyrighted; Freely distributable) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.