Psalms 9

1 BAE junae grasias si Jeova contodo y corasonjo: bae jufanue todo ni ninamanman na chechomo.

2 Bae jumagof, ya unnasenmagofyo guiya jago: jucantaye ni y tinina y naanmo O jago Gueftaquilo.

3 Anae y enimiguja unnabira sija tate: manbasnag, ya manmalingo gui menamo.

4 Sa jago fumatinas y jinasoco yan y causaco: unfatachong gui trono, ya unjusga y tinas.

5 Guinin unlalatde y nasion sija, guinin unyulang y manaelaye, guinin unfunas y naan�ija para siempre taejinecog.

6 Esta malachae y enimigo; esta mayulang para siempre: yan y siuda ni y inyilang, y jinaso�ija manachamalingo yan sija.

7 Ya si Jeova sumaga calang ray para siempre, ya janalisto y tronu�a para usentensia.

8 Ya g�iya jumusga y tano ni tininas, ujajusga y taotao sija yan y minagajet.

9 Ya si Jeova locue y taquilo na tore para y manmachiguit, y taquilo na tore gui tiempon chinatsaga.

10 Ya jaangoco sija guiya jago y tumungo y naanmo; sa jago, Jeova, ti unyute ayo y umaliligao jao.

11 Cantaye si Jeova ni y tinina ni sumasaga gui Sion: namatungo gui entalo taotao sija y checo�a.

12 Sa anae jacocobla y j�g� jajaso sija: ya ti malefa ni inagang y mamoble.

13 Gaease nu guajo, O Jeova; atan y pinitejo ni jususungonja y chumatlie yo, jago y munacajulo yo gui pettan finatae:

14 Para jufamanue todo ni y tininamo gui trangcan y jagan Sion: ya umagof yo gui satbasionmo.

15 Unnafanmafondo y nasion gui joyo ni y finatinas�ija: ya y casiyas nae ni janaaatog, y patas�ija esta mangodon.

16 Si Jeova janamatungo g�e ni y sentensia ni jafatinas; ya jalaso y taelaye ni y checho y canaena: Jinaso. Sila.

17 Ufanmanalo guato y manaelaye gui sasalaguan: yan todo y taotao ni manmalefa as Yuus.

18 Sa ti para siempre umamalefan�aejon y nesesitao: ni y ninanggan y mamoble ufanmalingo para siempre.

19 Cajulo, O Jeova: chamo munamametgot y taotao: ya ufanmajusga y nasion gui menamo.

20 Polo, O Jeova, y minaa�ao guiya sija: polo ya utungo y nasion na sija taotaoja.