Matthew 7

1 CHAMIYO fanmanjusga para ti infanmajusga.

2 Sa taemanoja yan manmajusga yan manma�ogne jamyo, taeg�ijija locue infanmajusga; ya taemanoja y minedidamiyo, taeg�ijija locue infanmamediye.

3 Sa jafa muna unlilie y migo gui atadog y chelumo, ya ti unjajaso y jayo gui atadogmo?

4 Jafa taemano unalog nu y chelumo: Maela ya junajanao enao y migo gui atadogmo; ya enag�ija y jayo gui atadogmo?

5 Hipocrita! Najanao finenana y jayo gui atadogmo? ya ayo nae si�a ungueflie yan para unnajanao y migo gui atadog y chelumo.

6 � Chamiyo numanae y galago nu y santos, ni inpelo y perlasmiyo gui menan y babue; sa no seaja ujagacha nu y patas�ija ya ujabira sija ya infanyenabalag jamyo.

7 � Gagao ya infanmanae; aligao ya inseda; yajo ya infanmababaye.

8 Sa jayeja y mangagao, uresibe; ya y manaligao, usoda; ya y manyajo, umababaye.

9 Ya jayeja guiya jamyo, yaguin uguinagao nu y laji�a pan, ada unnae acho?

10 Pat yaguin uguinagao un g�ijan, ada unnae un serpiente?

11 Ombre manaelaye jamyo, intingo numae mauleg na ninae y famaguonmiyo; ada ti mas y tatanmiyo, ni y gaegue gui langet, unnae mauleg na g�inaja todo ayo y gumagaog�e?

12 Enao mina, jaftaemano y malagomiyo na y taotao ufatitinas nu jamyo, taeg�ijija infatitinas locue nu sija; sa este y lay yan y profeta sija.

13 � Jalom gui maiot na potta, sa y feda na potta ya micanpo y chalan nu y jumananaog�e y finalingo, ya megae sija y fumapoposg�e.

14 Sa y maiot na potta ya dalalae na chalan y jumananaog�e y lin�l�, ya didide sija y sumosoda.

15 � Adaje jamyo nu y ti manmagajet na profeta, ni ufanmato guiya jamyo maninagagon quininilo, lao y sanjalom�ija mangaegue lobo na ma�aque.

16 Injatingo pot y tinegcha�ija. Ada y taotao ufa�ule ubas guine y t�tucan jayo, pat igos guine y t�tucan chaguan?

17 Taeg�ijija todo y mauleg na trongcon jayo, siempre mauleg tinegcha�a; lao y taelaye na trongcon jayo, siempre taelaye tinegcha�a.

18 Ti si�a y mauleg na trongcon jayo manogcha taelaye; ni y taelaye na trongcon jayo manogcha mauleg.

19 Todo y trongcon jayo ni ti manogcha mauleg, umautut ya umayute gui guafe,

20 Enao mina pot y tinegcha�ija, injatingo.

21 � Ti todo y umalog nu guajo: Se�ot! Se�ot! ujalom gui raenon langet; lao ayo y fumatinas y minalago y tatajo, ni y gaegue gui langet.

22 Megae, g�ije na jaane, ualog nu guajo: Se�ot! Se�ot! ada ti inprofetisa pot y naanmo, yan innajanao y anite pot y naanmo, yan infatinas megae n�manman na chocho pot y naanmo?

23 Ya ayo nae jusangane sija, ni y magajet ti jutungo jamyo, fanjanao guiya guajo, jamyo manmamatitinas inechong.

24 � Enao mina jayeja y jumungog este sija y sinanganjo ya fumatinas, g�iya parejo yan y m�jnalom na taotao, na jafatinas y guima�a gui jilo acho;

25 Ya utunog y ichan, yan ufanmato y sadog, yan ufanmanguaefe y manglo, ya ubinate ayo na guma ya ti upodong, sa mafatinas gui jilo acho.

26 Lao jayeja y jumungog este sija y sinanganjo, ya ti fumatinas, g�iya parejo yan y b�baba na taotao na jafatinas y guima�a gui jilo unae;

27 Ya utunog y ichan yan ufanmato y sadog, yan ufanmanguaefe y manglo ya ubinate ayo na guma, ya upodong; ya gosdangculo y pinedong�a.

28 Ya susede, anae munjayan este sija jasangan si Jesus, ninafanmanman y linajyan taotao sija nu y doctrina�a.

29 Sa jafanag�e sija, calang uno ni gaeninasi�a, lao ti calang y escriba sija.