2Galatians 2

1Потом же по четыренадесяти летех паки взыдох во Иерусалим с Варнавою, поем с собою и Тита.Select Galatians 2:1

2Взыдох же по откровению, и предложих им благовествование, еже проповедую во языцех, наедине же мнимым, да не како вотще теку, или текох.Select Galatians 2:2

3Но ни Тит, иже со мною, Еллин сый, нужден бысть обрезатися.Select Galatians 2:3

4И за пришедшую лжебратию, иже привнидоша соглядати свободы нашея, юже имамы о Христе Иисусе, да нас поработят:Select Galatians 2:4

5имже ни к часу повинухомся в покорение, да истина благовестия пребудет в вас.Select Galatians 2:5

6От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша:Select Galatians 2:6

7но сопротивное, уразумевше, яко уверено ми бысть благовестие необрезания, якоже Петру обрезания:Select Galatians 2:7

8ибо Споспешествовавый Петру в послание обрезания, споспешествова и мне во языки:Select Galatians 2:8

9и познавше благодать данную ми, Иаков и Кифа и Иоанн, мнимии столпи быти, десницы даша мне и Варнаве общения, да мы во языки, они же во обрезание,Select Galatians 2:9

10точию нищих да помнима: еже и потщахся сие истое сотворити.Select Galatians 2:10

11Егда же прииде Петр во Антиохию, в лице ему противустах, яко зазорен бе.Select Galatians 2:11

12Прежде бо даже не приити неким от Иакова, с языки ядяше: егда же приидоша, опряташеся и отлучашеся, бояся сущих от обрезания.Select Galatians 2:12

13И лицемеришася с ним и прочии Иудеи, яко и Варнаве пристати лицемерству их.Select Galatians 2:13

14Но егда видех, яко не право ходят ко истине Благовествования, рекох Петру пред всеми: аще ты, Иудей сый, язычески, а не иудейски живеши, почто языки нудиши иудейски жительствовати?Select Galatians 2:14

15Мы естеством Иудее, а не от язык грешницы:Select Galatians 2:15

16уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.Select Galatians 2:16

17Аще ли, ищуще оправдитися о Христе, обретохомся и сами грешницы, Христос убо греху ли служитель? Да не будет.Select Galatians 2:17

18Аще бо, яже разорих, сия паки созидаю, преступника себе представляю.Select Galatians 2:18

19Аз бо законом закону умрох, да Богови жив буду. Христови сраспяхся:Select Galatians 2:19

20живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго Себе по мне.Select Galatians 2:20

21Не отметаю благодати Божия. Аще бо законом правда, убо Христос туне умре.Select Galatians 2:21