3Galatians 3

1О, несмысленнии Галате, кто вы прельстил есть не покоритися истине, имже пред очима Иисус Христос преднаписан бысть, в вас распят?Select Galatians 3:1

2Сие едино хощу уведети от вас: от дел ли закона Духа приясте, или от слуха веры?Select Galatians 3:2

3Тако ли несмысленни есте? Наченше духом, ныне плотию скончаваете?Select Galatians 3:3

4Толика пострадасте туне? Аще точию и туне.Select Galatians 3:4

5Подаяй убо вам Духа и действуяй силы в вас, от дел ли закона, или от слуха веры?Select Galatians 3:5

6Якоже Авраам верова Богу, и вменися ему в правду.Select Galatians 3:6

7Разумейте убо, яко сущии от веры, сии суть сынове Авраамли.Select Galatians 3:7

8Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы.Select Galatians 3:8

9Темже сущии от веры, благословятся с верным Авраамом:Select Galatians 3:9

10елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я.Select Galatians 3:10

11А яко в законе никтоже оправдается от Бога, яве, яко праведный от веры жив будет.Select Galatians 3:11

12Закон же несть от веры: но сотворивый та человек жив будет в них.Select Galatians 3:12

13Христос ны искупил есть от клятвы законныя, быв по нас клятва: писано бо есть: проклят всяк висяй на древе:Select Galatians 3:13

14да в языцех благословение Авраамле будет о Христе Иисусе, да обетование Духа приимем верою.Select Galatians 3:14

15Братие, по человеку глаголю: обаче человеческаго предутвержденна завета никтоже отметает или приповелевает.Select Galatians 3:15

16Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос.Select Galatians 3:16

17Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование.Select Galatians 3:17

18Аще бо от закона наследие, не ктому уже от обетования: Аврааму же обетованием дарова Бог.Select Galatians 3:18

19Что убо закон? Преступлений ради приложися, дондеже приидет семя, емуже обетовася, вчинен Ангелы, рукою ходатая.Select Galatians 3:19

20Ходатай же единаго несть, Бог же един есть.Select Galatians 3:20

21Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда:Select Galatians 3:21

22но затвори Писание всех под грехом, да обетование от веры Иисус Христовы дастся верующым.Select Galatians 3:22

23Прежде же пришествия веры, под законом стрегоми бехом, затворени в хотящую веру открытися.Select Galatians 3:23

24Темже закон пестун нам бысть во Христа, да от веры оправдимся:Select Galatians 3:24

25пришедшей же вере, уже не под пестуном есмы.Select Galatians 3:25

26Вси бо вы сынове Божии есте верою о Христе Иисусе:Select Galatians 3:26

27елицы бо во Христа крестистеся, во Христа облекостеся.Select Galatians 3:27

28Несть Иудей, ни Еллин: несть раб, ни свободь: несть мужеский пол, ни женский: вси бо вы едино есте о Христе Иисусе.Select Galatians 3:28

29Аще ли вы Христовы, убо Авраамле семя есте, и по обетованию наследницы.Select Galatians 3:29