6Galatians 6

1Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши.Select Galatians 6:1

2Друг друга тяготы носите, и тако исполните закон Христов.Select Galatians 6:2

3Аще бо кто мнит себе быти что, ничтоже сый, умом льстит себе.Select Galatians 6:3

4Дело же свое да искушает кийждо, и тогда в себе точию хваление да имать, а не во инем:Select Galatians 6:4

5кийждо бо свое бремя понесет.Select Galatians 6:5

6Да общается же учяйся словеси учащему во всех благих.Select Galatians 6:6

7Не льститеся: Бог поругаемь не бывает. Еже бо аще сеет человек, тожде и пожнет:Select Galatians 6:7

8яко сеяи в плоть свою, от плоти пожнет истление: а сеяи в дух, от духа пожнет живот вечный.Select Galatians 6:8

9Доброе же творяще, да не стужаем си: во время бо свое пожнем, не ослабеюще.Select Galatians 6:9

10Темже убо, дондеже время имамы, да делаим благое ко всем, паче же к присным в вере.Select Galatians 6:10

11Видите, колицеми книгами писах вам моею рукою.Select Galatians 6:11

12Елицы хотят хвалитися по плоти, сии нудят вы обрезатися, точию да не креста ради Христова гоними будут:Select Galatians 6:12

13ни бо обрезающиися сами закон хранят, но хотят вам обрезоватися, да в вашей плоти похвалятся:Select Galatians 6:13

14мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру.Select Galatians 6:14

15О Христе бо Иисусе ни обрезание что может, ни необрезание, но нова тварь.Select Galatians 6:15

16И елицы правилом сим жительствуют, мир на них и милость, и на Израили Божии.Select Galatians 6:16

17Прочее, труды да никтоже ми дает: аз бо язвы Господа Иисуса на теле моем ношу.Select Galatians 6:17

18Благодать Господа нашего Иисуса Христа со духом вашим, братие. Аминь.Select Galatians 6:18