111 Corinthians 11

1Подражателе мне бывайте, якоже и аз Христу.Select 1 Corinthians 11:1

2Хвалю же вы, братие, яко вся моя помните, и якоже предах вам, предания держите.Select 1 Corinthians 11:2

3Хощу же вас ведети, яко всякому мужу глава Христос есть, глава же жене муж, глава же Христу Бог.Select 1 Corinthians 11:3

4Всяк муж, молитву дея или пророчествуяй покрытою главою, срамляет главу свою:Select 1 Corinthians 11:4

5и всяка жена, молитву деющая или пророчествующая откровенною главою, срамляет главу свою: едино бо есть и тожде остриженней:Select 1 Corinthians 11:5

6аще бо не покрывается жена, да стрижется: аще ли же срам жене стрищися или бритися, да покрывается.Select 1 Corinthians 11:6

7Муж убо не должен есть покрывати главу, образ и слава Божия сый: жена же слава мужу есть.Select 1 Corinthians 11:7

8Несть бо муж от жены, но жена от мужа:Select 1 Corinthians 11:8

9ибо не создан бысть муж жены ради, но жена мужа ради.Select 1 Corinthians 11:9

10Сего ради должна есть жена власть имети на главе Ангел ради.Select 1 Corinthians 11:10

11Обаче ни муж без жены, ни жена без мужа, о Господе.Select 1 Corinthians 11:11

12Якоже бо жена от мужа, сице и муж женою: вся же от Бога.Select 1 Corinthians 11:12

13В вас самех судите, лепо ли есть жене откровенней Богу молитися?Select 1 Corinthians 11:13

14Или и не самое естество учит вы, яко муж убо аще власы растит, безчестие ему есть,Select 1 Corinthians 11:14

15жена же аще власы растит, слава ей есть? Зане растение власов вместо одеяния дано бысть ей.Select 1 Corinthians 11:15

16Аще ли кто мнится спорлив быти, мы таковаго обычая не имамы, ниже церкви Божия.Select 1 Corinthians 11:16

17Сие же завещавая не хвалю, яко не на лучшее, но на хуждшее сбираетеся.Select 1 Corinthians 11:17

18Первое убо, сходящымся вам в церковь, слышу в вас распри сущыя, и часть некую (сих) верую.Select 1 Corinthians 11:18

19Подобает бо и ересем в вас быти, да искуснии явлени бывают в вас.Select 1 Corinthians 11:19

20Сходящымся убо вам вкупе, несть Господскую вечерю ясти:Select 1 Corinthians 11:20

21кийждо бо свою вечерю предваряет в снедение, и ов убо алчет, ов же упивается.Select 1 Corinthians 11:21

22Еда бо домов не имате, во еже ясти и пити? Или о церкви Божией нерадите и срамляете не имущыя? Что вам реку? Похвалю ли вы о сем? Не похвалю.Select 1 Corinthians 11:22

23Аз бо приях от Господа, еже и предах вам, яко Господь Иисус в нощь, в нюже предан бываше, приемь хлеб,Select 1 Corinthians 11:23

24и благодарив преломи, и рече: приимите, ядите, сие есть Тело Мое, еже за вы ломимое: сие творите в Мое воспоминание.Select 1 Corinthians 11:24

25Такожде и чашу по вечери, глаголя: сия чаша новый завет есть в Моей Крови: сие творите, елижды аще пиете, в Мое воспоминание.Select 1 Corinthians 11:25

26Елижды бо аще ясте хлеб сей и чашу сию пиете, смерть Господню возвещаете, дондеже приидет.Select 1 Corinthians 11:26

27Темже иже аще яст хлеб сей или пиет чашу Господню недостойне, повинен будет Телу и Крови Господни.Select 1 Corinthians 11:27

28Да искушает же человек себе, и тако от хлеба да яст и от чаши да пиет.Select 1 Corinthians 11:28

29Ядый бо и пияй недостойне, суд себе яст и пиет, не разсуждая Тела Господня.Select 1 Corinthians 11:29

30Сего ради в вас мнози немощни и недужливи, и спят доволни.Select 1 Corinthians 11:30

31Аще бо быхом себе разсуждали, не быхом осуждени были.Select 1 Corinthians 11:31

32Судими же, от Господа наказуемся, да не с миром осудимся.Select 1 Corinthians 11:32

33Темже, братие моя, сходящеся ясти, друг друга ждите.Select 1 Corinthians 11:33

34Аще ли кто алчет, в дому да яст, да не в грех сходитеся. О прочих же, егда прииду, устрою.Select 1 Corinthians 11:34