151 Corinthians 15

1Сказую же вам, братие, Благовествование, еже благовестих вам, еже и приясте, в немже и стоите,Select 1 Corinthians 15:1

2имже и спасаетеся, кацем словом благовестих вам, аще содержите: разве аще не всуе веровасте.Select 1 Corinthians 15:2

3Предах бо вам исперва, еже и приях, яко Христос умре грех наших ради, по Писанием,Select 1 Corinthians 15:3

4и яко погребен бысть, и яко воста в третий день, по Писанием,Select 1 Corinthians 15:4

5и яко явися Кифе, таже единонадесятим:Select 1 Corinthians 15:5

6потом же явися боле пяти сот братиям единою, от нихже множайшии пребывают доселе, нецыи же и почиша:Select 1 Corinthians 15:6

7потом же явися Иакову, таже Апостолом всем:Select 1 Corinthians 15:7

8последи же всех, яко некоему извергу, явися и мне.Select 1 Corinthians 15:8

9Аз бо есмь мний Апостолов, иже несмь достоин нарещися Апостол, зане гоних церковь Божию.Select 1 Corinthians 15:9

10Благодатию же Божиею есмь, еже есмь, и благодать Его, яже во мне, не тща бысть, но паче всех их потрудихся: не аз же, но благодать Божия, яже со мною.Select 1 Corinthians 15:10

11Аще убо аз, аще ли они, тако проповедуем, и тако веровасте.Select 1 Corinthians 15:11

12Аще же Христос проповедуется, яко из мертвых воста, како глаголют нецыи в вас, яко воскресения мертвых несть?Select 1 Corinthians 15:12

13И аще воскресения мертвых несть, то ни Христос воста:Select 1 Corinthians 15:13

14аще же Христос не воста, тще убо проповедание наше, тща же и вера ваша.Select 1 Corinthians 15:14

15Обретаемся же и лжесвидетеле Божии, яко послушествовахом на Бога, яко воскреси Христа, Егоже не воскреси, аще убо мертвии не востают:Select 1 Corinthians 15:15

16аще бо мертвии не востают, то ни Христос воста:Select 1 Corinthians 15:16

17аще же Христос не воста, суетна вера ваша, еще есте во гресех ваших:Select 1 Corinthians 15:17

18убо и умершии о Христе, погибоша.Select 1 Corinthians 15:18

19(И) аще в животе сем точию уповающе есмы во Христа, окаяннейши всех человек есмы.Select 1 Corinthians 15:19

20Ныне же Христос воста от мертвых, начаток умершым бысть.Select 1 Corinthians 15:20

21Понеже бо человеком смерть (бысть), и человеком воскресение мертвых.Select 1 Corinthians 15:21

22Якоже бо о Адаме вси умирают, такожде и о Христе вси оживут,Select 1 Corinthians 15:22

23кийждо же во своем чину: начаток Христос, потом же Христу веровавшии в пришествии Его.Select 1 Corinthians 15:23

24Таже кончина, егда предаст Царство Богу и Отцу, егда испразднит всяко началство и всяку власть и силу:Select 1 Corinthians 15:24

25подобает бо Ему царствовати, дондеже положит вся враги под ногама Своима.Select 1 Corinthians 15:25

26Последний же враг испразднится смерть,Select 1 Corinthians 15:26

27вся бо покори под нозе Его: внегда же рещи, яко вся покорена суть Ему, яве, яко разве Покоршаго Ему вся.Select 1 Corinthians 15:27

28Егда же покорит Ему всяческая, тогда и Сам Сын покорится Покоршему Ему всяческая, да будет Бог всяческая во всех.Select 1 Corinthians 15:28

29Понеже что сотворят крестящиися мертвых ради? Аще отнюд мертвии не востают, что и крещаются мертвых ради?Select 1 Corinthians 15:29

30Почто (же) и мы беды приемлем на всяк час?Select 1 Corinthians 15:30

31По вся дни умираю: тако ми ваша похвала, братие, юже имам о Христе Иисусе Господе нашем.Select 1 Corinthians 15:31

32Аще (бо) по человеку со зверем боряхся в Ефесе, кая ми польза, аще мертвии не востают? Да ямы и пием, утре бо умрем.Select 1 Corinthians 15:32

33Не льститеся: тлят обычаи благи беседы злы.Select 1 Corinthians 15:33

34Истрезвитеся праведно и не согрешайте: неведение бо Божие нецыи имут, к сраму вам глаголю.Select 1 Corinthians 15:34

35Но речет некто: како востанут мертвии? Коим же телом приидут?Select 1 Corinthians 15:35

36Безумне, ты еже сееши, не оживет, аще не умрет:Select 1 Corinthians 15:36

37и еже сееши, не тело будущее сееши, но голо зерно, аще случится, пшеницы или иного от прочих:Select 1 Corinthians 15:37

38Бог же дает ему тело, якоже восхощет, и коемуждо семени свое тело.Select 1 Corinthians 15:38

39Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам.Select 1 Corinthians 15:39

40И телеса небесная, и телеса земная: но ина убо небесным слава, и ина земным:Select 1 Corinthians 15:40

41ина слава солнцу, и ина слава луне, и ина слава звездам: звезда бо от звезды разнствует во славе.Select 1 Corinthians 15:41

42Такожде и воскресение мертвых: сеется в тление, востает в нетлении:Select 1 Corinthians 15:42

43сеется не в честь, востает в славе: сеется в немощи, востает в силе:Select 1 Corinthians 15:43

44сеется тело душевное, востает тело духовное. Есть тело душевное, и есть тело духовное.Select 1 Corinthians 15:44

45Тако и писано есть: бысть первый человек Адам в душу живу, последний Адам в дух животворящь.Select 1 Corinthians 15:45

46Но не прежде духовное, но душевное, потом же духовное.Select 1 Corinthians 15:46

47Первый человек от земли, перстен: вторый человек Господь с небесе.Select 1 Corinthians 15:47

48Яков перстный, такови и перстнии: и яков небесный, тацы же и небеснии:Select 1 Corinthians 15:48

49и якоже облекохомся во образ перстнаго, да облечемся и во образ небеснаго.Select 1 Corinthians 15:49

50Сие же глаголю, братие, яко плоть и кровь Царствия Божия наследити не могут, ниже тление нетления наследствует.Select 1 Corinthians 15:50

51Се, тайну вам глаголю: вси бо не успнем, вси же изменимсяSelect 1 Corinthians 15:51

52вскоре, во мгновении ока, в последней трубе: вострубит бо, и мертвии востанут нетленни, и мы изменимся:Select 1 Corinthians 15:52

53подобает бо тленному сему облещися в нетление и мертвенному сему облещися в безсмертие.Select 1 Corinthians 15:53

54Егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою.Select 1 Corinthians 15:54

55Где ти, смерте, жало? Где ти, аде, победа?Select 1 Corinthians 15:55

56Жало же смерти грех: сила же греха закон.Select 1 Corinthians 15:56

57Богу же благодарение, давшему нам победу Господем нашим Иисус Христом.Select 1 Corinthians 15:57

58Темже, братие моя возлюбленная, тверди бывайте, непоступни, избыточествующе в деле Господни всегда, ведяще, яко труд ваш несть тощь пред Господем.Select 1 Corinthians 15:58