41 Corinthians 4

1Тако нас да непщует человек, яко слуг Христовых и строителей таин Божиих:Select 1 Corinthians 4:1

2а еже прочее ищется в строителех, да верен кто обрящется.Select 1 Corinthians 4:2

3Мне же не велико есть, да от вас истяжуся, или от человеческаго дне: но ни сам себе востязую.Select 1 Corinthians 4:3

4Ничесоже бо в себе свем, но ни о сем оправдаюся: востязуяй же мя Господь есть.Select 1 Corinthians 4:4

5Темже прежде времене ничтоже судите, дондеже приидет Господь, Иже во свете приведет тайная тмы и объявит советы сердечныя, и тогда похвала будет комуждо от Бога.Select 1 Corinthians 4:5

6Сия же, братие (моя), преобразих на себе и Аполлоса вас ради, да от наю научитеся не паче написанных мудрствовати, да не един по единому гордитеся на другаго.Select 1 Corinthians 4:6

7Кто бо тя разсуждает? Что же имаши, егоже неси приял? Аще же и приял еси, что хвалишися яко не прием?Select 1 Corinthians 4:7

8Се, сыти есте, се, обогатистеся, без нас воцаристеся: и о, дабы воцарилися есте, да и мы быхом с вами цартсвовали.Select 1 Corinthians 4:8

9Мню бо, яко Бог ны посланники последния яви, яко насмертники: зане позор быхом миру и Ангелом и человеком.Select 1 Corinthians 4:9

10Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни.Select 1 Corinthians 4:10

11До нынешняго часа и алчем, и жаждем, и наготуем, и страждем, и скитаемся,Select 1 Corinthians 4:11

12и труждаемся, делающе своими руками. Укоряеми, благословляем: гоними, терпим:Select 1 Corinthians 4:12

13хулими, утешаемся: якоже отреби миру быхом, всем попрание доселе.Select 1 Corinthians 4:13

14Не срамляя вас сия пишу, но якоже чада моя возлюбленная наказую.Select 1 Corinthians 4:14

15Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих.Select 1 Corinthians 4:15

16Молю же вас: подобни мне бывайте, якоже аз Христу.Select 1 Corinthians 4:16

17Сего ради послах к вам Тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всяцей церкви учу.Select 1 Corinthians 4:17

18Яко не грядущу ми к вам, разгордешася нецыи:Select 1 Corinthians 4:18

19прииду же скоро к вам, аще Господь восхощет, и уразумею не слово разгордевшихся, но силу:Select 1 Corinthians 4:19

20не в словеси бо Царство Божие, но в силе.Select 1 Corinthians 4:20

21Что хощете? С палицею ли прииду к вам, или с любовию и духом кротости?Select 1 Corinthians 4:21