61 Corinthians 6

1Смеет ли кто от вас, вещь имея ко иному, судитися от неправедных, а не от святых?Select 1 Corinthians 6:1

2Не весте ли, яко святии мирови имут судити? И аще вами суд приимет мир, недостойни есте судищем худым?Select 1 Corinthians 6:2

3Не весте ли, яко аггелов судити имамы, а не точию житейских?Select 1 Corinthians 6:3

4Житейская бо судища аще имате, уничиженных в церкви, сих посаждаете.Select 1 Corinthians 6:4

5К сраму вам глаголю: тако ли несть в вас мудр ни един, иже может разсудити между братий своих?Select 1 Corinthians 6:5

6Но брат с братом судится, и то пред неверными.Select 1 Corinthians 6:6

7Уже убо отнюд вам срам есть, яко тяжбы имате между собою. Почто не паче обидими есте? Почто не паче лишени бываете?Select 1 Corinthians 6:7

8Но вы (сами) обидите и лишаете, да еще братию.Select 1 Corinthians 6:8

9Или не весте, яко неправедницы Царствия Божия не наследят? Не льстите себе: ни блудницы, ни идолослужителе, ни прелюбодее, (ни сквернителе,) ни малакии, ни мужеложницы,Select 1 Corinthians 6:9

10ни лихоимцы, ни татие, ни пияницы, ни досадителе, ни хищницы Царствия Божия не наследят.Select 1 Corinthians 6:10

11И сими (убо) нецыи бесте, но омыстеся, но освятистеся, но оправдистеся именем Господа нашего Иисуса Христа и Духом Бога нашего.Select 1 Corinthians 6:11

12Вся ми леть суть, но не вся на пользу: вся ми леть суть, но не аз обладан буду от чего.Select 1 Corinthians 6:12

13Брашна чреву, и чрево брашном: Бог же и сие и сия упразднит. Тело же не блужению, но Господеви, и Господь телу.Select 1 Corinthians 6:13

14Бог же и Господа воздвиже, и нас воздвигнет силою Своею.Select 1 Corinthians 6:14

15Не весте ли, яко телеса ваша удове Христовы суть? Вземь ли убо уды Христовы, сотворю уды блудничи? Да не будет.Select 1 Corinthians 6:15

16Или не весте, яко прилепляяйся сквернодейце едино тело есть (с блудодейцею)? Будета бо, рече, оба в плоть едину.Select 1 Corinthians 6:16

17Прилепляяйся же Господеви един дух есть (с Господем).Select 1 Corinthians 6:17

18Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает.Select 1 Corinthians 6:18

19Или не весте, яко телеса ваша храм живущаго в вас Святаго Духа суть, Егоже имате от Бога, и несте свои?Select 1 Corinthians 6:19

20Куплени бо есте ценою. Прославите убо Бога в телесех ваших и в душах ваших, яже суть Божия.Select 1 Corinthians 6:20