91 Corinthians 9

1Несмь ли Апостол? Несмь ли свободь? Не Иисуса Христа ли Господа нашего видех? Не дело ли мое вы есте о Господе?Select 1 Corinthians 9:1

2Аще иным (и) несмь Апостол, но обаче вам есмь: печать бо моего апостолства вы есте о Господе.Select 1 Corinthians 9:2

3Мой ответ востязующым мене сей есть.Select 1 Corinthians 9:3

4Еда не имамы власти ясти и пити?Select 1 Corinthians 9:4

5Еда не имамы власти сестру жену водити, яко и прочии Апостоли, и братия Господня, и Кифа?Select 1 Corinthians 9:5

6Или един аз и Варнава не имамы власти еже не делати?Select 1 Corinthians 9:6

7Кто воинствует своими оброки когда? Или кто насаждает виноград, и от плода его не яст? Или кто пасет стадо, и от млека стада не яст?Select 1 Corinthians 9:7

8Еда по человеку сия глаголю? Не и закон ли сия глаголет?Select 1 Corinthians 9:8

9В Моисеове бо законе писано: да не заградиши устну вола молотяща. Еда о волех радит Бог?Select 1 Corinthians 9:9

10Или нас ради всяко глаголет? Нас бо ради написася, яко о надежди должен есть оряй орати, и молотяй с надеждею своего упования причащатися.Select 1 Corinthians 9:10

11Аще мы духовная сеяхом вам, велико ли, аще мы ваша телесная пожнем?Select 1 Corinthians 9:11

12Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию Христову.Select 1 Corinthians 9:12

13Не весте ли, яко делающии священная от святилища ядят? (и) служащии олтарю со олтарем делятся?Select 1 Corinthians 9:13

14Тако и Господь повеле проповедающым Благовестие от благовестия жити.Select 1 Corinthians 9:14

15Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит.Select 1 Corinthians 9:15

16Аще бо благовествую, несть ми похвалы, нужда бо ми належит: горе же мне есть, аще не благовествую.Select 1 Corinthians 9:16

17Аще убо волею сие творю, мзду имам: аще же неволею, строение ми есть предано.Select 1 Corinthians 9:17

18Кая убо ми есть мзда? Да благовествуяй без мзды положу Благовестие Христово, во еже не творити ми по области моей в благовествовании.Select 1 Corinthians 9:18

19Свободен бо сый от всех, всем себе поработих, да множайшыя приобрящу:Select 1 Corinthians 9:19

20бых Иудеем яко Иудей, да Иудеи приобрящу: подзаконным яко подзаконен, да подзаконныя приобрящу:Select 1 Corinthians 9:20

21беззаконным яко беззаконен, не сый беззаконник Богу, но законник Христу, да приобрящу беззаконныя.Select 1 Corinthians 9:21

22Бых немощным яко немощен, да немощныя приобрящу. Всем бых вся, да всяко некия спасу.Select 1 Corinthians 9:22

23Сие же творю за Благовестие, да сообщник ему буду.Select 1 Corinthians 9:23

24Не весте ли, яко текущии в позорищи вси убо текут, един же приемлет почесть? Тако тецыте, да постигнете.Select 1 Corinthians 9:24

25Всяк же подвизаяйся от всех воздержится: и они убо да истленен венец приимут, мы же неистленен.Select 1 Corinthians 9:25

26Аз убо тако теку, не яко безвестно, тако подвизаюся, не яко воздух бияй:Select 1 Corinthians 9:26

27но умерщвляю тело мое и порабощаю, да не како, иным проповедуя, сам неключимь буду.Select 1 Corinthians 9:27