112 Corinthians 11

1О, да бысте мало потерпели безумию моему! Но и потерпите мя.Select 2 Corinthians 11:1

2Ревную бо по вас Божиею ревностию: обручих бо вас единому мужу деву чисту представити Христови.Select 2 Corinthians 11:2

3Боюся же, да не како, якоже змий Еву прельсти лукавством своим, тако истлеют и разумы ваши от простоты, яже о Христе.Select 2 Corinthians 11:3

4Аще бо грядый инаго Иисуса проповедает, егоже не проповедахом, или Духа инаго приемлете, егоже не приясте, или благовествование ино, еже не приясте, добре бысте потерпели.Select 2 Corinthians 11:4

5Непщую бо ничимже лишитися предних Апостол:Select 2 Corinthians 11:5

6аще бо и невежда словом, но не разумом: но везде явльшеся о всем в вас.Select 2 Corinthians 11:6

7Или грех сотворих себе смиряя, да вы вознесетеся, яко туне Божие Благовествование благовестих вам?Select 2 Corinthians 11:7

8От иных церквей уях, приим оброк к вашему служению: и пришед к вам, и в скудости быв, не стужих ни единому:Select 2 Corinthians 11:8

9скудость бо мою исполниша братия, пришедше от Македонии: и во всем без стужения вам себе соблюдох и соблюду.Select 2 Corinthians 11:9

10Есть истина Христова во мне, яко похваление сие не заградится о мне в странах Ахайских.Select 2 Corinthians 11:10

11Почто? Зане не люблю ли вас? Бог весть. А еже творю, и сотворю,Select 2 Corinthians 11:11

12да отсеку вину хотящым вины, да, о немже хвалятся, обрящутся якоже и мы.Select 2 Corinthians 11:12

13Таковии бо лживи апостоли, делателе льстивии, преобразующеся во Апостолы Христовы.Select 2 Corinthians 11:13

14И не дивно: сам бо сатана преобразуется во Ангела светла:Select 2 Corinthians 11:14

15не велие убо, аще и служителие его преобразуются яко служители правды: имже кончина будет по делом их.Select 2 Corinthians 11:15

16Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся.Select 2 Corinthians 11:16

17А еже глаголю, не глаголю по Господе, но яко в безумии в сей части похвалы:Select 2 Corinthians 11:17

18понеже мнози хвалятся по плоти, и аз похвалюся.Select 2 Corinthians 11:18

19Любезно бо приемлете безумныя, мудри суще:Select 2 Corinthians 11:19

20приемлете бо, аще кто вас порабощает, аще кто поядает, аще кто не влепоту проторит, аще кто по лицу биет вы, аще кто величается.Select 2 Corinthians 11:20

21По досаждению глаголю, зане аки мы изнемогохом. О немже аще дерзает кто, несмысленно глаголю, дерзаю и аз.Select 2 Corinthians 11:21

22Еврее ли суть? И аз. Израилите ли суть? И аз. Семя Авраамле ли суть? И аз.Select 2 Corinthians 11:22

23Служителие ли Христовы суть? Не в мудрости глаголю, паче аз. В трудех множае, в ранах преболе, в темницах излиха, в смертех многащи.Select 2 Corinthians 11:23

24От Иудей пять краты четыредесять разве единыя приях:Select 2 Corinthians 11:24

25трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих:Select 2 Corinthians 11:25

26в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии:Select 2 Corinthians 11:26

27в труде и подвизе, во бдениих множицею, во алчбе и жажди, в пощениих многащи, в зиме и наготе.Select 2 Corinthians 11:27

28Кроме внешних, нападение еже по вся дни, и попечение всех церквей.Select 2 Corinthians 11:28

29Кто изнемогает, и не изнемогаю? Кто соблазняется, и аз не разжизаюся?Select 2 Corinthians 11:29

30Аще хвалитися ми подобает, о немощи моей похвалюся.Select 2 Corinthians 11:30

31Бог и Отец Господа нашего Иисуса Христа весть, сый благословен во веки, яко не лгу.Select 2 Corinthians 11:31

32В Дамасце языческий князь Арефы царя стрежаше Дамаск град, яти мя хотя: и оконцем в кошнице свешен бых по стене, и избегох из руку его.Select 2 Corinthians 11:32