1Luke 1

1Понеже убо мнози начаша чинити повесть о извествованных в нас вещех,Select Luke 1:1

2якоже предаша нам, иже исперва самовидцы и слуги бывшии Словесе:Select Luke 1:2

3изволися и мне последовавшу выше вся испытно, поряду писати тебе, державный Феофиле,Select Luke 1:3

4да разумееши, о нихже научился еси словесех утверждение.Select Luke 1:4

5Бысть во дни Ирода царя Иудейска, иерей некий, именем Захариа, от дневныя чреды Авиани: и жена его от дщерей Аароновех, и имя ей Елисаветь.Select Luke 1:5

6Беста же праведна оба пред Богом, ходяща во всех заповедех и оправданиих Господних безпорочна.Select Luke 1:6

7И не бе има чада, понеже Елисаветь бе неплоды, и оба заматоревша во днех своих беста.Select Luke 1:7

8Бысть же служащу ему в чину чреды своея пред Богом,Select Luke 1:8

9по обычаю священничества ключися ему покадити вшедшу в церковь Господню:Select Luke 1:9

10и все множество людий бе молитву дея вне, в год фимиама:Select Luke 1:10

11явися же ему Ангел Господень, стоя о десную олтаря кадилнаго:Select Luke 1:11

12и смутися Захариа видев, и страх нападе нань.Select Luke 1:12

13Рече же к нему Ангел: не бойся, Захарие: зане услышана бысть молитва твоя, и жена твоя Елисаветь родит сына тебе, и наречеши имя ему Иоанн:Select Luke 1:13

14и будет тебе радость и веселие, и мнози о рождестве его возрадуются:Select Luke 1:14

15будет бо велий пред Господем: и вина и сикера не имать пити, и Духа Святаго исполнится еще из чрева матере своея:Select Luke 1:15

16и многих от сынов Израилевых обратит ко Господу Богу их:Select Luke 1:16

17и той предидет пред Ним духом и силою Илииною, обратити сердца отцем на чада, и противныя в мудрости праведных, уготовати Господеви люди совершены.Select Luke 1:17

18И рече Захариа ко Ангелу: по чесому разумею сие? Аз бо есмь стар, и жена моя заматоревши во днех своих.Select Luke 1:18

19И отвещав Ангел рече ему: аз есмь Гавриил предстояй пред Богом, и послан есмь глаголати к тебе и благовестити тебе сия:Select Luke 1:19

20и се, будеши молчя и не могий проглаголати, до негоже дне будут сия: зане не веровал еси словесем моим, яже сбудутся во время свое.Select Luke 1:20

21И беша людие ждуще Захарию: и чудяхуся коснящу ему в церкви.Select Luke 1:21

22Изшед же не можаше глаголати к ним: и разумеша, яко видение виде в церкви: и той бе помавая им, и пребываше нем.Select Luke 1:22

23И бысть яко исполнишася дние службы его, иде в дом свой.Select Luke 1:23

24По сих же днех зачат Елисаветь жена его, и таяшеся месяц пять, глаголющи:Select Luke 1:24

25яко тако мне сотвори Господь во дни, в няже призре отяти поношение мое в человецех.Select Luke 1:25

26В месяц же шестый послан бысть Ангел Гавриил от Бога во град Галилейский, емуже имя Назарет,Select Luke 1:26

27к Деве обрученней мужеви, емуже имя Иосиф, от дому Давидова: и имя Деве Мариамь.Select Luke 1:27

28И вшед к Ней Ангел рече: радуйся, Благодатная: Господь с Тобою: благословена Ты в женах.Select Luke 1:28

29Она же видевши смутися о словеси его и помышляше, каково будет целование сие.Select Luke 1:29

30И рече Ангел Ей: не бойся, Мариамь: обрела бо еси благодать у Бога.Select Luke 1:30

31И се зачнеши во чреве, и родиши Сына, и наречеши имя Ему Иисус:Select Luke 1:31

32Сей будет велий, и Сын Вышняго наречется: и даст Ему Господь Бог престол Давида отца Его:Select Luke 1:32

33и воцарится в дому Иаковли во веки, и Царствию Его не будет конца.Select Luke 1:33

34Рече же Мариамь ко Ангелу: како будет сие, идеже мужа не знаю?Select Luke 1:34

35И отвещав Ангел рече Ей: Дух Святый найдет на Тя, и сила Вышняго осенит Тя: темже и раждаемое Свято наречется Сын Божий:Select Luke 1:35

36и се, Елисаветь южика Твоя, и та зачат сына в старости своей: и сей месяц шестый есть ей нарицаемей неплоды:Select Luke 1:36

37яко не изнеможет у Бога всяк глаголгол.Select Luke 1:37

38Рече же Мариамь: се, Раба Господня: буди Мне по глаголу твоему. И отиде от Нея Ангел.Select Luke 1:38

39Воставши же Мариамь во дни тыя, иде в горняя со тщанием, во град Иудов:Select Luke 1:39

40и вниде в дом Захариин и целова Елисаветь.Select Luke 1:40

41И бысть яко услыша Елисаветь целование Мариино, взыграся младенец во чреве ея: и исполнися Духа Свята Елисаветь,Select Luke 1:41

42и возопи гласом велиим, и рече: благословена Ты в женах, и благословен плод чрева Твоего:Select Luke 1:42

43и откуду мне сие, да приидет Мати Господа моего ко мне?Select Luke 1:43

44Се бо, яко бысть глас целования Твоего во ушию моею, взыграся младенец радощами во чреве моем:Select Luke 1:44

45и блаженна Веровавшая, яко будет совершение глаголголанным Ей от Господа.Select Luke 1:45

46И рече Мариамь: величит душа Моя Господа,Select Luke 1:46

47и возрадовася дух Мой о Бозе Спасе Моем:Select Luke 1:47

48яко призре на смирение Рабы Своея: се бо, отныне ублажат Мя вси роди:Select Luke 1:48

49яко сотвори Мне величие Сильный, и свято имя Его:Select Luke 1:49

50и милость Его в роды родов боящымся Его:Select Luke 1:50

51сотвори державу мышцею Своею: расточи гордыя мыслию сердца их?Select Luke 1:51

52Низложи сильныя со престол, и вознесе смиренныя:Select Luke 1:52

53алчущыя исполни благ и богатящыяся отпусти тщы:Select Luke 1:53

54восприят Израиля отрока Своего, помянути милости,Select Luke 1:54

55якоже глагола ко отцем нашым, Аврааму и семени его до века.Select Luke 1:55

56Пребысть же Мариамь с нею яко три месяцы и возвратися в дом свой.Select Luke 1:56

57Елисавети же исполнися время родити ей, и роди сына.Select Luke 1:57

58И слышаша окрест живущии и ужики ея, яко возвеличил есть Господь милость Свою с нею: и радовахуся с нею.Select Luke 1:58

59И бысть во осмый день, приидоша обрезати отроча, и нарицаху е именем отца его, Захарию.Select Luke 1:59

60И отвещавши мати его рече: ни, но да наречется Иоанн.Select Luke 1:60

61И реша к ней, яко никтоже есть в родстве твоем, иже нарицается именем тем.Select Luke 1:61

62И помаваху отцу его, еже како бы хотел нарещи е.Select Luke 1:62

63И испрошь дщицу, написа, глаголя: Иоанн будет имя ему. И чудяхуся вси.Select Luke 1:63

64Отверзошася же уста его абие и язык его, и глаголаше благословя Бога.Select Luke 1:64

65И бысть на всех страх живущих окрест их: и во всей стране Иудейстей поведаеми бяху вси глаголи сии.Select Luke 1:65

66И положиша вси слышавшии в сердцы своем, глаголюще: что убо отроча сие будет? И рука Господня бе с ним.Select Luke 1:66

67И Захариа отец его исполнися Духа Свята, и пророчествова, глаголя:Select Luke 1:67

68благословен Господь Бог Израилев, яко посети и сотвори избавление людем Своим:Select Luke 1:68

69и воздвиже рог спасения нам, в дому Давида отрока Своего:Select Luke 1:69

70якоже глагола усты святых сущих от века пророк Его,Select Luke 1:70

71спасение от враг наших и из руки всех ненавидящих нас:Select Luke 1:71

72сотворити милость со отцы нашими и помянути завет святый Свой,Select Luke 1:72

73клятву, еюже клятся ко Аврааму отцу нашему, дати нам,Select Luke 1:73

74без страха, из руки враг наших избавльшымся,Select Luke 1:74

75служити Ему преподобием и правдою пред Ним вся дни живота нашего.Select Luke 1:75

76И ты, отроча, пророк Вышняго наречешися: предидеши бо пред лицем Господним, уготовати пути Его,Select Luke 1:76

77дати разум спасения людем Его, во оставление грех их,Select Luke 1:77

78милосердия ради милости Бога нашего, в нихже посетил есть нас Восток свыше,Select Luke 1:78

79просветити во тме и сени смертней седящыя, направити ноги нашя на путь мирен.Select Luke 1:79

80Отроча же растяше и крепляшеся духом: и бе в пустынех до дне явления своего ко Израилю.Select Luke 1:80