10Luke 10

1По сих же яви Господь и инех седмьдесят, и посла их по двема пред лицем Своим во всяк град и место, аможе хотяше Сам ити:Select Luke 10:1

2глаголаше же к ним: жатва убо многа, делателей же мало: молитеся убо Господину жатве, да изведет делатели на жатву Свою.Select Luke 10:2

3Идите: се Аз посылаю вы яко агнцы посреде волков.Select Luke 10:3

4Не носите влагалища, ни пиры, ни сапог: и ни когоже на пути целуйте.Select Luke 10:4

5В оньже аще дом внидете, первее глаголите: мир дому сему:Select Luke 10:5

6и аще убо будет ту сын мира, почиет на нем мир ваш: аще ли же ни, к вам возвратится:Select Luke 10:6

7в том же дому пребывайте, ядуще и пиюще, яже суть у них: достоин бо есть делатель мзды своея. Не преходите из дому в дом.Select Luke 10:7

8И в оньже аще град входите, и приемлют вы, ядите предлагаемая вам:Select Luke 10:8

9и изцелите недужныя, иже суть в нем, и глаголите им: приближися на вы Царствие Божие.Select Luke 10:9

10И в оньже аще град входите, и не приемлют вас, изшедше на распутия его, рцыте:Select Luke 10:10

11и прах, прилепший нам от града вашего, оттрясаем вам. Обаче сие ведите, яко приближися на вы Царствие Божие:Select Luke 10:11

12глаголю вам, яко Содомляном в день той отраднее будет, неже граду тому.Select Luke 10:12

13Горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в ваю, древле убо во вретищи и пепеле седяще покаялися быша:Select Luke 10:13

14обаче Тиру и Сидону отраднее будет на суде, неже вама.Select Luke 10:14

15И ты, Капернауме, иже до небес вознесыйся, до ада низведешися.Select Luke 10:15

16Слушаяй вас, Мене слушает: и отметаяйся вас, Мене отметается: отметаяйся же Мене, отметается Пославшаго Мя.Select Luke 10:16

17Возвратишася же седмьдесят с радостию, глаголюще: Господи, и беси повинуются нам о имени Твоем.Select Luke 10:17

18Рече же им: видех сатану яко молнию с небесе спадша.Select Luke 10:18

19Се, даю вам власть наступати на змию и на скорпию и на всю силу вражию: и ничесоже вас вредит:Select Luke 10:19

20обаче о сем не радуйтеся, яко дуси вам повинуются: радуйтеся же, яко имена ваша написана суть на небесех.Select Luke 10:20

21В той час возрадовася духом Иисус и рече: исповедаютися, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред Тобою.Select Luke 10:21

22И обращься ко учеником, рече: вся Мне предана быша от Отца Моего: и никтоже весть, кто есть Сын, токмо Отец: и кто есть Отец, токмо Сын, и емуже аще хощет Сын открыти.Select Luke 10:22

23И обращься ко учеником, един рече: блажени очи видящии, яже видите:Select Luke 10:23

24глаголю бо вам, яко мнози пророцы и царие восхотеша видети, яже вы видите, и не видеша: и слышати, яже слышите, и не слышаша.Select Luke 10:24

25И се, законник некий воста, искушая Его и глаголя: Учителю, что сотворив, живот вечный наследую?Select Luke 10:25

26Он же рече к нему: в законе что писано есть? Како чтеши?Select Luke 10:26

27Он же отвещав рече: возлюбиши Господа Бога твоего от всего сердца твоего, и от всея души твоея, и всею крепостию твоею, и всем помышлением твоим: и ближняго своего яко сам себе.Select Luke 10:27

28Рече же ему: право отвещал еси: сие сотвори, и жив будеши.Select Luke 10:28

29Он же хотя оправдитися сам, рече ко Иисусу: и кто есть ближний мой?Select Luke 10:29

30Отвещав же Иисус рече: человек некий схождаше от Иерусалима во Иерихон, и в разбойники впаде, иже совлекше его, и язвы возложше отидоша, оставльше едва жива суща.Select Luke 10:30

31По случаю же священник некий схождаше путем тем, и видев его, мимоиде.Select Luke 10:31

32Такожде же и левит, быв на том месте, пришед и видев, мимоиде.Select Luke 10:32

33Самарянин же некто грядый, прииде над него, и видев его, милосердова:Select Luke 10:33

34и приступль обвяза струпы его, возливая масло и вино: всадив же его на свой скот, приведе его в гостинницу и прилежа ему:Select Luke 10:34

35и наутрия изшед, иземь два сребреника, даде гостиннику и рече ему: прилежи ему: и еже аще прииждивеши, аз егда возвращуся, воздам ти.Select Luke 10:35

36Кто убо от тех триех ближний мниттися быти впадшему в разбойники?Select Luke 10:36

37Он же рече: сотворивый милость с ним. Рече же ему Иисус: иди, и ты твори такожде.Select Luke 10:37

38Бысть же ходящым им, и Сам вниде в весь некую: жена же некая именем Марфа прият Его в дом свой:Select Luke 10:38

39и сестра ей бе нарицаемая Мариа, яже и седши при ногу Иисусову, слышаше слово Его.Select Luke 10:39

40Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? Рцы убо ей, да ми поможет.Select Luke 10:40

41Отвещав же Иисус рече ей: Марфо, Марфо, печешися и молвиши о мнозе,Select Luke 10:41

42едино же есть на потребу. Мариа же благую часть избра, яже не отимется от нея.Select Luke 10:42