13Luke 13

1Приидоша же нецыи в то время, поведающе Ему о Галилеех, ихже кровь Пилат смеси с жертвами их.Select Luke 13:1

2И отвещав Иисус рече им: мните ли, яко Галилеане сии грешнейши паче всех Галилеан бяху, яко тако пострадаша?Select Luke 13:2

3Ни, глаголю вам: но аще не покаетеся, вси такожде погибнете.Select Luke 13:3

4Или они осмьнадесяте, на нихже паде столп Силоамский и поби их, мните ли, яко тии должнейши бяху паче всех живущих во Иерусалиме?Select Luke 13:4

5Ни, глаголю вам: но аще не покаетеся, вси такожде погибнете.Select Luke 13:5

6Глаголаше же сию притчу: смоковницу имяше некий в винограде своем всаждену: и прииде ищя плода на ней, и не обрете:Select Luke 13:6

7рече же к винареви: се, третие лето, отнелиже прихожду ищя плода на смоковнице сей, и не обретаю: посецы ю (убо), вскую и землю упражняет?Select Luke 13:7

8Он же отвещав рече ему: господи, остави ю и се лето, дондеже окопаю окрест ея и осыплю гноем:Select Luke 13:8

9и аще убо сотворит плод: аще ли же ни, во грядущее посечеши ю.Select Luke 13:9

10Бяше же учя на единем от сонмищ в субботу:Select Luke 13:10

11и се, жена бе имущи дух недужен лет осмьнадесять, и бе сляка и не могущи восклонитися отнюд.Select Luke 13:11

12Видев же ю Иисус, пригласи и рече ей: жено, отпущена еси от недуга твоего.Select Luke 13:12

13И возложи на ню руце: и абие простреся и славляше Бога.Select Luke 13:13

14Отвещав же старейшина собору, негодуя, зане в субботу изцели (ю) Иисус, глаголаше народу: шесть дний есть, в няже достоит делати: в тыя убо приходяще целитеся, а не в день субботный.Select Luke 13:14

15Отвеща (же) убо ему Господь и рече: лицемере, кождо вас в субботу не отрешает ли своего вола или осла от яслий, и вед напаяет?Select Luke 13:15

16Сию же дщерь Авраамлю сущу, юже связа сатана, се, осмоенадесяте лето, не достояше ли разрешитися ей от юзы сея в день субботный?Select Luke 13:16

17И сия Ему глаголющу, стыдяхуся вси противляющиися Ему: и вси людие радовахуся о всех славных бывающих от Него.Select Luke 13:17

18Глаголаше же: кому подобно есть Царствие Божие? И кому уподоблю е?Select Luke 13:18

19Подобно есть зерну горушну, еже приемь человек вверже в вертоград свой: и возрасте, и бысть древо велие, и птицы небесныя вселишася в ветвие его.Select Luke 13:19

20Паки рече: кому уподоблю Царствие Божие?Select Luke 13:20

21Подобно есть квасу, егоже приемши жена, скры в сатех триех муки, дондеже вскисе все.Select Luke 13:21

22И прохождаше сквозе грады и веси, учя и шествие творя во Иерусалим.Select Luke 13:22

23Рече же некий Ему: Господи, аще мало есть спасающихся? Он же рече к ним:Select Luke 13:23

24подвизайтеся внити сквозе тесная врата: яко мнози, глаголю вам, взыщут внити, и не возмогут.Select Luke 13:24

25Отнележе востанет дому владыка и затворит двери, и начнете вне стояти и ударяти в двери, глаголюще: Господи, Господи, отверзи нам. И отвещав речет вам: не вем вас, откуду есте.Select Luke 13:25

26Тогда начнете глаголати: ядохом пред Тобою и пихом, и на распутиих наших учил еси.Select Luke 13:26

27И речет: глаголю вам, не вем вас, откуду есте: отступите от Мене, вси делателие неправды.Select Luke 13:27

28Ту будет плачь и скрежет зубом, егда узрите Авраама и Исаака и Иакова и вся пророки во Царствии Божии, вас же изгонимых вон.Select Luke 13:28

29И приидут от восток и запад и севера и юга, и возлягут в Царствии Божии.Select Luke 13:29

30И се, суть последнии, иже будут перви, и суть первии, иже будут последни.Select Luke 13:30

31В той день приступиша нецыи от фарисей, глаголюще Ему: изыди и иди отсюду, яко Ирод хощет Тя убити.Select Luke 13:31

32И рече им: шедше рцыте лису тому: се, изгоню бесы и изцеления творю днесь и утре, и в третий скончаюся:Select Luke 13:32

33обаче подобает Ми днесь и утре и в ближний ити: яко невозможно есть пророку погибнути кроме Иерусалима.Select Luke 13:33

34Иерусалиме, Иерусалиме, избивый пророки и камением побивая посланныя к тебе, колькраты восхотех собрати чада твоя, якоже кокош гнездо свое под криле, и не восхотесте?Select Luke 13:34

35Се оставляется вам дом ваш пуст. Глаголю же вам, яко не имате Мене видети, дондеже приидет, егда речете: благословен Грядый во имя Господне.Select Luke 13:35