16Luke 16

1Глаголаше же ко учеником Своим: человек некий бе богат, иже имяше приставника: и той оклеветан бысть к нему, яко расточает имения его:Select Luke 16:1

2и пригласив его рече ему: что се слышу о тебе? Воздаждь ответ о приставлении домовнем: не возможеши бо ктому дому строити.Select Luke 16:2

3Рече же в себе приставник дому: что сотворю, яко господь мой отемлет строение дому от мене? Копати не могу, просити стыжуся:Select Luke 16:3

4разумех, что сотворю, да егда отставлен буду от строения дому, приимут мя в домы своя.Select Luke 16:4

5И призвав единаго когождо от должник господина своего, глаголаше первому: колицем должен еси господину моему?Select Luke 16:5

6Он же рече: сто мер масла. И рече ему: приими писание твое, и сед скоро напиши пятьдесят.Select Luke 16:6

7Потом же рече другому: ты же колицем должен еси? Он же рече: сто мер пшеницы. И глагола ему: приими писание твое, и напиши осмьдесят.Select Luke 16:7

8И похвали господь дому строителя неправеднаго, яко мудре сотвори: яко сынове века сего мудрейши паче сынов света в роде своем суть.Select Luke 16:8

9И Аз вам глаголю: сотворите себе други от мамоны неправды, да, егда оскудеете, приимут вы в вечныя кровы.Select Luke 16:9

10Верный в мале, и во мнозе верен есть: и неправедный в мале, и во мнозе неправеден есть.Select Luke 16:10

11Аще убо в неправеднем имении верни не бысте, во истиннем кто вам веру имет?Select Luke 16:11

12И аще в чужем верни не бысте, ваше кто вам даст?Select Luke 16:12

13Ни кий же раб может двема господинома работати: ибо или единаго возненавидит, а другаго возлюбит: или единаго держится, о друзем же нерадети начнет: не можете Богу работати и мамоне.Select Luke 16:13

14Слышаху же сия вся и фарисее, сребролюбцы суще, ругахуся Ему.Select Luke 16:14

15И рече им: вы есте оправдающе себе пред человеки, Бог же весть сердца ваша: яко, еже есть в человецех высоко, мерзость есть пред Богом.Select Luke 16:15

16Закон и пророцы до Иоанна: оттоле Царствие Божие благовествуется, и всяк в не нудится.Select Luke 16:16

17Удобее же есть небу и земли прейти, неже от закона единей черте погибнути.Select Luke 16:17

18Всяк пущаяй жену свою и приводя ину прелюбы деет: и женяйся пущеною от мужа прелюбы творит.Select Luke 16:18

19Человек же некий бе богат, и облачашеся в порфиру и виссон, веселяся на вся дни светло.Select Luke 16:19

20Нищь же бе некто, именем Лазарь, иже лежаше пред враты его гноенSelect Luke 16:20

21и желаше насытитися от крупиц падающих от трапезы богатаго: но и пси приходяще облизаху гной его.Select Luke 16:21

22Бысть же умрети нищему и несену быти Ангелы на лоно Авраамле: умре же и богатый, и погребоша его:Select Luke 16:22

23и во аде возвед очи свои, сый в муках, узре Авраама издалеча, и Лазаря на лоне его:Select Luke 16:23

24и той возглашь рече: отче Аврааме, помилуй мя и посли Лазаря, да омочит конец перста своего в воде и устудит язык мой, яко стражду во пламени сем.Select Luke 16:24

25Рече же Авраам: чадо, помяни, яко восприял еси благая твоя в животе твоем, и Лазарь такожде злая: ныне же зде утешается, ты же страждеши:Select Luke 16:25

26и над всеми сими между нами и вами пропасть велика утвердися, яко да хотящии прейти отсюду к вам не возмогут, ни иже оттуду, к нам преходят.Select Luke 16:26

27Рече же: молю тя убо, отче, да послеши его в дом отца моего:Select Luke 16:27

28имам бо пять братий: яко да засвидетелствует им, да не и тии приидут на место сие мучения.Select Luke 16:28

29Глагола ему Авраам: имут Моисеа и пророки: да послушают их.Select Luke 16:29

30Он же рече: ни, отче Аврааме: но аще кто от мертвых идет к ним, покаются.Select Luke 16:30

31Рече же ему: аще Моисеа и пророков не послушают, и аще кто от мертвых воскреснет, не имут веры.Select Luke 16:31