18Luke 18

1Глаголаше же и притчу к ним, како подобает всегда молитися и не стужати (си),Select Luke 18:1

2глаголя: судия бе некий в некоем граде, Бога не бояся и человек не срамляяся.Select Luke 18:2

3Вдова же некая бе во граде том: и прихождаше к нему, глаголющи: отмсти мене от соперника моего.Select Luke 18:3

4И не хотяше на долзе времени. Последи же рече в себе: аще и Бога не боюся, и человек не срамляюся:Select Luke 18:4

5но зане творит ми труды вдовица сия, отмщу ея: да не до конца приходящи застоит мене.Select Luke 18:5

6Рече же Господь: слышите, что судия неправды глаголет?Select Luke 18:6

7Бог же не имать ли сотворити отмщение избранных Своих, вопиющих к Нему день и нощь, и долготерпя о них?Select Luke 18:7

8Глаголю вам, яко сотворит отмщение их вскоре: обаче Сын Человеческий пришед убо обрящет ли (си) веру на земли?Select Luke 18:8

9Рече же и ко другим уповающым собою, яко суть праведницы, и уничижающым прочих, притчу сию:Select Luke 18:9

10человека два внидоста в церковь помолитися: един фарисей, а другий мытарь.Select Luke 18:10

11Фарисей же став, сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь:Select Luke 18:11

12пощуся двакраты в субботу, десятину даю всего елико притяжу.Select Luke 18:12

13Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мне грешнику.Select Luke 18:13

14Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется.Select Luke 18:14

15Приношаху же к Нему и младенцы, да их коснется: видевше же ученицы запретиша им.Select Luke 18:15

16Иисус же призвав их, глагола: оставите детей приходити ко Мне и не браните им: таковых бо есть Царствие Божие:Select Luke 18:16

17аминь бо глаголю вам: иже аще не приимет Царствия Божия яко отроча, не имать внити в не.Select Luke 18:17

18И вопроси Его некий князь, глаголя: Учителю благий, что сотворив, живот вечный наследствую?Select Luke 18:18

19Рече же ему Иисус: что Мя глаголеши блага? Никтоже благ, токмо един Бог:Select Luke 18:19

20заповеди веси: не прелюбы твори, не убий, не укради, не лжесвидетелствуй, чти отца твоего и матерь твою.Select Luke 18:20

21Он же рече: вся сия сохраних от юности моея.Select Luke 18:21

22Слышав же сия Иисус рече ему: еще единаго не докончал еси: вся, елика имаши, продаждь и раздай нищым: и имети имаши сокровище на небеси: и гряди вслед Мене.Select Luke 18:22

23Он же слышав сие, прискорбен бысть: бе бо богат зело.Select Luke 18:23

24Видев же его Иисус прискорбна бывша, рече: како не удобь имущии богатство в Царствие Божие внидут:Select Luke 18:24

25удобее бо есть вельбуду сквозе иглине ушы проити, неже богату в Царствие Божие внити.Select Luke 18:25

26Реша же слышавшии: то кто может спасен быти?Select Luke 18:26

27Он же рече: невозможная у человек возможна суть у Бога.Select Luke 18:27

28Рече же Петр: се, мы оставихом вся и по Тебе идохом.Select Luke 18:28

29Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, Царствия ради Божия,Select Luke 18:29

30иже не приимет множицею во время сие, и в век грядущий живот вечный.Select Luke 18:30

31Поемь же обанадесяте ученики Своя, рече к ним: се, восходим во Иерусалим, и скончаются вся писанная пророки о Сыне Человечесте:Select Luke 18:31

32предадят бо Его языком и поругаются Ему, и укорят Его и оплюют Его,Select Luke 18:32

33и бивше убиют Его: и в третий день воскреснет.Select Luke 18:33

34И тии ничесоже от сих разумеша: и бе глаголгол сей сокровен от них, и не разумеваху глаголголемых.Select Luke 18:34

35Бысть же егда приближишася во Иерихон, слепец некий седяше при пути прося:Select Luke 18:35

36слышав же народ мимоходящь, вопрошаше: что убо есть се?Select Luke 18:36

37Поведаша же ему, яко Иисус Назарянин мимоходит.Select Luke 18:37

38И возопи, глаголя: Иисусе Сыне Давидов, помилуй мя.Select Luke 18:38

39И предидущии прещаху ему, да умолчит: он же паче множае вопияше: Сыне Давидов, помилуй мя.Select Luke 18:39

40Став же Иисус повеле привести его к Себе. Приближшуся же ему к Нему, вопроси его,Select Luke 18:40

41глаголя: что хощеши, да ти сотворю? Он же рече: Господи, да прозрю.Select Luke 18:41

42Иисус же рече ему: прозри: вера твоя спасе тя.Select Luke 18:42

43И абие прозре, и вслед Его идяше, славя Бога. И вси людие видевше воздаша хвалу Богови.Select Luke 18:43