19Luke 19

1И вшед прохождаше Иерихон.Select Luke 19:1

2И се, муж нарицаемый Закхей, и сей бе старей мытарем, и той бе богат:Select Luke 19:2

3и искаше видети Иисуса, кто есть, и не можаше от народа, яко возрастом мал бе:Select Luke 19:3

4и предитек, возлезе на ягодичину, да видит, яко хотяше мимо ея проити.Select Luke 19:4

5И яко прииде на место, воззрев Иисус виде его и рече к нему: Закхее, потщався слези: днесь бо в дому твоем подобает Ми быти.Select Luke 19:5

6И потщався слезе и прият Его радуяся.Select Luke 19:6

7И видевше вси роптаху, глаголюще, яко ко грешну мужу вниде витати.Select Luke 19:7

8Став же Закхей рече ко Господу: се, пол имения моего, Господи, дам нищым: и аще кого чим обидех, возвращу четверицею.Select Luke 19:8

9Рече же к нему Иисус, яко днесь спасение дому сему бысть, зане и сей сын Авраамль есть:Select Luke 19:9

10прииде бо Сын Человечь взыскати и спасти погибшаго.Select Luke 19:10

11Слышащым же им сия, приложь рече притчу, зане близ Ему быти Иерусалима, и мняху, яко абие Царство Божие хощет явитися.Select Luke 19:11

12Рече убо: человек некий добра рода иде на страну далече прияти себе царство и возвратитися:Select Luke 19:12

13призвав же десять раб своих, даде им десять мнас и рече к ним: куплю дейте, дондеже прииду.Select Luke 19:13

14И граждане его ненавидяху его и послаша послы вслед его, глаголюще: не хощем сему, да царствует над нами.Select Luke 19:14

15И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили.Select Luke 19:15

16Прииде же первый, глаголя: господи, мнас твоя придела десять мнас.Select Luke 19:16

17И рече ему: благо, рабе добрый: яко о мале верен был еси, буди область имея над десятию градов.Select Luke 19:17

18И прииде вторый, глаголя: господи, мнас твоя сотвори пять мнас.Select Luke 19:18

19Рече же и тому: и ты буди над пятию градов.Select Luke 19:19

20И другий прииде, глаголя: господи, се, мнас твоя, юже имех положену во убрусе:Select Luke 19:20

21бояхся бо тебе, яко человек яр еси, вземлеши, егоже не положил еси, и жнеши, егоже не сеял еси.Select Luke 19:21

22Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях:Select Luke 19:22

23и почто не вдал еси моего сребра купцем, и аз пришед с лихвою истязал бых е?Select Luke 19:23

24И предстоящым рече: возмите от него мнас и дадите имущему десять мнас.Select Luke 19:24

25И реша ему: господи, имать десять мнас.Select Luke 19:25

26Глаголю бо вам, яко всякому имущему дастся: а от неимущаго, и еже имать, отимется от него:Select Luke 19:26

27обаче враги моя оны, иже не восхотеша мене, да царь бых был над ними, приведите семо и изсецыте предо мною.Select Luke 19:27

28И сия рек, идяше преди, восходя во Иерусалим.Select Luke 19:28

29И бысть яко приближися в Вифсфагию и Вифанию, к горе нарицаемей Елеон, посла два ученик Своих,Select Luke 19:29

30глаголя: идита в прямную весь: (и) в нюже входяща обрящета жребя привязано, на неже никтоже николиже от человек вседе: отрешша е приведита:Select Luke 19:30

31и аще кто вы вопрошает: почто отрешаета? Сице рцыта ему, яко Господь его требует.Select Luke 19:31

32Шедша же посланная обретоста, якоже рече има.Select Luke 19:32

33Отрешающема же има жребя, рекоша господие его к нима: что отрешаета жребя?Select Luke 19:33

34Она же рекоста, яко Господь его требует.Select Luke 19:34

35И приведоста е ко Иисусови: и возвергше ризы своя на жребя, всадиша Иисуса.Select Luke 19:35

36Идущу же Ему, постилаху ризы своя по пути.Select Luke 19:36

37Приближающужеся Ему уже (абие) к низхождению горе Елеонстей, начаша все множество ученик радующеся хвалити Бога гласом велиим о всех силах, яже видеша,Select Luke 19:37

38глаголюще: благословен грядый Царь во имя Господне: мир на небеси и слава в вышних.Select Luke 19:38

39И нецыи фарисее от народа реша к Нему: Учителю, запрети учеником Твоим.Select Luke 19:39

40И отвещав рече им: глаголю вам, яко, аще сии умолчат, камение возопиет.Select Luke 19:40

41И яко приближися, видев град, плакася о нем,Select Luke 19:41

42глаголя: яко аще бы разумел и ты, в день сей твой, еже к смирению твоему: ныне же скрыся от очию твоею:Select Luke 19:42

43яко приидут дние на тя, и обложат врази твои острог о тебе, и обыдут тя, и оымут тя отвсюду,Select Luke 19:43

44и разбиют тя и чада твоя в тебе, и не оставят камень на камени в тебе: понеже не разумел еси времене посещения твоего.Select Luke 19:44

45И вшед в церковь, начат изгонити продающыя в ней и купующыя,Select Luke 19:45

46глаголя им: писано есть: дом Мой дом молитвы есть: вы же сотвористе его пещеру разбойником.Select Luke 19:46

47И бе учя по вся дни в церкви. Архиерее же и книжницы искаху Его погубити, и старейшины людем:Select Luke 19:47

48и не обретаху, что бы сотворили Ему: людие бо вси держахуся Его, послушающе Его.Select Luke 19:48