24Luke 24

1Во едину же от суббот зело рано приидоша на гроб, носящя яже уготоваша ароматы: и другия с ними:Select Luke 24:1

2обретоша же камень отвален от гроба,Select Luke 24:2

3и вшедшя не обретоша телесе Господа Иисуса.Select Luke 24:3

4И бысть не домышляющымся им о сем, и се, мужа два стаста пред ними в ризах блещащихся.Select Luke 24:4

5Пристрашным же бывшым им и поклоньшым лица на землю, рекоста к ним: что ищете живаго с мертвыми?Select Luke 24:5

6Несть зде, но воста: помяните, якоже глагола вам, еще сый в Галилеи,Select Luke 24:6

7глаголя, яко подобает Сыну Человеческому предану быти в руце человек грешник, и пропяту быти, и в третий день воскреснути.Select Luke 24:7

8И помянуша глаголголы Его,Select Luke 24:8

9и возвращшяся от гроба, возвестиша вся сия единомунадесяте и всем прочым.Select Luke 24:9

10Бяше же Магдалина Мариа и Иоанна и Мариа Иаковля, и прочыя с ними, яже глаголаху ко Апостолом сия.Select Luke 24:10

11И явишася пред ними яко лжа глаголы их, и не вероваху им.Select Luke 24:11

12Петр же востав тече ко гробу и приник виде ризы едины лежащя: и отиде, в себе дивяся бывшему.Select Luke 24:12

13И се, два от них беста идуща в тойже день в весь отстоящу стадий шестьдесят от Иерусалима, ейже имя Еммаус:Select Luke 24:13

14и та беседоваста к себе о всех сих приключшихся.Select Luke 24:14

15И бысть беседующема има и совопрошающемася, и Сам Иисус приближився идяше с нима:Select Luke 24:15

16очи же ею держастеся, да Его не познаета.Select Luke 24:16

17Рече же к нима: что суть словеса сия, о нихже стязаетася к себе идуща, и еста дряхла?Select Luke 24:17

18Отвещав же един, емуже имя Клеопа, рече к Нему: Ты ли един пришлец еси во Иерусалим, и не уведел еси бывших в нем во дни сия?Select Luke 24:18

19И рече има: киих? Она же реста Ему: яже о Иисусе Назарянине, Иже бысть муж пророк, силен делом и словом пред Богом и всеми людьми:Select Luke 24:19

20како предаша Его архиерее и князи наши на осуждение смерти и распяша Его:Select Luke 24:20

21мы же надеяхомся, яко Сей есть хотя избавити Израиля: но и над всеми сими, третий сей день есть днесь, отнелиже сия быша:Select Luke 24:21

22но и жены некия от нас ужасиша ны, бывшыя рано у гроба:Select Luke 24:22

23и не обретшя телесе Его, приидоша, глаголющя, яко и явление Ангел видеша, иже глаголют Его жива:Select Luke 24:23

24и идоша нецыи от нас ко гробу и обретоша тако, якоже и жены реша: Самаго же не видеша.Select Luke 24:24

25И Той рече к нима: о несмысленная и косная сердцем, еже веровати о всех, яже глаголаша пророцы:Select Luke 24:25

26не сия ли подобаше пострадати Христу и внити в славу Свою?Select Luke 24:26

27И начен от Моисеа и от всех пророк, сказаше има от всех Писаний яже о Нем.Select Luke 24:27

28И приближишася в весь, в нюже идяста: и Той творяшеся далечайше ити:Select Luke 24:28

29и нуждаста Его, глаголюща: облязи с нама, яко к вечеру есть, и приклонился есть день. И вниде с нима облещи.Select Luke 24:29

30И бысть яко возлеже с нима, (и) приим хлеб благослови, и преломив даяше има:Select Luke 24:30

31онема же отверзостеся очи, и познаста Его: и Той невидимь бысть има.Select Luke 24:31

32И рекоста к себе: не сердце ли наю горя бе в наю, егда глаголаше нама на пути и егда сказоваше нама Писания?Select Luke 24:32

33И воставша в той час, возвратистася во Иерусалим и обретоста совокупленых единонадесяте и иже бяху с ними,Select Luke 24:33

34глаголющих, яко воистинну воста Господь и явися Симону.Select Luke 24:34

35И та поведаста, яже быша на пути, и яко познася има в преломлении хлеба.Select Luke 24:35

36Сия же им глаголющым, (и) Сам Иисус ста посреде их и глагола им: мир вам.Select Luke 24:36

37Убоявшеся же и пристрашни бывше, мняху дух видети:Select Luke 24:37

38и рече им: что смущени есте? И почто помышления входят в сердца ваша?Select Luke 24:38

39Видите руце Мои и нозе Мои, яко сам Аз есмь: осяжите Мя и видите: яко дух плоти и кости не имать, якоже Мене видите имуща.Select Luke 24:39

40И сие рек, показа им руце и нозе.Select Luke 24:40

41Еще же неверующым им от радости и чудящымся, рече им: имате ли что снедно зде?Select Luke 24:41

42Они же даша Ему рыбы печены часть и от пчел сот.Select Luke 24:42

43И взем пред ними яде,Select Luke 24:43

44рече же им: сия суть словеса, яже глаголах к вам еще сый с вами, яко подобает скончатися всем написанным в законе Моисеове и пророцех и псалмех о Мне.Select Luke 24:44

45Тогда отверзе им ум разумети ПисанияSelect Luke 24:45

46и рече им, яко тако писано есть, и тако подобаше пострадати Христу и воскреснути от мертвых в третий день,Select Luke 24:46

47и проповедатися во имя Его покаянию и отпущению грехов во всех языцех, наченше от Иерусалима:Select Luke 24:47

48вы же есте свидетелие сим:Select Luke 24:48

49и се, Аз послю обетование Отца Моего на вы: вы же седите во граде Иерусалимсте, дондеже облечетеся силою свыше.Select Luke 24:49

50Извед же их вон до Вифании и воздвиг руце Свои, (и) благослови их.Select Luke 24:50

51И бысть егда благословляше их, отступи от них и возношашеся на небо.Select Luke 24:51

52И тии поклонишася Ему, и возвратишася во Иерусалим с радостию великою:Select Luke 24:52

53и бяху выну в церкви, хваляще и благословяще Бога. Аминь.Select Luke 24:53