4Luke 4

1Иисус же исполнь Духа Свята возвратися от Иордана: и ведяшеся Духом в пустыню,Select Luke 4:1

2дний четыридесять искушаемь от диавола: и не яст ничесоже во дни тыя: и скончавшымся им, последи взалка.Select Luke 4:2

3И рече Ему диавол: аще Сын еси Божий, рцы каменеви сему, да будет хлеб.Select Luke 4:3

4И отвеща Иисус к нему, глаголя: писано есть, яко не о хлебе единем жив будет человек, но о всяцем глаголголе Божии.Select Luke 4:4

5И возвед Его диавол на гору высоку, показа Ему вся царствия вселенныя в часе временне,Select Luke 4:5

6и рече Ему диавол: Тебе дам власть сию всю и славу их: яко мне предана есть, и, емуже аще хощу, дам ю:Select Luke 4:6

7Ты убо аще поклонишися предо мною, будут Тебе вся.Select Luke 4:7

8И отвещав рече ему Иисус: иди за Мною, сатано: писано есть: поклонишися Господу Богу твоему, и Тому единому послужиши.Select Luke 4:8

9И веде Его во Иерусалим, и постави Его на криле церковнем, и рече Ему: аще Сын еси Божий, верзися отсюду долу:Select Luke 4:9

10писано бо есть, яко Ангелом Своим заповесть о Тебе сохранити Тя:Select Luke 4:10

11и на руках возмут Тя, да не когда преткнеши о камень ногу Твою.Select Luke 4:11

12И отвещав рече ему Иисус, яко речено есть: не искусиши Господа Бога твоего.Select Luke 4:12

13И скончав все искушение диавол, отиде от Него до времене.Select Luke 4:13

14И возвратися Иисус в силе духовней в Галилею: и весть изыде по всей стране о Нем.Select Luke 4:14

15И той учаше на сонмищих их, славимь всеми.Select Luke 4:15

16И прииде в Назарет, идеже бе воспитан. И вниде, по обычаю Своему, в день субботный в сонмище, и воста чести.Select Luke 4:16

17И даша Ему книгу Исаии пророка: и разгнув книгу, обрете место, идеже бе написано:Select Luke 4:17

18Дух Господень на Мне: Егоже ради помаза Мя благовестити нищым, посла Мя изцелити сокрушенныя сердцем, проповедати плененным отпущение и слепым прозрение, отпустити сокрушенныя во отраду,Select Luke 4:18

19проповедати лето Господне приятно.Select Luke 4:19

20И согнув книгу, отдав слузе, седе: и всем в сонмищи очи беху зряще Нань.Select Luke 4:20

21И начат глаголати к ним, яко днесь сбыстся писание сие во ушию вашею.Select Luke 4:21

22И вси свидетелствоваху Ему, и дивляхуся о словесех благодати, исходящих из уст Его, и глаголаху: не Сей ли есть сын Иосифов?Select Luke 4:22

23И рече к ним: всяко речете Ми притчу сию: врачу, изцелися Сам: елика слышахом бывшая в Капернауме, сотвори и зде во отечествии Своем.Select Luke 4:23

24Рече же: аминь глаголю вам, яко ни который пророк приятен есть во отечествии своем:Select Luke 4:24

25поистинне же глаголю вам: многи вдовицы беша во дни Илиины во Израили, егда заключися небо три лета и месяц шесть, яко бысть глад велик по всей земли:Select Luke 4:25

26и ни ко единей их послан бысть Илиа, токмо в Сарепту Сидонскую к жене вдовице:Select Luke 4:26

27и мнози прокажени беху при Елиссеи пророце во Израили: и ни един же от них очистися, токмо Нееман Сирианин.Select Luke 4:27

28И исполнишася вси ярости в сонмищи, слышавшии сия:Select Luke 4:28

29и воставше изгнаша Его вон из града, и ведоша Его до верху горы, на нейже град их создан бяше, да быша Его низринули:Select Luke 4:29

30Он же прошед посреде их, идяше.Select Luke 4:30

31И сниде в Капернаум град Галилейский: и бе учя их в субботы.Select Luke 4:31

32И ужасахуся о учении Его: яко со властию бе слово Его.Select Luke 4:32

33И в сонмищи бе человек имый духа беса нечиста, и возопи гласом велиим,Select Luke 4:33

34глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий.Select Luke 4:34

35И запрети ему Иисус, глаголя: премолчи и изыди из него. И поверг его бес посреде, изыде из него, никакоже вредив его.Select Luke 4:35

36И бысть ужас на всех, и стязахуся друг ко другу, глаголюще: что слово сие, яко властию и силою велит нечистым духовом, и исходят?Select Luke 4:36

37И исхождаше глас о Нем во всяко место страны.Select Luke 4:37

38Востав же из сонмища, вниде в дом Симонов: теща же Симонова бе одержима огнем велиим: и молиша Его о ней.Select Luke 4:38

39И став над нею, запрети огню, и остави ю. Абие же воставши служаше им.Select Luke 4:39

40Заходящу же солнцу, вси, елицы имеяху болящыя недуги различными, привождаху их к Нему: Он же на единаго коегождо их руце возложь, изцеляше их.Select Luke 4:40

41Исхождаху же и беси от многих, вопиюще и глаголюще, яко Ты еси Христос Сын Божий. И запрещая не даяше им глаголати, яко ведяху Христа Самаго суща.Select Luke 4:41

42Бывшу же дню, изшед иде в пусто место: и народи искаху Его, и приидоша к Нему, и удержаваху Его, дабы не отшел от них.Select Luke 4:42

43Он же рече к ним, яко и другим градовом благовестити Ми подобает Царствие Божие: яко на се послан есмь.Select Luke 4:43

44И бе проповедая на сонмищих галилейских.Select Luke 4:44