7Luke 7

1Егда же сконча вся глаголголы Своя в слухи людем, вниде в Капернаум.Select Luke 7:1

2Сотнику же некоему раб боля зле, хотяше умрети, иже бе ему честен.Select Luke 7:2

3Слышав же о Иисусе, посла к Нему старцы Иудейския, моля Его, яко да пришед спасет раба его.Select Luke 7:3

4Они же пришедше ко Иисусови, моляху Его тощно, глаголюще, яко достоин есть, емуже даси сие:Select Luke 7:4

5любит бо язык наш, и сонмище той созда нам.Select Luke 7:5

6Иисус же идяше с ними. И уже Ему не далече сущу от храмины, посла к Нему сотник други, глаголя Ему: Господи, не движися: несмь бо достоин, да под кров мой внидеши:Select Luke 7:6

7темже ни себе достойна сотворих приити к Тебе: но рцы слово, и изцелеет отрок мой:Select Luke 7:7

8ибо и аз человек есмь под владыкою учинен, имея под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит.Select Luke 7:8

9Слышав же сия Иисус, чудися ему, и обращься идущему по Нем народу рече: глаголю вам, ни во Израили толики веры обретох.Select Luke 7:9

10И возвращшеся посланнии обретоша болящаго раба изцелевша.Select Luke 7:10

11И бысть посем, идяше во град, нарицаемый Наин: и с Ним идяху ученицы Его мнози и народ мног.Select Luke 7:11

12Якоже приближися ко вратом града, и се изношаху умерша, сына единородна матери своей, и та бе вдова: и народ от града мног с нею.Select Luke 7:12

13И видев ю Господь, милосердова о ней, и рече ей: не плачи.Select Luke 7:13

14И приступль коснуся во одр: носящии же сташа: и рече: юноше, тебе глаголю, востани.Select Luke 7:14

15И седе мертвый, и начат глаголати: и даде его матери его.Select Luke 7:15

16Прият же страх всех, и славляху Бога, глаголюще: яко пророк велий воста в нас, и яко посети Бог людий Своих.Select Luke 7:16

17И изыде слово сие по всей Иудеи о Нем, и по всей стране.Select Luke 7:17

18И возвестиша Иоанну ученицы его о всех сих.Select Luke 7:18

19И призвав два некая от ученик своих Иоанн, посла ко Иисусу, глаголя: Ты ли еси Грядый, или иного чаем?Select Luke 7:19

20Пришедша же к Нему мужа, реста: Иоанн Креститель посла нас к Тебе, глаголя: Ты ли еси Грядый, или иного чаем,Select Luke 7:20

21в Той же час изцели многи от недуг и ран и дух злых и многим слепым дарова прозрение.Select Luke 7:21

22И отвещав Иисус рече има: шедша возвестита Иоанну, яже видеста и слышаста: яко слепии прозирают, хромии ходят, прокаженнии очищаются, глусии слышат, мертвии востают, нищии благовествуют:Select Luke 7:22

23и блажен есть, иже аще не соблазнится о Мне.Select Luke 7:23

24Отшедшема же ученикома Иоанновома, начат глаголати к народом о Иоанне: чесо изыдосте в пустыню видети, трость ли ветром колеблему?Select Luke 7:24

25Но чесо изыдосте видети? Человека ли в мягки ризы одеяна? Се, иже во одежди славней и пищи сущии, во царствии суть.Select Luke 7:25

26Но чесо изыдосте видети? Пророка ли? Ей, глаголю вам, и лишше пророка.Select Luke 7:26

27Сей (бо) есть, о немже писано есть: се, Аз послю Ангела Моего пред лицем Твоим, иже устроит путь Твой пред Тобою.Select Luke 7:27

28Глаголю бо вам: болий в рожденных женами пророка Иоанна Крестителя никтоже есть: мний же во Царствии Божии болий его есть.Select Luke 7:28

29И вси людие слышавше и мытарие оправдиша Бога, крещшеся крещением Иоанновым:Select Luke 7:29

30фарисее же и законницы совет Божий отвергоша о себе, не крещшеся от него.Select Luke 7:30

31Рече же Господь: кому убо уподоблю человеки рода сего, и кому суть подобни?Select Luke 7:31

32Подобни суть отрочищем седящым на торжищих, и приглашающым друг друга, и глаголющым: пискахом вам, и не плясасте: рыдахом вам, и не плакасте.Select Luke 7:32

33Прииде бо Иоанн Креститель ни хлеба ядый, ни вина пия, и глаголете: беса имать.Select Luke 7:33

34Прииде Сын Человеческий ядый и пия, и глаголете: сей человек ядца и винопийца, друг мытарем и грешником.Select Luke 7:34

35И оправдися премудрость от чад своих всех.Select Luke 7:35

36Моляше же Его некий от фарисей, дабы ял с ним: и вшед в дом фарисеов, возлеже.Select Luke 7:36

37И се, жена во граде, яже бе грешница, и уведевши, яко возлежит во храмине фарисеове, принесши алавастр мира,Select Luke 7:37

38и ставши при ногу Его созади, плачущися, начат умывати нозе Его слезами, и власы главы своея отираше, и облобызаше нозе Его, и мазаше миром.Select Luke 7:38

39Видев же фарисей воззвавый Его, рече в себе, глаголя: Сей аще бы был пророк, ведел бы, кто и какова жена прикасается Ему: яко грешница есть.Select Luke 7:39

40И отвещав Иисус рече к нему: Симоне, имам ти нечто рещи. Он же рече: Учителю, рцы.Select Luke 7:40

41Иисус же рече: два должника беста заимодавцу некоему: един бе должен пятиюсот динарий, другий же пятиюдесят:Select Luke 7:41

42не имущема же има воздати, обема отда. Который убо ею, рцы, паче возлюбит его?Select Luke 7:42

43Отвещав же Симон рече: мню, яко емуже вящше отда. Он же рече ему: право судил еси.Select Luke 7:43

44И обращься к жене, Симонови рече: видиши ли сию жену? Внидох в дом твой, воды на нозе Мои не дал еси: сия же слезами облия Ми нозе и власы главы своея отре.Select Luke 7:44

45Лобзания Ми не дал еси: сия же, отнелиже внидох, не преста облобызающи Ми нозе.Select Luke 7:45

46Маслом главы Моея не помазал еси: сия же миром помаза Ми нозе.Select Luke 7:46

47Егоже ради, глаголю ти, отпущаются греси ея мнози, яко возлюби много: а емуже мало оставляется, менше любит.Select Luke 7:47

48Рече же ей: отпущаются тебе греси.Select Luke 7:48

49И начаша возлежащии с Ним глаголати в себе: кто Сей есть, иже и грехи отпущает?Select Luke 7:49

50Рече же к жене: вера твоя спасе тя: иди в мире.Select Luke 7:50