13Nehemiah 13

1В день той чтено бысть в книзе Моисеове во слышание людем, и обретеся написано в ней: да не имут внити Амманитяне и Моавитяне в церковь Божию даже до века,Select Nehemiah 13:1

2понеже не сретоша сынов Израилевых со хлебом и водою и наяша на них Валаама на проклятие их: и обрати Бог наш проклятство на благословение.Select Nehemiah 13:2

3И бысть егда слышаху закон, и отлучиша всех чуждих от Израиля.Select Nehemiah 13:3

4И прежде сего Елиасив священник живяше в сокровищнем дому Бога нашего, сродник Товиин,Select Nehemiah 13:4

5и сотвори ему сокровищный дом велик: таможе бяху прежде приносяще жертву и ливан, и сосуды и десятину пшеницы и вина и елеа, уставленая левитом и певцем и дверником, и начатки священническия.Select Nehemiah 13:5

6Во всех же сих не бых во Иерусалиме, понеже в лето тридесять второе Артаксеркса царя Вавилонскаго приидох ко царю: и по скончании дний испросих от царяSelect Nehemiah 13:6

7и приидох во Иерусалим, и уразумех зло, еже сотвори Елиасив Товии, сотворити ему сокровищный дом во дворе дому Божия,Select Nehemiah 13:7

8и зло явися ми зело: и извергох вся сосуды дому Товиева вон из дому сокровищнаго,Select Nehemiah 13:8

9и рекох, и очистиша сокровищный дом: и возвратих онамо сосуды дому Божия, жертву и ливан.Select Nehemiah 13:9

10И познах, яко части левитския не быша даны, и побегоша кийждо на село свое левити и певцы творящии дело.Select Nehemiah 13:10

11И пряхся со стратигами и рекох: чесо ради оставлен бысть дом Божий? И собрах их и поставих оных во стояниих своих.Select Nehemiah 13:11

12И весь Иуда принесоша десятину пшеницы и вина и елеа в сокровища под руку Селемии священника и Садока писца и фадаии от левит,Select Nehemiah 13:12

13и при них Анан сын Закхуров, сын Матфаниев, яко верни искушени суть над ними разделяти братиям своим.Select Nehemiah 13:13

14Помяни мя, Боже, того ради, и да не погибнет милость моя, юже сотворих в дому Господа Бога моего и в чинех его.Select Nehemiah 13:14

15Во днех тех видех во Иуде топчущих точило в субботу, и носящих снопы, и возлагающих на ослы и вино, и гроздие, и смоквы, и всякое бремя, и носящих во Иерусалим во дни субботныя: и засвидетелствовах им в день продаяния их.Select Nehemiah 13:15

16И Тиряне обиташа в нем приносяще рыбы, и вся продаемая продающе в субботы сыновом Иудиным и во Иерусалиме.Select Nehemiah 13:16

17И обличих сынов Иудиных свободных и рекох им: что сия вещь злая, юже вы творите, и скверните день субботный?Select Nehemiah 13:17

18Не сия ли сотвориша отцы ваши, и наведе на них Бог наш и на нас вся злая сия, и на град сей, и вы прилагаете гнев на Израиля, скверняще субботу?Select Nehemiah 13:18

19Бысть же егда поставишася врата во Иерусалиме прежде субботы, и рекох, и запроша двери и повелех, да не отверзают их даже по субботе: и от отрок моих поставих над враты, да ни един вносит бремя в день субботный.Select Nehemiah 13:19

20И сташа вси и творяху куплю вне Иерусалима единощи и дващи.Select Nehemiah 13:20

21И засвидетелствовах о них и рекох им: что вы пребываете пред стеною? Аще вторицею сие сотворите, простру руку мою на вас. И от времене того не приидоша в субботу.Select Nehemiah 13:21

22И рекох левитом, иже бяху очищени, дабы приходили хранити врат и святити день субботный. И сих ради помяни мя, Боже, и прости ми по множеству милости Твоея.Select Nehemiah 13:22

23И во днех онех видех Иудеев поемших жены Азотския, Амманитяны, Моавитския,Select Nehemiah 13:23

24и сынове их от полу глаголаху азотским языком и не умеяху глаголати иудейски:Select Nehemiah 13:24

25и запретих им, и проклях их, и поразих от них мужей, и оплеших их, и заклях их Богом, аще дадите дщери вашя сыновом их и аще поймете от дщерей их сыновом вашым и себе:Select Nehemiah 13:25

26не тако ли согреши Соломон царь Израилев? И во языцех мнозех не бысть царь подобен ему, и возлюблен Богу бе, и постави его Бог царем над всем Израилем, и того прельстиша жены чуждия:Select Nehemiah 13:26

27и мы послушаем ли вас творити всяко зло сие, согрешити Богу нашему, еже пояти жены иноплеменничи?Select Nehemiah 13:27

28И от сынов Иоада сына Ельтува священника великаго, зятя Санаваллатова Уранитина, и изгнах его от мене.Select Nehemiah 13:28

29Помяни им, Боже, за осквернение священства и завета священническа и левитска.Select Nehemiah 13:29

30И очистих их от всякия чуждия нечистоты, и поставих чреды священником и левитом, комуждо по делу его,Select Nehemiah 13:30

31и даяние древес во временех уставленых и первородных. Помяни мя, Боже наш, во благое.Select Nehemiah 13:31