4Nehemiah 4

1И бысть егда услыша Санаваллат, яко мы созидаем стены, и зло ему вменися, и разгневася зело, и посмеяшеся Иудеом,Select Nehemiah 4:1

2и рече пред братиею своею, иже бяху сила Соморов, и рече: что Иудее сии созидают свой град? Еда жрети будут? Или возмогут? Или днесь изцелят камение, повнегда быти им в прах земли сожженным?Select Nehemiah 4:2

3И Товиа Амманитянин близ его прииде и рече им: еда пожрут, или ясти имут на месте своем? Не взыдет ли лисица и разорит стену каменей их?Select Nehemiah 4:3

4И рече Неемиа: услыши, Боже наш, яко сотворени есмы в посмеяние,Select Nehemiah 4:4

5и обрати поношение их на главу их, и даждь их в посмеяние в землю пленения,Select Nehemiah 4:5

6и не покрый беззакония их.Select Nehemiah 4:6

7Бысть же егда услыша Санаваллат и Товиа, и Аравляне и Амманите, яко взыде отрасль стен Иерусалимских, зане начаша разселины заграждати, и зло им явися зело.Select Nehemiah 4:7

8И собрашася вси вкупе, да приидут и ополчатся на Иерусалим и разорят его.Select Nehemiah 4:8

9И молихомся ко Богу нашему и поставихом стражы на стене противу их день и нощь от лица их.Select Nehemiah 4:9

10Рече же Иуда: истомлена есть сила (от) враг, и земля многа есть, и мы не можем созидати стены.Select Nehemiah 4:10

11И рекоша оскорбляющии нас: не познают и не увидят, дондеже приидем посреде их и убием их, и престати сотворим делу.Select Nehemiah 4:11

12И бысть егда приидоша Иудее, иже обитаху близ их, и реша нам: восходят от всех язык на ны.Select Nehemiah 4:12

13И поставих в нижайших местех созади стен в закровении, и поставих люди по племеном с мечи их и с сулицами их и с луками.Select Nehemiah 4:13

14И видех, и востах, и рекох ко честным и к воеводам и ко прочым людем: не убойтеся от лица их, помяните Господа Бога нашего великаго и страшнаго, и ополчитеся за братию вашу, за сыны вашя и дщери вашя, жены вашя и домы вашя.Select Nehemiah 4:14

15Бысть же егда услышаша врази наши, яко ведомо бысть нам, и разори Бог совет их: и возвратихомся вси мы на стены, кийждо ко делу своему.Select Nehemiah 4:15

16И бысть от дне того, пол вчиненых делаху дело, и половина их уготована бысть ко брани с сулицами и щитами, и луки и бронями, и началницы созади всего дому Иудина.Select Nehemiah 4:16

17Созидающии стену и носящии бремена со оружием: единою рукою своею творяху дело, а другою держаху мечь.Select Nehemiah 4:17

18Созидающым же единому коемуждо мечь бысть опоясан при бедре его, и созидаху, и трубяху трубами близ их.Select Nehemiah 4:18

19И рекох ко честным и ко старейшинам и ко прочым людем: дело велико есть и пространно, и мы разлучени есмы на стене далече кийждо от брата своего:Select Nehemiah 4:19

20на месте идеже услышите глас трубный, тамо тецыте к нам, и Бог наш ополчится о нас.Select Nehemiah 4:20

21И мы быхом творяще дело, и пол нас держаху сулицы от восхода зари утренния даже до восхода звезд.Select Nehemiah 4:21

22Во время же то рекох людем: кийждо со отроком своим да пребывает в среде Иерусалима: и будет вам нощь на стражу, а день на делание.Select Nehemiah 4:22

23Аз же и братия мои и отроцы и мужие стражи, иже бяху созади мене, не снимахом одеяний наших тамо ни един от нас.Select Nehemiah 4:23