41 Thessalonians 4

1Темже убо, братие, просим вы и молим о Христе Иисусе, якоже приясте от нас, како подобает вам ходити и угождати Богови, якоже и ходите, да избыточествуете паче:Select 1 Thessalonians 4:1

2весте бо, какова повеления дахом вам Господем Иисусом.Select 1 Thessalonians 4:2

3Сия бо есть воля Божия, святость ваша, хранити себе самех от блуда,Select 1 Thessalonians 4:3

4и ведети комуждо от вас свой сосуд стяжавати во святыни и чести,Select 1 Thessalonians 4:4

5а не в страсти похотней, якоже и языцы не ведящии Бога,Select 1 Thessalonians 4:5

6и еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам и засвидетельствовахом.Select 1 Thessalonians 4:6

7Не призва бо нас Бог на нечистоту, но во святость.Select 1 Thessalonians 4:7

8Темже убо отметаяй не человека отметает, но Бога, Давшаго Духа Своего Святаго в нас.Select 1 Thessalonians 4:8

9О братолюбии же, не требуете, да пишется к вам, сами бо вы Богом учени есте, еже любити друг друга:Select 1 Thessalonians 4:9

10ибо творите то ко всей братии, сущей во всей Македонии. Молим же вы, братие, избыточествовати паче,Select 1 Thessalonians 4:10

11и любезно прилежати, еже безмолвствовати и деяти своя и делати своима рукама, якоже повелехом вам:Select 1 Thessalonians 4:11

12да ходите благообразно ко внешним и ни чесогоже требуете.Select 1 Thessalonians 4:12

13Не хощу же вас, братие, не ведети о умерших, да не скорбите, якоже и прочии не имущии упования.Select 1 Thessalonians 4:13

14Аще бо веруем, яко Иисус умре и воскресе, тако и Бог умершыя во Иисусе приведет с Ним.Select 1 Thessalonians 4:14

15Сие бо вам глаголем словом Господним, яко мы живущии, оставшии в пришествие Господне, не имамы предварити умерших:Select 1 Thessalonians 4:15

16яко Сам Господь в повелении, во гласе Архангелове и в трубе Божии снидет с небесе, и мертвии о Христе воскреснут первее:Select 1 Thessalonians 4:16

17потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем.Select 1 Thessalonians 4:17

18Темже утешайте друг друга в словесех сих.Select 1 Thessalonians 4:18