41 Timothy 4

1Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским,Select 1 Timothy 4:1

2в лицемерии лжесловесник, сожженных своею совестию,Select 1 Timothy 4:2

3возбраняющих женитися, удалятися от брашен, яже Бог сотвори в снедение со благодарением верным и познавшым истину.Select 1 Timothy 4:3

4Зане всякое создание Божие добро, и ничтоже отметно, со благодарением приемлемо,Select 1 Timothy 4:4

5освящается бо словом Божиим и молитвою.Select 1 Timothy 4:5

6Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси.Select 1 Timothy 4:6

7Скверных же и бабиих басней отрицайся, обучай же себе ко благочестию:Select 1 Timothy 4:7

8телесное бо обучение вмале есть полезно, а благочестие на все полезно есть, обетование имеющее живота нынешняго и грядущаго.Select 1 Timothy 4:8

9Верно слово и всякаго приятия достойно.Select 1 Timothy 4:9

10На сие бо и труждаемся и поношаеми есмы, яко уповахом на Бога жива, Иже есть Спаситель всем человеком, паче же верным.Select 1 Timothy 4:10

11Завещавай сия и учи.Select 1 Timothy 4:11

12Никтоже о юности твоей да нерадит: но образ буди верным словом, житием, любовию, духом, верою, чистотою.Select 1 Timothy 4:12

13Дондеже прииду, внемли чтению, утешению, учению.Select 1 Timothy 4:13

14Не неради о своем даровании живущем в тебе, еже дано тебе бысть пророчеством с возложением рук священничества.Select 1 Timothy 4:14

15В сих поучайся, в сих пребывай, (в сих разумевай,) да преспеяние твое явлено будет во всех.Select 1 Timothy 4:15

16Внимай себе и учению и пребывай в них: сия бо творя, и сам спасешися и послушающии тебе.Select 1 Timothy 4:16