10Leviticus 10

1И вземше два сына Аароня, Надав и Авиуд, кийждо свою кадилницу, вложиста в ня огнь и возложиста нань фимиам, и принесоста пред Господа огнь чуждь, егоже не повеле има Господь.Select Leviticus 10:1

2И изыде огнь от Господа, и пояде я, и умроста пред Господем.Select Leviticus 10:2

3И рече Моисей ко Аарону: сие есть, еже рече Господь, глаголя: в приближающихся Мне освящуся и во всем сонме прославлюся. И умилися Аарон.Select Leviticus 10:3

4И призва Моисей Мисаила и Елисафана, сыны Озиилевы, сыны брата отца Аароня, и рече им: приступите и возмите братий своих от лица святых вне полка.Select Leviticus 10:4

5И приступиша, и взяша их в ризах их, (и изнесоша) вне полка, якоже рече Моисей.Select Leviticus 10:5

6И рече Моисей ко Аарону и Елеазару и Ифамару, сыном его оставшымся: глав ваших не открывайте и риз ваших не раздирайте, да не умрете, и на весь сонм будет гнев: кратия же вашя весь дом Израилев да плачутся запаления, имже запалишася от Господа:Select Leviticus 10:6

7и из дверий скинии свидения не исходите, да не умрете: елей бо помазания, иже от Господа, на вас есть. И сотвориша по словеси Моисеову.Select Leviticus 10:7

8И рече Господь ко Аарону, глаголя:Select Leviticus 10:8

9вина и сикера не пийте, ты и сынове твои с тобою, егда входите в скинию свидения, или приступающым вам ко олтарю, да не умрете: (и будет сие) законно вечно в роды вашя:Select Leviticus 10:9

10отлучити между вещми святыми и между сквернавыми, и между нечистыми и между чистыми,Select Leviticus 10:10

11и устроити сыном Израилевым вся законная, яже глагола Господь к ним рукою Моисеовою.Select Leviticus 10:11

12И рече Моисей ко Аарону, и Елеазару и Фамару, сыном, его оставшымся: возмите жертву оставшуюся от приносов Господних и ядите опресноки у олтаря: яко святая святых суть:Select Leviticus 10:12

13и ядите я на месте святе: законно бо тебе есть, и законно сыном твоим, сие от приносов Господних: сице бо ми заповеда Господь:Select Leviticus 10:13

14и груди участия и рамо участия ядите на месте святе ты и сынове твои, и дом твой с тобою: законно бо тебе, и законно сыном твоим дадеся от жертв спасении сынов Израилевых:Select Leviticus 10:14

15рамо участия и груди участия в приносех тучных да принесут, участие еже приносити пред Господа: и да будет тебе и сыном твоим и дщерем твоим с тобою законно вечно, якоже повеле Господь Моисею.Select Leviticus 10:15

16И козла, иже греха ради, взыскуя взыска Моисей: и сей сожжен бяше. И разгневася Моисей на Елеазара и Ифамара, сыны Аарони оставльшыяся, глаголя:Select Leviticus 10:16

17почто не снедосте на месте святе, еже греха ради, яко святая святых суть, сие даде вам ясти, да отимете грех сонма и помолитеся о них пред Господем:Select Leviticus 10:17

18не внесеся бо от крове его в святое: пред лицем внутрь да ясте е на месте святе, якоже повеле мне Господь.Select Leviticus 10:18

19И рече Аарон к Моисею, глаголя: аще днесь принесоша яже греха ради своего и всесожжения своего пред Господа, и случишася мне сицевая, и снем, яже греха ради, днесь, еда угодно будет Господу?Select Leviticus 10:19

20И слыша Моисей, и угодно ему бысть.Select Leviticus 10:20