13Leviticus 13

1И рече Господь к Моисею и Аарону, глаголя:Select Leviticus 13:1

2человеку емуже аще будет на кожи плоти его струп знамения или блеск, и будет на кожи плоти его язва прокажения, да приведется ко Аарону жерцу или ко единому от сынов его жерцов:Select Leviticus 13:2

3и узрит жрец язву на кожи плоти его, и влас в язве изменится в бело, и взор язвы умален от кожи плоти его, язва проказы есть: и узрит жрец, и осквернит его.Select Leviticus 13:3

4Аще же и блеск бел будет на кожи плотней его, и не менший будет взор его от кожи, и влас его не изменися во влас бел, и той есть темен, и отлучит жрец язву на седмь дний:Select Leviticus 13:4

5и узрит жрец язву в день седмый, и се, язва пребывает пред ним, и не изменися язва на кожи, и отлучит его жрец на другия седмь дний:Select Leviticus 13:5

6и узрит его жрец в седмый день вторицею, и се, язва потемне, и не изменися язва на кожи, и очистит его жрец: знамение бо есть: и измыв ризы своя, чист будет.Select Leviticus 13:6

7Аще же изменяющееся изменится знамение на кожи, повнегда видети его жерцу еже очистити его, и явится второе жерцу: и узрит его жрец, и се, изменися знамение в кожи,Select Leviticus 13:7

8и да осквернит его жрец: проказа бо есть.Select Leviticus 13:8

9И язва прокажения аще будет на человеце, и приидет к жерцу:Select Leviticus 13:9

10и узрит жрец, и се, струп бел на кожи, и сей изменил влас бел, и от здравыя плоти живыя в струпе:Select Leviticus 13:10

11проказа ветха есть на кожи плоти его, и осквернит его жрец и отлучит его, яко нечист есть.Select Leviticus 13:11

12Аще же процветая процветет проказа на кожи, и покрыет прокажение всю кожу язвою, от главы да ногу его, по всему взору жерцову:Select Leviticus 13:12

13и узрит жрец, и се, покрыло прокажение всю кожу плоти его, да очистит жрец язву: яко вся изменися в бело, чист есть.Select Leviticus 13:13

14И в оньже день аще явится на нем плоть жива, осквернится:Select Leviticus 13:14

15и узрит жрец плоть здраву, и осквернит его плоть здрава, яко нечиста есть, прокажение есть.Select Leviticus 13:15

16Аще же составится плоть здрава, и изменится в бело, и приидет к жерцу:Select Leviticus 13:16

17и узрит жрец, и се, изменися язва в бело, и очистит жрец язву, чист есть.Select Leviticus 13:17

18И тело аще будет на кожи его болячка гнойна, и исцелеет,Select Leviticus 13:18

19и будет на месте болячки струп бел, или блеск белеющься или рдящься, и явится жерцу:Select Leviticus 13:19

20и узрит жрец, и се, взор нижае кожи, и влас его изменися в бело, и осквернит его жрец, яко блеск прокажения есть, на болячке процвете.Select Leviticus 13:20

21Аще же увидит жрец, и се, несть в нем влас бел, и не нижае есть от кожи плотския, и сей есть темен, и отлучит его жрец на седмь дний.Select Leviticus 13:21

22Аще ли разсыпанием разсыплется по кожи, и осквернит его жрец, блеск прокажения есть, на болячке процвете.Select Leviticus 13:22

23Аще ли на месте своем пребывает блеск и не разсыпается, струп болячки есть, и очистит его жрец.Select Leviticus 13:23

24И плоть аще будет на кожи его жжение огнено, и будет на кожи его исцелевшее от жжения блещащееся бело или червлено или пробелующееся:Select Leviticus 13:24

25и узрит его жрец, и се, пременися влас бел в блещащийся, и взор ему нижае от кожи, прокажение есть, во жжении процвете, и осквернит его жрец, язва прокажения есть.Select Leviticus 13:25

26Аще же увидит его жрец, и се, несть на блещащемся влас бел, и не нижае есть от кожи, само же темно, и отлучит его жрец на седмь дний:Select Leviticus 13:26

27и узрит его жрец в день седмый, и аще разсыпанием разсыплется по кожи, и осквернит его жрец: язва прокажения есть, бо гной процвете.Select Leviticus 13:27

28Аще же на месте пребудет блещание и не разсыплется по кожи, сие же темно есть, струп сожжения есть, да очистит его жрец: образ бо сожжения есть.Select Leviticus 13:28

29Мужу же или жене, аще будет на них язва прокажения на главе или на браде,Select Leviticus 13:29

30и узрит жрец язву, и се, обличие ея глубочае кожи, в нейже влас желтуяся тонок, и осквернит его жрец: вред есть, прокажение главы или прокажение брады есть.Select Leviticus 13:30

31И аще увидит жрец язву вреда, и се, не будет обличие нижае кожи, и влас желтуяся не будет в нем, да отлучит жрец язву вреда на седмь дний:Select Leviticus 13:31

32и узрит жрец язву в день седмый, и се, не разсыпася вред, и влас желтуяся несть в нем, и обличие вреда несть нижае кожи:Select Leviticus 13:32

33и острижет кожу, вред же да не острижется, и отлучит жрец вред на седмь дний второе:Select Leviticus 13:33

34и узрит жрец вред в день седмый, и се, не разсыпася вред по кожи по острижении его, и обличие вреда несть нижае кожи, и очистит его жрец, и измыв ризы, чист будет.Select Leviticus 13:34

35Аще же разсыпанием разсыплется вред по кожи по очищении его:Select Leviticus 13:35

36и узрит его жрец, и се, не разсыпася вред по кожи, да не присетит жрец о власе желтеющемся, яко нечист есть.Select Leviticus 13:36

37Аще же пред ним будет на месте вред, и влас черн явится в нем, исцеле вред, чист есть, и очистит его жрец.Select Leviticus 13:37

38Мужу же или жене, аще будут на кожи плоти его блещания блещащая белеющаяся:Select Leviticus 13:38

39и увидит жрец, и се, на кожи плоти его блещания и блещащая белеющаяся, лишай есть, процвете на кожи плоти его, чист есть.Select Leviticus 13:39

40Аще же кому облезе глава, плешив есть, чист есть:Select Leviticus 13:40

41аще же спреди облезе глава, взлыс есть, чист есть:Select Leviticus 13:41

42аще же будет на плеши его или на взлысине его блеск бел или червленуяся, прокажение процветающее на плеши его или на взлысине его:Select Leviticus 13:42

43и увидит его жрец, и се, обличие блеска бело или червлено на плеши его или на взлысине его, яко обличие прокажения на кожи плоти его:Select Leviticus 13:43

44человек прокажен есть, осквернением осквернит его жрец, на главе его блеск его.Select Leviticus 13:44

45И прокажен, на немже есть язва, ризы его да будут раздраны, и глава его не покровена, и около уст своих да обвиется, и нечист прозовется:Select Leviticus 13:45

46вся дни, в няже будет на нем язва, нечист сый, нечист будет: отлучен да седит, вне полка да будет ему пребывание.Select Leviticus 13:46

47И риза аще будет на ней язва прокажения, на ризе сукняне, или на изгребийней,Select Leviticus 13:47

48или на прядене, или на кроках, или на льнех, или на волне, или на кожи, или на всякой кожи деланей,Select Leviticus 13:48

49и явится язва зелена или червленуяся на кожи, или на ризе, или на пряденех, или на кроках, или на всяком деле кожанем, язва прокажения есть, и покажет жерцу:Select Leviticus 13:49

50и увидит жрец язву, и отлучит жрец язву на седмь дний.Select Leviticus 13:50

51И да увидит жрец язву в день седмый: аще же разсыпася язва по ризе, или по прядене, или по кроках, или по кожи, по всему елика творятся кожы в делании, прокажение исто есть язва, нечист есть:Select Leviticus 13:51

52да сожжет ризу, или прядения, или кроки, или на волне, или на льне, или на всяком сосуде кожане, на немже аще будет язва: понеже прокажение исто есть, на огни да сожжется.Select Leviticus 13:52

53Аще ли узрит жрец, и не разсыплется язва по ризе, или по прядене, или по кроках, или по всякому сосуду кожану:Select Leviticus 13:53

54и повелит жрец, и измыет, на немже будет язва, и да отлучит жрец язву на другия седмь дний:Select Leviticus 13:54

55и увидит жрец по измытии его язву, и аще не изменила язва лица своего, и язва не разсыпася, нечисто есть, на огни да сожжется: утвердися бо на ризе, или на прядене, или на кроках.Select Leviticus 13:55

56И аще увидит жрец, и будет темна язва по испрании ея, да отторгнет е от ризы, или от прядена, или от крок, или от кожи.Select Leviticus 13:56

57И аще явится еще на ризе или на прядене, или на кроках, или на всяком сосуде кожане, прокажение процветающее есть, на огни да сожжется, на немже есть язва.Select Leviticus 13:57

58И риза, или прядено, или кроки, или всяк сосуд кожан, еже исперется, и отступит от него язва, и измыется второе, и чисто будет.Select Leviticus 13:58

59Сей закон язве прокажения ризы сукняны, или изгребийны, или прядены, или куделныя, или всякаго сосуда кожана, во еже очистити е, или осквернити е.Select Leviticus 13:59