18Leviticus 18

1И рече Господь к Моисею, глаголя:Select Leviticus 18:1

2глаголи сыном Израилевым и речеши к ним: Аз Господь Бог ваш:Select Leviticus 18:2

3по делом земли Египетския, в нейже обитасте, да не сотворите, и по начинанием земли Ханаанския, в нюже Аз веду вы тамо, не сотворите, и по законом их не ходите:Select Leviticus 18:3

4судбы Моя сотворите, и повеления Моя сохраните и ходите в них: Аз Господь Бог ваш:Select Leviticus 18:4

5и сохраните вся повеления Моя и вся судбы Моя, и сотворите я: Сотворивый та человек жив будет в них: Аз Господь Бог ваш.Select Leviticus 18:5

6Человек человек ко всякому ближнему плоти своея да не приступит открыти срамоты: Аз Господь.Select Leviticus 18:6

7Срамоты отца твоего и срамоты матере твоея да не открыеши: мати бо твоя есть, да не открыеши срамоты ея.Select Leviticus 18:7

8Срамоты жены отца твоего да не открыеши: срамота отца твоего есть.Select Leviticus 18:8

9Срамоты сестры твоея яже от отца твоего или от матере твоея, в дому рожденныя или вне рожденныя, да не открыеши срамоты их.Select Leviticus 18:9

10Срамоты дщере сына твоего или дщере дщере твоея, да не открыеши срамоты их, яко твоя срамота есть.Select Leviticus 18:10

11Срамоты дщере жены отца твоего да не открыеши, единоотча сестра ти есть, да не открыеши срамоты ея.Select Leviticus 18:11

12Срамоты сестры отца твоего да не открыеши, своя бо отцу твоему есть.Select Leviticus 18:12

13Срамоты сестры матере твоея да не открыеши, своя бо матери твоей есть.Select Leviticus 18:13

14Срамоты брата отца твоего да не открыеши и к жене его да не внидеши, сродник бо ти есть.Select Leviticus 18:14

15Срамоты невестки твоея да не открыеши, жена бо сына твоего есть, да не открыеши срамоты ея.Select Leviticus 18:15

16Срамоты жены брата твоего да не открыеши, срамота брата твоего есть.Select Leviticus 18:16

17Срамоты жены и дщере ея, да не открыеши, дщере сына ея, и дщери дщере ея да не поймеши открыти срамоты их, ближнии бо ти суть, нечестие есть.Select Leviticus 18:17

18Сестру жены твоея да не поймеши в наложницу, открыти срамоту ея пред нею, еще живе сущей ей.Select Leviticus 18:18

19И к жене во отлучении нечистоты ея да не внидеши открыти срамоты ея.Select Leviticus 18:19

20И к жене ближняго твоего да не даси ложа семене твоего, осквернитися с нею.Select Leviticus 18:20

21И от семене твоего да не даси служити Молоху, да не оскверниши имене Святаго:Select Leviticus 18:21

22и с мужеским полом да не ляжеши женским ложем, мерзость бо есть.Select Leviticus 18:22

23И всякому четвероногому да не даси ложа своего в семенение, осквернитися с ним: и жена да не станет ко всякому четвероногому снитися, гнусно бо есть.Select Leviticus 18:23

24Не оскверняйтеся во всех сих: во всех бо сих осквернишася языцы, ихже Аз отжену пред лицем вашим:Select Leviticus 18:24

25и осквернися земля, и воздах неправду им ея ради: и возненавиде земля седящих на ней.Select Leviticus 18:25

26И сохраните вся законы Моя и вся повеления Моя, и не сотворите от всех гнусностей сих, туземец и прибывший пришлец в вас:Select Leviticus 18:26

27вся бо сия гнусности сотвориша человецы земнии, бывшии прежде вас, и осквернися земля.Select Leviticus 18:27

28И да не вознегодует на вас земля, внегда осквернити вам ю, имже образом вознегодова на языки иже прежде вас:Select Leviticus 18:28

29яко всяк, иже аще сотворит от всех гнусностей сих, потребятся душы творящыя сие от людий своих.Select Leviticus 18:29

30И сохраните повеления Моя, яко да не сотворите от всех закон гнусных, иже беша прежде вас: и да не осквернитеся в них, яко Аз Господь Бог ваш.Select Leviticus 18:30