20Leviticus 20

1И рече Господь к Моисею, глаголя:Select Leviticus 20:1

2рцы сыном Израилевым, глаголя: аще кто от сынов Израилевых, или от прибывших пришелцев во Израили, иже аще даст от семене своего Молоху, смертию да умрет: людие земли да побиют его камением:Select Leviticus 20:2

3и Аз утвержу лице Мое на человека того и погублю его от людий его, яко от семене своего даде Молоху, да осквернит святыню Мою и осквернит имя освященных Мне.Select Leviticus 20:3

4Аще же презрением презрят туземцы земли очима своима от человека того, внегда дати ему от семене своего Молоху, еже не убити его:Select Leviticus 20:4

5и утвержу лице Мое на человека того и на сродники его, и погублю его и всех единомыслящих с ним, еже соблуждати ему со идолы от людий своих.Select Leviticus 20:5

6И душа яже аще последует утробным баснем или волхвом, яко соблудити вслед их, утвержу лице Мое на душу ту и погублю ю от людий ея.Select Leviticus 20:6

7И будете святи, яко Аз свят Господь Бог ваш.Select Leviticus 20:7

8И сохраните повеления Моя и сотворите я: Аз Господь освящаяй вас.Select Leviticus 20:8

9Человек человек, иже аше зло речет отцу своему или матери своей, смертию да умрет: отцу своему или матери своей зле рече, повинен будет.Select Leviticus 20:9

10Человек человек, иже аще прелюбы содеет с мужнею женою, или кто прелюбы содеет с женою ближняго своего, смертию да умрут прелюбодей и прелюбодейца.Select Leviticus 20:10

11И иже аще пребудет с женою отца своего, срамоту отца своего открыл есть, смертию да умрут оба, повинни суть.Select Leviticus 20:11

12И аще кто будет с невесткою своею, смертию да умрут оба, нечествоваша бо, повинни суть.Select Leviticus 20:12

13И аще кто будет с мужеским полом ложем женским, гнусность сотвориша оба, смертию да умрут, повинни суть:Select Leviticus 20:13

14иже аще поймет жену и матерь ея, беззаконие есть, огнем да сожгут его и оныя, и не будет беззаконие в вас.Select Leviticus 20:14

15И иже аще даст ложе свое четвероножному, смертию да умрет, четвероножное же убиете.Select Leviticus 20:15

16И жена яже аше приступит ко всякому скоту, еже быти с ним, да убиете жену и скот, смертию да умрут, повинни суть.Select Leviticus 20:16

17Иже аще поймет сестру свою от отца своего или от матере своея, и увидит срамоту ея, и она увидит срамоту его, укоризна есть, да потребятся пред сыны рода их: срамоту сестры своея откры, грех приимут.Select Leviticus 20:17

18И муж иже будет с женою сквернавою и открыет срамоту ея, течение ея откры, и она откры течение крове своея, да потребятся оба от рода их.Select Leviticus 20:18

19И срамоту сестры отца твоего и сестры матере твоея да не открыеши: ужичество бо откры, грех понесут.Select Leviticus 20:19

20Иже аще будет со сродницею своею, срамоту сродства своего откры, безчадни измрут.Select Leviticus 20:20

21И человек иже аще поймет жену брата своего, нечистота есть: срамоту брата своего открыл есть, безчадни измрут.Select Leviticus 20:21

22И сохраните вся повеления Моя и вся судбы Моя и сотворите я, и не вознегодует на вас земля, в нюже Аз введу вы тамо вселитися на ней.Select Leviticus 20:22

23И не ходите в законы языческия, ихже Аз изгоню от вас: яко сия вся сотвориша, и возгнушахся ими.Select Leviticus 20:23

24И рех к вам: вы наследите землю их, и Аз дам вам ю в притяжание, землю текущую медом и млеком, Аз Господь Бог ваш, отлучивый вас от всех язык.Select Leviticus 20:24

25И отлучите себе между скоты чистыми и между скоты нечистыми, и между птицами чистыми и нечистыми: и не оскверните душ ваших в скотех и в птицах и во всех гадех земных, яже Аз отлучих вам в нечистоте,Select Leviticus 20:25

26и будете Ми святи, яко Аз свят есмь Господь Бог ваш, отлучивый вас от всех язык быти Моими.Select Leviticus 20:26

27И муж или жена иже аще будет от них чревобасник или волшебник, смертию да умрут оба: камением да побиете их, повинни суть.Select Leviticus 20:27