21Leviticus 21

1И рече Господь к Моисею, глаголя: рцы жерцем сыном Аароним, и речеши им: над душами да не осквернятся в языце своем,Select Leviticus 21:1

2но разве в дому ближняго своего, над отцем и материю, и сынами и дщерьми, над братомSelect Leviticus 21:2

3и над сестрою своею девою, яже есть ближняя ему, не дана мужу, над сими да осквернятся:Select Leviticus 21:3

4да не осквернится внезапу в людех своих, во осквернение свое.Select Leviticus 21:4

5И да не обриете главы по мертвем, и обличия брады да не обриют, и на плотех своих да не сотворят язв:Select Leviticus 21:5

6святи да будут Богу своему и не осквернят имене Бога своего: жертвы бо Господни дары Бога своего сами приносят, и будут святи.Select Leviticus 21:6

7Жены блудницы и осквернены да не поймут, и жены изгнаныя от мужа ея да не поймут: яко святи суть Господу Богу своему:Select Leviticus 21:7

8и да освятиши его: дары Господа Бога вашего сей приносит, свят будет: яко свят Аз есмь Господь Бог ваш освящая их.Select Leviticus 21:8

9И дщерь человека жерца аще осквернится, еже соблудити, имя отца своего сия оскверняет: огнем да сожжется.Select Leviticus 21:9

10И жрец великий от братий своих, емуже возлиян на главу елей помазания, и совершенный, еже облачитися в ризы, главы да не открыет, и риз своих да не раздерет,Select Leviticus 21:10

11и ко всякой души умершей да не приидет: над отцем своим и над материю своею да не осквернится,Select Leviticus 21:11

12и от святых да не изыдет, и да не осквернит имене святаго Бога своего, яко святый елей помазания Бога его на нем: Аз Господь.Select Leviticus 21:12

13Сей в жену деву от рода своего да поймет:Select Leviticus 21:13

14вдовицы же и изгнаныя, и оскверненыя и блудницы, сих да не поймет: но девицу от племене своего да поймет в жену:Select Leviticus 21:14

15и да не осквернит семене своего в людех своих: Аз Господь Бог освящаяй его.Select Leviticus 21:15

16И рече Господь к Моисею, глаголя:Select Leviticus 21:16

17рцы ко Аарону, глаголя: человек от рода твоего в родех ваших, аще коему будет на нем порок, да не приступит приносити дары Бога своего:Select Leviticus 21:17

18всяк человек, емуже аще будет на нем порок, да не приступит: человек слеп, или хром, или корносый, или ухорезан,Select Leviticus 21:18

19или человек, емуже есть сокрушение руки или сокрушение ноги,Select Leviticus 21:19

20или горбат, или гноеточив очима, или бельмоочен, или человек, на немже суть красты дивия, или лишаи, или единоятрный:Select Leviticus 21:20

21всяк, емуже аще будет на нем порок от семене Аарона жерца, да не приступит принести жертв Богу твоему, зане порок на нем: даров Божиих да не приступит приносити:Select Leviticus 21:21

22дары Бога своего святая святых, и от святых да снест:Select Leviticus 21:22

23обаче к завесе да не приступит, и ко олтарю да не приближится, яко порок имать: и да не осквернит святилища Бога своего, яко Аз Господь освящаяй их.Select Leviticus 21:23

24И глагола Моисей ко Аарону и сыном его, и ко всем сыном Израилевым.Select Leviticus 21:24