22Leviticus 22

1И рече Господь к Моисеовы, глаголя:Select Leviticus 22:1

2рцы Аарону и сыном его, да внимают от святынь сынов Израилевых, и да не осквернят имене святаго Моего, елика они освящают Ми: Аз Господь.Select Leviticus 22:2

3Рцы им: в роды вашя всяк человек, иже аще приступит от всякаго семене вашего ко святым, елика аще освятят сынове Израилевы Господу, и нечистота его на нем будет, потребится душа оная от Мене: Аз Господь Бог ваш.Select Leviticus 22:3

4И человек от семене Аарона жерца, и сей прокажен, или семя изливает, от святых да не снест, дондеже очистится: и прикасаяйся всякой нечистоте души, или человек, емуже аще изыдет от его ложа семя,Select Leviticus 22:4

5или иже аще прикоснется всякому гаду нечисту, иже осквернит его, или человеку, иже осквернит его, по всякой нечистоте его:Select Leviticus 22:5

6душа, яже аще прикоснется их, нечиста будет до вечера: да не снест от святых, аще не омыет тела своего водою,Select Leviticus 22:6

7и зайдет солнце, и чист будет: и тогда да снест от святых, яко хлеб его есть.Select Leviticus 22:7

8Мертвечины и звероядины да не снест, еже осквернитися ему в них: Аз Господь.Select Leviticus 22:8

9И да сохранят повеления Моя, да не приимут сих ради греха, и измрут за них, аще осквернят их: Аз Господь Бог освящаяй их.Select Leviticus 22:9

10И всяк иноплеменник да не снест святынь: приселник иереев или наемник да не снест святынь.Select Leviticus 22:10

11Аще же жрец пристяжет душу пристяжаную сребром, сия да снест хлебы его: и домочадцы его, и сии да снедят хлебы его.Select Leviticus 22:11

12И дщерь человека жерца, аще посягнет за мужа иноплеменника, сия от начатков святых да не снест.Select Leviticus 22:12

13И дщерь жерца аще будет вдова или отпущена, плода же не будет ей, возвратится в дом отца своего, по юности своей, от хлебов отца своего да снест: всяк же иноплеменник да не снест от них.Select Leviticus 22:13

14И человек, иже аще яст святая по неведению, и да приложит пятую свою часть ко истому, и да даст сие жерцу святое.Select Leviticus 22:14

15И да не осквернят святынь сынов Израилевых, ихже они отделяют Господу:Select Leviticus 22:15

16и да не наведут на себе беззаконие преступления, внегда ясти им святыню их, яко Аз Господь освящаяй их.Select Leviticus 22:16

17И рече Господь к Моисею, глаголя:Select Leviticus 22:17

18глаголи Аарону и сыном его и всему сонму Израилеву и речеши к ним: человек человек от сынов Израилевых, или от пришлец прилежащих к ним во Израили, иже аще принесет дары своя по всякому исповеданию своему, или по всякому изволению своему, елика аще принесут Господу на всесожжение,Select Leviticus 22:18

19приятны вам непорочны мужеск пол от стад волов, или от овен и от коз:Select Leviticus 22:19

20всех, елика аще имут порок на себе, да не принесут Господу, понеже неприятно будет вам.Select Leviticus 22:20

21И человек иже аще принесет жертву спасения Господу, отлучив обет или по изволению, или в праздники вашя, от стад волов или от овец, непорочно да будет в приятие, всяк порок да не будет на нем:Select Leviticus 22:21

22слепо, или сокрушено, или язык урезан имущо, или червиво, или крастово, или лишаво, да не принесут тех Господу, и в жертву не дадите от них на олтарь Господви:Select Leviticus 22:22

23и телца или овцу ухорезну, или безхвостну, в заколение сотвориши я себе (по изволению), в обет же твой да не приимется:Select Leviticus 22:23

24емуже суть ятра сокрушена, и емуже раздавлена, и изрезана, и исторжена, да не принесете сих Господу, и в земли вашей да не сотворите.Select Leviticus 22:24

25И от руки иноплеменника да не принесете даров Богу вашему от всех сих, яко вреждения суть на них, порок на них, не приимутся сия от вас.Select Leviticus 22:25

26И рече Господь к Моисею, глаголя:Select Leviticus 22:26

27телец, или овча, или козля, егда родится, да будет седмь дний под материю своею, в день же осмый и далее принесется в дар, принос Господу:Select Leviticus 22:27

28и телца и овчате вкупе с материю да не заколете в един день,Select Leviticus 22:28

29аше же пожреши жертву обет радования Господви, приятно вам пожрите е:Select Leviticus 22:29

30сия в тойже день да снестся, да не оставите от мяс на утрие: Аз есмь Господь.Select Leviticus 22:30

31И сохраните заповеди Моя и сотворите я: Аз Господь:Select Leviticus 22:31

32и не оскверните имене Святаго, и освящуся посреде сынов Израилевых: Аз Господь освящаяй вас,Select Leviticus 22:32

33изведый вы из земли Египетския, яко быти вам в Бога: Аз Господь.Select Leviticus 22:33