27Leviticus 27

1И рече Господь к Моисею, глаголя:Select Leviticus 27:1

2глаголи сыном Израилевым и речеши к ним, глаголя: человек, иже аще обещает обет, яко цену души своея Господу,Select Leviticus 27:2

3да будет цена мужеска полу от двадесяти лет до шестидесяти лет, да будет цена его пятьдесят дидрахм сребра весом святым,Select Leviticus 27:3

4женска же полу да будет цена тридесять дидрахм:Select Leviticus 27:4

5аще же от пяти лет до двадесяти лет, да будет цена мужеску полу двадесять дидрахм, женску же полу десять дидрахм:Select Leviticus 27:5

6от месяца же единаго до пяти лет, да будет цена мужеска полу пять дидрахм сребра, женска же полу три дидрахмы сребра:Select Leviticus 27:6

7аще же от шестидесяти лет и вышше, аще убо мужеск пол будет, да будет цена его пятьнадесять дидрахм сребра, аще же женск пол, десять дидрахм.Select Leviticus 27:7

8Аще же убог будет ценою своею, да станет пред жерцем, и да оценит его жрец: якоже может рука обещавшагося, тако оценит его жрец.Select Leviticus 27:8

9Аще же от скотов приносимых от них дар Господу, иже аще даст от сих Господу, будет свято.Select Leviticus 27:9

10Да не пременит добра злым, ниже зла добрым: аще же изменяя изменит оный скот скотом, да будет и той и пременение свята.Select Leviticus 27:10

11Аще же всяк скот нечист, от нихже не приносится дар Господу, да поставит скота пред жерцем,Select Leviticus 27:11

12и оценит его жрец между добрым и между злым: и якоже оценит его жрец, тако да будет.Select Leviticus 27:12

13Аще же искупуя искупит его, да приложит пятую часть к цене его.Select Leviticus 27:13

14И человек, иже аще освятит дом свой свят Господу, и оценит его жрец между добрым и между злым: якоже оценит его жрец, тако да станет.Select Leviticus 27:14

15Аще же освятивый его искупит дом свой, да приложит к сему пятую часть сребра цены его, и будет ему.Select Leviticus 27:15

16Аще же от нив одержания своего освятит человек Господу, и да будет цена его по сеянию его, за спуд ячменя пятьдесят дидрахм сребра.Select Leviticus 27:16

17Аще же от лета оставления освятит ниву свою, по цене ея да станет.Select Leviticus 27:17

18Аще же напоследок по оставлении освятит ниву свою, да причтет ему сребро жрец к летом оставшымся даже до лета оставления, и отимется от цены егоSelect Leviticus 27:18

19аще же искупит ниву освятивый ю, да приложит пятую часть сребра к цене ея, и да будет ему.Select Leviticus 27:19

20Аще же не искупит нивы, и отдаст ниву человеку иному, не ктому да искупит ю:Select Leviticus 27:20

21но да будет нива минувшу лету оставления, свята хвална Господу, якоже земля отлученая: жерцу да будет во одержание его.Select Leviticus 27:21

22Аще же от нивы, юже стяжа, яже несть от села одержания его, освятит Господу,Select Leviticus 27:22

23да сочтет ему жрец останок цены от лета оставления, и да отдаст цену в той день святу Господу:Select Leviticus 27:23

24и в лето оставления да отдастся нива человеку, от негоже притяжа ю, егоже бе одержание земли.Select Leviticus 27:24

25И всяка цена да будет весами святыми, двадесять пенязей будет дидрахма.Select Leviticus 27:25

26И всяк первенец, иже аще родится в скоте твоем, да будет Господу, и да не освятит его никтоже: аще телец, аше овча, Господу есть.Select Leviticus 27:26

27Аще же от четвероножных нечистых, да пременит по цене его, и да приложит пятую часть его к сему, и да будет ему: аще же не искупится, да продастся по цене его.Select Leviticus 27:27

28Всяк же обет, егоже аше обещает человек Господу от всех, елика ему суть, от человека даже до скота, и от нив одержания его, не продастся, ниже искупится всякий обет свят святых будет Господу.Select Leviticus 27:28

29И всяк обет, иже аще обещан будет от человек, не искупится, но смертию да умертвится.Select Leviticus 27:29

30Всяка десятина земли, от семене земнаго и от плода древянаго Господу есть, свято Господу.Select Leviticus 27:30

31Аще же искупуя искупит человек десятину свою, пятую часть его да приложит к нему, и да будет ему.Select Leviticus 27:31

32И всяка десятина волов и овец, и всяко, еже аще приидет в число под жезл десятое, будет свято Господу.Select Leviticus 27:32

33Не премениши добраго злым, ниже добрым злаго: аще же пременяя премениши е, то и пременение его будет свято, да не искупится,Select Leviticus 27:33

34сия суть заповеди, яже заповеда Господь Моисею к сыном Израилевым на горе Синайстей.Select Leviticus 27:34