8Leviticus 8

1И рече Господь к Моисею, глаголя:Select Leviticus 8:1

2поими Аарона и сыны его, и ризы его, и елей помазания, и телца иже за грех, и два овна, и кошницу опресноков,Select Leviticus 8:2

3и весь сонм собери пред двери скинии свидения.Select Leviticus 8:3

4И сотвори Моисей, якоже повеле ему Господь: и собра сонм пред двери скинии свидения.Select Leviticus 8:4

5И рече Моисей к сонму: сие есть слово, еже завеща Господь сотворити.Select Leviticus 8:5

6И приведе Моисей Аарона и сыны его и измы я водою::Select Leviticus 8:6

7и облече его в срачицу, и опояса его поясом, и облече его в исподнюю ризу, и возвлече нань верхнюю ризу:Select Leviticus 8:7

8и опояса его по устроению ефуда, и стисне его им: и возложи нань слово, и возложи на слово явление и истину:Select Leviticus 8:8

9и возложи увясло на главу его, и возложи на увясло против лица его дщицу златую освященную святую, якоже повеле Господь Моисею.Select Leviticus 8:9

10И взя Моисей от елеа помазания,Select Leviticus 8:10

11и воскропи от него на олтарь седмижды, и помаза олтарь и освяти его и вся сосуды его, и умывалницу и стояло ея, и освяти я, и помаза скинию и вся сосуды ея, и освяти ю,Select Leviticus 8:11

12и возлия Моисей от елеа помазания на главу Аароню, и помаза его, и освяти его.Select Leviticus 8:12

13И приведе Моисей сыны Аарони, и облече я в срачицы, и опояса я поясы, и возложи на ня клобуки, якоже повеле Господь Моисею.Select Leviticus 8:13

14И приведе Моисей телца иже за грех, и возложи Аарон и сынове его руки на главу телца иже за грех,Select Leviticus 8:14

15и закла его ю взя Моисей от крове, и возложи на роги олтаря окрест перстом, и очисти олтарь: и кровь пролия на стояло олтаря, и освяти его, еже молитися у него.Select Leviticus 8:15

16И взя Моисей весь тук иже на утробе, и препонку яже на печени, и обе почки, и тук иже на них, и вознесе Моисей на олтарь:Select Leviticus 8:16

17телца же и кожу его, и мяса его и мотылы его, сожже я огнем вне полка, якоже повеле Господь Моисею.Select Leviticus 8:17

18И приведе Моисей овна иже во всесожжение, и возложи Аарон и сынове его руки своя на главу овню.Select Leviticus 8:18

19И закла Моисей овна, и пролия Моисей кровь на олтарь окрест:Select Leviticus 8:19

20овна же раздроби на уды его, и вознесе Моисей главу и уды и тук, и утробу и ноги измы водою:Select Leviticus 8:20

21и вознесе Моисей всего овна на олтарь: всесожжение есть в воню благовония: принос есть Господу, якоже заповеда Господь Моисею.Select Leviticus 8:21

22И приведе Моисей овна втораго, овна совершения: и возложи Аарон и сынове его руки своя на главу овню,Select Leviticus 8:22

23и закла его: и взя Моисей от крове его, и возложи на край уха Аароня деснаго, и на край руки его десныя, и на край ноги его десныя.Select Leviticus 8:23

24И приведе Моисей сыны Аарони, и возложи Моисей от крове на край ушес их десных, и на край рук их десных, и на край ног их десных: и пролия Моисей кровь на олтарь окрест:Select Leviticus 8:24

25и взя Моисей тук и чресла, и тук иже на утробе, и препонку печени, и обе почки, и тук иже на них, и рамо десное,Select Leviticus 8:25

26и от кошницы совершения, яже есть пред Господем, и взя хлеб един пресный, и хлеб елеен един, и опреснок един, и возложи на тук, и рамо десное:Select Leviticus 8:26

27и возложи вся на руце Аарони и на руце сынов его, и вознесе я участие пред Господа.Select Leviticus 8:27

28И взя Моисей от рук их и вознесе на олтарь на всесожжение совершения, еже есть воня благоухания: принос есть Господу.Select Leviticus 8:28

29И взем Моисей грудь, отлучи ю возложение пред Господем от овна совершения: и бысть Моисею в масть, якоже заповеда Господь Моисею.Select Leviticus 8:29

30И взя Моисей от елеа помазания и от крове яже на олтари, и воскропи на Аарона и на ризы его, и на сыны его и на ризы сынов его с ним: и освяти Аарона и ризы его, и сыны его и ризы сынов его с ним.Select Leviticus 8:30

31И рече Моисей Аарону и сыном его: сварите мяса во дворе скинии свидения на месте святе, и тамо да снесте я, и хлебы иже в кошнице совершения, якоже заповедано бысть мне глаголя: Аарон и сынове его да снедят я:Select Leviticus 8:31

32и останок мяс и хлебов на огни да сожжете:Select Leviticus 8:32

33и из дверий скинии свидения да не изыдете седмь дний, дондеже день скончается, день совершения вашего: в седмь бо дний совершит руки вашя:Select Leviticus 8:33

34якоже сотвори в день сей, в оньже заповеда Господь сотворити, яко молитися о вас:Select Leviticus 8:34

35и у дверий скинии свидения седите седмь дний, день и нощь, и сохраните повеления Господня, да не умрете: тако бо заповеда мне Господь Бог.Select Leviticus 8:35

36И сотвори Аарон и сынове его вся словеса, яже завеща Господь Моисею.Select Leviticus 8:36