11Romans 11

1Глаголю убо: еда отрину Бог люди Своя? Да не будет. Ибо и аз Израильтянин есмь, от семене Авраамля, колена Вениаминова.Select Romans 11:1

2Не отрину Бог людей Своих, ихже прежде разуме. Или не весте, о Илии что глаголет Писание, яко приповедует Богови на Израиля, глаголя:Select Romans 11:2

3Господи, пророки Твоя избиша и олтари Твоя раскопаша: и аз остах един, и ищут души моея, изяти ю.Select Romans 11:3

4Но что глаголет ему Божественный ответ? Оставих Себе седмь тысящ мужей, иже не преклониша колена пред Ваалом.Select Romans 11:4

5Тако убо и в нынешнее время останок по избранию благодати бысть.Select Romans 11:5

6Аще ли по благодати, то не от дел: зане благодать уже не бывает благодать. Аще ли от дел, ктому несть благодать: зане дело уже несть дело.Select Romans 11:6

7Что убо? Егоже искаше Израиль, сего не получи, а избрание получи. Прочии же ослепишася,Select Romans 11:7

8якоже есть писано: даде им Бог дух умиления, очи не видети и ушы не слышати, даже до днешняго дне.Select Romans 11:8

9И Давид глаголет: да будет трапеза их в сеть и в лов, и в соблазн и в воздаяние им:Select Romans 11:9

10да помрачатся очи их еже не видети, и хребет их выну сляцай.Select Romans 11:10

11Глаголю убо: еда согрешиша, да отпадут? Да не будет. Но тех падением спасение языком, во еже раздражити их.Select Romans 11:11

12Аще ли же прегрешение их богатство мира, и отпадение их богатство языков: кольми паче исполнение их?Select Romans 11:12

13Вам бо глаголю языком: понеже убо есмь аз языком Апостол, службу мою прославляю.Select Romans 11:13

14Аще како раздражу мою плоть, и спасу некия от них?Select Romans 11:14

15Аще бо отложение их, примирение миру, что приятие, разве жизнь из мертвых?Select Romans 11:15

16Аще ли начаток свят, то и примешение: и аще корень свят, то и ветви.Select Romans 11:16

17Аще ли некия от ветвей отломишася, ты же, дивия маслина сый, прицепился еси в них, и причастник корене и масти маслинныя сотворился еси,Select Romans 11:17

18не хвалися на ветви: аще ли же хвалишися, не ты корень носиши, но корень тебе.Select Romans 11:18

19Речеши убо. Отломишася ветви, да аз прицеплюся.Select Romans 11:19

20Добре: неверием отломишася, ты же верою стоиши: не высокомудрствуй, но бойся.Select Romans 11:20

21Аще бо Бог естественных ветвей не пощаде, да не како и тебе не пощадит.Select Romans 11:21

22Виждь убо благость и непощадение Божие: на отпадших убо непощадение, а на тебе благость Божия, аще пребудеши в благости: аще ли же ни, то и ты отсечен будеши.Select Romans 11:22

23И они же, аще не пребудут в неверствии, прицепятся: силен бо есть Бог паки прицепити их.Select Romans 11:23

24Аще бо ты от естественныя отсечен дивия маслины, и чрез естество прицепился еси к добрей маслине: кольми паче сии, иже по естеству, прицепятся своей маслине?Select Romans 11:24

25Не бо хощу вас не ведети тайны сея, братие, да не будете о себе мудри, яко ослепление от части Израилеви бысть, дондеже исполнение языков внидет,Select Romans 11:25

26и тако весь Израиль спасется, якоже есть писано: приидет от Сиона Избавляяй, и отвратит нечестие от Иакова:Select Romans 11:26

27и сей им от Мене завет, егда отиму грехи их.Select Romans 11:27

28По благовествованию убо, врази вас ради: по избранию же, возлюблени отец ради.Select Romans 11:28

29Нераскаянна бо дарования и звание Божие.Select Romans 11:29

30Якоже бо и вы иногда противистеся Богови, ныне же помиловани бысте сих противлением:Select Romans 11:30

31такожде и сии ныне противишася вашей милости, да и тии помиловани будут.Select Romans 11:31

32Затвори бо Бог всех в противление, да всех помилует.Select Romans 11:32

33О, глубина богатства и премудрости и разума Божия! Яко неиспытани судове Его, и неизследовани путие Его.Select Romans 11:33

34Кто бо разуме ум Господень, или кто советник Ему бысть?Select Romans 11:34

35Или кто прежде даде Ему, и воздастся Ему,Select Romans 11:35

36яко из Того и Тем и в Нем всяческая. Тому слава во веки. Аминь.Select Romans 11:36