10Mark 10

1И оттуду востав прейде в пределы Иудейския, об он пол Иордана. И снидошася паки народи к Нему: и яко обычай име, паки учаше их.Select Mark 10:1

2И приступльше фарисее вопросиша Его: аще достоит мужу жену пустити? Искушающе Его.Select Mark 10:2

3Он же отвещав рече им: что вам заповеда Моисей?Select Mark 10:3

4Они же реша: Моисей повеле книгу распустную написати, и пустити.Select Mark 10:4

5И отвещав Иисус рече им: по жестосердию вашему написа вам заповедь сию:Select Mark 10:5

6от начала же создания, мужа и жену сотворил я есть Бог:Select Mark 10:6

7сего ради оставит человек отца своего и матерьSelect Mark 10:7

8и прилепится к жене своей, и будета оба в плоть едину: темже уже неста два, но плоть едина:Select Mark 10:8

9еже убо Бог сочета, человек да не разлучает.Select Mark 10:9

10И в дому паки ученицы Его о сем вопросиша Его.Select Mark 10:10

11И глагола им: иже аще пустит жену свою и оженится иною, прелюбы творит на ню:Select Mark 10:11

12и аще жена пустит мужа и посягнет за иного, прелюбы творит.Select Mark 10:12

13И приношаху к Нему дети, да коснется их: ученицы же прещаху приносящым.Select Mark 10:13

14Видев же Иисус негодова и рече им: оставите детей приходити ко Мне и не браните им, тацех бо есть Царствие Божие:Select Mark 10:14

15аминь глаголю вам: иже аще не приимет Царствия Божия яко отроча, не имать внити в не.Select Mark 10:15

16И объемь их, возложь руце на них, благословляше их.Select Mark 10:16

17И исходящу Ему на путь, притек некий и поклонься на колену Ему, вопрошаше Его: Учителю благий, что сотворю, да живот вечный наследствую?Select Mark 10:17

18Иисус же рече ему: что Мя глаголеши блага? Никтоже благ, токмо един Бог.Select Mark 10:18

19Заповеди веси: не прелюбы сотвориши: не убий: не укради: не лжесвидетелствуй: не обиди: чти отца твоего и матерь.Select Mark 10:19

20Он же отвещав рече Ему: Учителю, сия вся сохраних от юности моея.Select Mark 10:20

21Иисус же воззрев нань, возлюби его и рече ему: единаго еси не докончал: иди, елика имаши, продаждь и даждь нищым, и имети имаши сокровище на небеси: и прииди (и) ходи вслед Мене, взем крест.Select Mark 10:21

22Он же дряхл быв о словеси, отиде скорбя: бе бо имея стяжания многа.Select Mark 10:22

23И воззрев Иисус глагола учеником Своим: како неудобь имущии богатство в Царствие Божие внидут.Select Mark 10:23

24Ученицы же ужасахуся о словесех Его. Иисус же паки отвещав глагола им: чада, како неудобь уповающым на богатство в Царствие Божие внити:Select Mark 10:24

25удобее бо есть вельбуду сквозе иглине ушы проити, неже богату в Царствие Божие внити.Select Mark 10:25

26Они же излиха дивляхуся, глаголюще к себе: то кто может спасен быти?Select Mark 10:26

27Воззрев же на них Иисус глагола: у человек невозможно, но не у Бога: вся бо возможна суть у Бога.Select Mark 10:27

28Начат же Петр глаголати Ему: се, мы оставихом вся и вслед Тебе идохом.Select Mark 10:28

29Отвещав же Иисус рече: аминь глаголю вам: никтоже есть, иже оставил есть дом, или братию, или сестры, или отца, или матерь, или жену, или чада, или села, Мене ради и Евангелиа ради:Select Mark 10:29

30аще не приимет сторицею ныне во время сие, домов, и братий, и сестр, и отца, и матере, и чад, и сел, во изгнании, и в век грядущий живот вечный:Select Mark 10:30

31мнози же будут первии последни, и последнии перви.Select Mark 10:31

32Бяху же на пути, восходяще во Иерусалим: и бе варяя их Иисус, и ужасахуся, и вслед идуще, бояхуся. И поемь паки обанадесять, начат им глаголати, яже хотяху Ему быти:Select Mark 10:32

33яко, се, восходим во Иерусалим, и Сын Человеческий предан будет архиереом и книжником, и осудят Его на смерть, и предадят Его языком:Select Mark 10:33

34и поругаются Ему, и уязвят Его, и оплюют Его, и убиют Его: и в третий день воскреснет.Select Mark 10:34

35И пред Него приидоста Иаков и Иоанн, сына Зеведеева, глаголюща: Учителю, хощева, да, еже аще просива, сотвориши нама.Select Mark 10:35

36Он же рече има: что хощета, да сотворю вама?Select Mark 10:36

37Она же реста Ему: даждь нам, да един о десную Тебе и един о шуюю Тебе сядева во славе Твоей.Select Mark 10:37

38Иисус же рече има: не веста, чесо просита: можета ли пити чашу, юже Аз пию, и крещением, имже Аз крещаюся, креститися?Select Mark 10:38

39Она же реста Ему: можева. Иисус же рече има: чашу убо, юже Аз пию, испиета, и крещением, имже Аз крещаюся, креститася:Select Mark 10:39

40а еже сести о десную Мене и о шуюю, несть Мне дати, но имже уготовано есть.Select Mark 10:40

41И слышавше десять, начаша негодовати о Иакове и Иоанне.Select Mark 10:41

42Иисус же призвав их, глагола им: весте, яко мнящиися владети языки, соодолевают им, и велицыи их обладают ими:Select Mark 10:42

43не тако же будет в вас: но иже аще хощет в вас вящший быти, да будет вам слуга:Select Mark 10:43

44и иже аще хощет в вас быти старей, да будет всем раб:Select Mark 10:44

45ибо Сын Человечь не прииде, да послужат Ему, но да послужит и даст душу Свою избавление за многи.Select Mark 10:45

46И приидоша во Иерихон. И исходящу Ему от Иерихона, и учеником Его, и народу многу, сын Тимеов Вартимей слепый седяше при пути, прося.Select Mark 10:46

47И слышав, яко Иисус Назорянин есть, начат звати и глаголати: Сыне Давидов Иисусе, помилуй мя.Select Mark 10:47

48И прещаху ему мнози, да умолчит: он же множае паче зваше: Сыне Давидов, помилуй мя.Select Mark 10:48

49И став Иисус, рече его возгласити. И возгласиша слепца, глаголюще ему: дерзай, востани, зовет тя.Select Mark 10:49

50Он же отверг ризы своя, востав прииде ко Иисусови.Select Mark 10:50

51И отвещав глагола ему Иисус: что хощеши, да сотворю Тебе? Слепый же глагола Ему: Учителю, да прозрю.Select Mark 10:51

52Иисус же рече ему: иди: вера твоя спасе тя. И абие прозре и по Иисусе иде в путь.Select Mark 10:52