12Mark 12

1И начат им в притчах глаголати: виноград насади человек, и огради оплотом, и ископа точило, и созда столп, и предаде его тяжателем, и отиде.Select Mark 12:1

2И посла к тяжателем во время раба, да от тяжатель приимет от плода винограда:Select Mark 12:2

3они же емше его биша и отослаша тща.Select Mark 12:3

4И паки посла к ним другаго раба: и того камением бивше, пробиша главу ему и послаша безчестна.Select Mark 12:4

5И паки иного посла: и того убиша: и многи ины, овы убо биюще, овы же убивающе.Select Mark 12:5

6Еще убо единаго сына име возлюбленнаго своего, посла и того к ним последи, глаголя, яко усрамятся сына моего.Select Mark 12:6

7Они же тяжателе реша к себе, яко сей есть наследник: приидите, убием его, и наше будет наследствие.Select Mark 12:7

8И емше его убиша и извергоша его вон из винограда.Select Mark 12:8

9Что убо сотворит господь винограда? Приидет и погубит тяжатели и даст виноград инем.Select Mark 12:9

10Ни Писания ли сего чли есте: камень, егоже не в ряду сотвориша зиждущии, сей бысть во главу угла:Select Mark 12:10

11от Господа бысть сие, и есть дивно во очию нашею?Select Mark 12:11

12И искаху Его яти, и убояшася народа: разумеша бо, яко к ним притчу рече: и оставльше Его отидоша.Select Mark 12:12

13И послаша к Нему некия от фарисей и иродиан, да Его обольстят словом.Select Mark 12:13

14Они же пришедше глаголаша Ему: Учителю, вемы, яко истинен еси и не радиши ни о комже: не зриши бо на лице человеков, но воистинну пути Божию учиши: достоит ли кинсон кесареви дати, или ни? Дамы ли, или не дамы?Select Mark 12:14

15Он же ведый их лицемерие, рече им: что Мя искушаете? Принесите Ми пенязь, да вижу.Select Mark 12:15

16Они же принесоша. И глагола им: чий образ сий и написание? Они же реша Ему: кесарев.Select Mark 12:16

17И отвещав Иисус рече им: воздадите кесарева кесареви и Божия Богови. И чудишася о Нем.Select Mark 12:17

18И приидоша саддукее к Нему, иже глаголют воскресению не быти: и вопросиша Его, глаголюще:Select Mark 12:18

19Учителю, Моисей написа нам, яко аще кому брат умрет и оставит жену, а чад не оставит: да поймет брат его жену его и воскресит семя брату своему.Select Mark 12:19

20Седмь братий бе: и первый поят жену и умирая не остави семене:Select Mark 12:20

21и вторый поят ю и умре, и ни той остави семене: и третий такожде:Select Mark 12:21

22и пояша ю седмь и не оставиша семене: последи же всех умре и жена.Select Mark 12:22

23В воскресение убо, егда воскреснут, которому их будет жена: седмь бо имеша ю жену.Select Mark 12:23

24И отвещав Иисус рече им: не сего ли ради прельщаетеся, не ведуще Писания, ни силы Божия?Select Mark 12:24

25Егда бо из мертвых воскреснут, ни женятся, ни посягают, но суть яко Ангели на небесех:Select Mark 12:25

26о мертвых же, яко востают, несте ли чли в книгах Моисеовых, при купине яко рече ему Бог, глаголя: Аз Бог Авраамов и Бог Исааков и Бог Иаковль?Select Mark 12:26

27Несть Бог мертвых, но Бог живых: вы убо много прельщаетеся.Select Mark 12:27

28И приступль един от книжник, слышав их стязающихся и видев, яко добре отвеща им, вопроси Его: кая есть первая всех заповедий?Select Mark 12:28

29Иисус же отвеща ему: яко первейши всех заповедий: слыши, Израилю, Господь Бог ваш Господь един есть:Select Mark 12:29

30и возлюбиши Господа Бога твоего всем сердцем твоим, и всею душею твоею, и всем умом твоим, и всею крепостию твоею: сия есть первая заповедь.Select Mark 12:30

31И вторая подобна ей: возлюбиши ближняго своего яко сам себе. Болшая сею ина заповедь несть.Select Mark 12:31

32И рече Ему книжник: добре, Учителю, воистинну рекл еси, яко един есть Бог, и несть ин разве Его:Select Mark 12:32

33и еже любити Его всем сердцем, и всем разумом, и всею душею, и всею крепостию: и еже любити ближняго яко себе, боле есть всех всесожжений и жертв.Select Mark 12:33

34Иисус же видев, яко смысленно отвеща, рече ему: не далече еси от Царствия Божия. И никтоже смеяше ктому Его вопросити.Select Mark 12:34

35И отвещав Иисус глаголаше, учя в церкви: како глаголют книжницы, яко Христос Сын есть Давидов?Select Mark 12:35

36Той бо Давид рече Духом Святым: глагола Господь Господеви моему: седи о десную Мене, дондеже положу враги Твоя подножие ногама Твоима.Select Mark 12:36

37Сам убо Давид глаголет Его Господа: и откуду Сын ему есть? И мног народ послушаше Его в сладость.Select Mark 12:37

38И глаголаше им во учении Своем: блюдитеся от книжник, хотящих во одеяниих ходити, и целования на торжищих,Select Mark 12:38

39и преждеседания на сонмищих, и первовозлежания на вечерях:Select Mark 12:39

40поядающе домы вдовиц и непщеванием надолзе молящеся, сии приимут лишшее осуждение.Select Mark 12:40

41И сед Иисус прямо сокровищному хранилищу, зряше, како народ мещет медь в сокровищное хранилище. И мнози богатии вметаху многа.Select Mark 12:41

42И пришедши едина вдовица убога, вверже лепте две, еже есть кодрант.Select Mark 12:42

43И призвав ученики Своя, рече им: аминь глаголю вам, яко вдовица сия убогая множае всех вверже вметающих в сокровищное хранилище:Select Mark 12:43

44вси бо от избытка своего ввергоша: сия же от лишения своего вся, елика имеяше, вверже, все житие свое.Select Mark 12:44