1Matthew 1

1Книга родства Иисуса Христа, Сына Давидова, Сына Авраамля.Select Matthew 1:1

2Авраам роди Исаака. Исаак же роди Иакова. Иаков же роди Иуду и братию его.Select Matthew 1:2

3Иуда же роди Фареса и Зару от Фамары. Фарес же роди Есрома. Есром же роди Арама.Select Matthew 1:3

4Арам же роди Аминадава. Аминадав же роди Наассона. Наассон же роди Салмона.Select Matthew 1:4

5Салмон же роди Вооза от Рахавы. Вооз же роди Овида от Руфы. Овид же роди Иессеа.Select Matthew 1:5

6Иессей же роди Давида царя. Давид же царь роди Соломона от Уриины.Select Matthew 1:6

7Соломон же роди Ровоама. Ровоам же роди Авию. Авиа же роди Асу.Select Matthew 1:7

8Аса же роди Иосафата. Иосафат же роди Иорама. Иорам же роди Озию.Select Matthew 1:8

9Озиа же роди Иоафама. Иоафам же роди Ахаза. Ахаз же роди Езекию.Select Matthew 1:9

10Езекиа же роди Манассию. Манассиа же роди Амона. Амон же роди Иосию.Select Matthew 1:10

11Иосиа же роди Иехонию и братию его, в преселение Вавилонское (в некиих греч.: Иосиа же роди Иоакима и братию его. Иоаким же роди Иехонию в преселение Вавилонское.) .Select Matthew 1:11

12По преселении же Вавилонстем, Иехониа роди Салафииля. Салафииль же роди Зоровавеля.Select Matthew 1:12

13Зоровавель же роди Авиуда. Авиуд же роди Елиакима. Елиаким же роди Азора.Select Matthew 1:13

14Азор же роди Садока. Садок же роди Ахима. Ахим же роди Елиуда.Select Matthew 1:14

15Елиуд же роди Елеазара. Елеазар же роди Матфана. Матфан же роди Иакова.Select Matthew 1:15

16Иаков же роди Иосифа, мужа Мариина, из Неяже родися Иисус, глаголемый Христос.Select Matthew 1:16

17Всех же родов от Авраама до Давида родове четыренадесяте: и от Давида до преселения Вавилонскаго родове четыренадесяте: и от преселения Вавилонскаго до Христа родове четыренадесяте.Select Matthew 1:17

18Иисус Христово Рождество сице бе: обрученней бо бывши Матери Его Марии Иосифови, прежде даже не снитися има, обретеся имущи во чреве от Духа Свята.Select Matthew 1:18

19Иосиф же муж Ея, праведен сый и не хотя Ея обличити, восхоте тай пустити Ю.Select Matthew 1:19

20Сия же ему помыслившу, се, Ангел Господень во сне явися ему, глаголя: Иосифе, сыне Давидов, не убойся прияти Мариам жены твоея: рождшеебося в Ней, от Духа есть Свята:Select Matthew 1:20

21родит же Сына, и наречеши имя Ему Иисус: Той бо спасет люди Своя от грех их.Select Matthew 1:21

22Сие же все бысть, да сбудется реченное от Господа пророком, глаголющим:Select Matthew 1:22

23се, Дева во чреве приимет и родит Сына, и нарекут имя Ему Еммануил, еже есть сказаемо: с нами Бог.Select Matthew 1:23

24Востав же Иосиф от сна, сотвори якоже повеле ему Ангел Господень, и прият жену свою,Select Matthew 1:24

25и не знаяше Ея, дондеже роди Сына Своего первенца, и нарече имя Ему Иисус.Select Matthew 1:25