10Matthew 10

1И призва обанадесять ученики Своя, даде им власть на дусех нечистых, яко да изгонят их, и целити всяк недуг и всяку болезнь.Select Matthew 10:1

2Дванадесятих же Апостолов имена суть сия: первый Симон, иже нарицается Петр, и Андрей брат его: Иаков Зеведеев и Иоанн брат его:Select Matthew 10:2

3Филипп и Варфоломей: Фома и Матфей мытарь: Иаков Алфеев и Леввей, нареченный Фаддей:Select Matthew 10:3

4Симон Кананит и Иуда Искариотский, иже и предаде Его.Select Matthew 10:4

5Сия обанадесять посла Иисус, заповеда им, глаголя: на путь язык не идите и во град Самарянский не внидите:Select Matthew 10:5

6идите же паче ко овцам погибшым дому Израилева:Select Matthew 10:6

7ходяще же проповедуйте, глаголюще, яко приближися Царствие Небесное:Select Matthew 10:7

8болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите.Select Matthew 10:8

9Не стяжите злата, ни сребра, ни меди при поясех ваших,Select Matthew 10:9

10ни пиры в путь, ни двою ризу, ни сапог, ни жезла: достоин бо есть делатель мзды своея.Select Matthew 10:10

11В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете:Select Matthew 10:11

12входяще же в дом целуйте его, глаголюще: мир дому сему:Select Matthew 10:12

13и аще убо будет дом достоин, приидет мир ваш нань: аще ли же не будет достоин, мир ваш к вам возвратится.Select Matthew 10:13

14И иже аще не приимет вас, ниже послушает словес ваших, исходяще из дому или из града того, оттрясите прах ног ваших:Select Matthew 10:14

15аминь глаголю вам: отраднее будет земли Содомстей и Гоморрстей в день судный, неже граду тому.Select Matthew 10:15

16Се, Аз посылаю вас яко овцы посреде волков: будите убо мудри яко змия, и цели яко голубие.Select Matthew 10:16

17Внемлите же от человек: предадят бо вы на сонмы, и на соборищих их биют вас,Select Matthew 10:17

18и пред владыки же и цари ведени будете Мене ради, во свидетелство им и языком.Select Matthew 10:18

19Егда же предают вы, не пецытеся, како или что возглаголете: дастбося вам в той час, что возглаголете:Select Matthew 10:19

20не вы бо будете глаголющии, но Дух Отца вашего глаголяй в вас.Select Matthew 10:20

21Предаст же брат брата на смерть, и отец чадо: и востанут чада на родители и убиют их:Select Matthew 10:21

22и будете ненавидими всеми имене Моего ради: претерпевый же до конца, той спасен будет.Select Matthew 10:22

23Егда же гонят вы во граде сем, бегайте в другий. Аминь бо глаголю вам: не имате скончати грады Израилевы, дондеже приидет Сын Человеческий.Select Matthew 10:23

24Несть ученик над учителя (своего), ниже раб над господина своего:Select Matthew 10:24

25довлеет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его?Select Matthew 10:25

26Не убойтеся убо их: ничтоже бо есть покровено, еже не открыется, и тайно, еже не уведено будет.Select Matthew 10:26

27Еже глаголю вам во тме, рцыте во свете: и еже во ушы слышите, проповедите на кровех.Select Matthew 10:27

28И не убойтеся от убивающих тело, души же не могущих убити: убойтеся же паче могущаго и душу и тело погубити в геенне.Select Matthew 10:28

29Не две ли птице ценитеся единому ассарию? И ни едина от них падет на земли без Отца вашего:Select Matthew 10:29

30вам же и власи главнии вси изочтени суть:Select Matthew 10:30

31не убойтеся убо: мнозех птиц лучши есте вы.Select Matthew 10:31

32Всяк убо иже исповесть Мя пред человеки, исповем его и Аз пред Отцем Моим, иже на небесех:Select Matthew 10:32

33а иже отвержется Мене пред человеки, отвергуся его и Аз пред Отцем Моим, иже на небесех.Select Matthew 10:33

34Не мните, яко приидох воврещи мир на землю: не приидох воврещи мир, но мечь:Select Matthew 10:34

35приидох бо разлучити человека на отца своего, и дщерь на матерь свою, и невесту на свекровь свою.Select Matthew 10:35

36И врази человеку домашнии его.Select Matthew 10:36

37Иже любит отца или матерь паче Мене, несть Мене достоин: и иже любит сына или дщерь паче Мене, несть Мене достоин:Select Matthew 10:37

38и иже не приимет креста своего и вслед Мене грядет, несть Мене достоин.Select Matthew 10:38

39Обретый душу свою погубит ю: а иже погубит душу свою Мене ради, обрящет ю.Select Matthew 10:39

40Иже вас приемлет, Мене приемлет: и иже приемлет Мене, приемлет Пославшаго Мя:Select Matthew 10:40

41приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет:Select Matthew 10:41

42и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея.Select Matthew 10:42