12Matthew 12

1В то время иде Иисус в субботы сквозе сеяния: ученицы же Его взалкаша и начаша востерзати класы и ясти.Select Matthew 12:1

2Фарисее же видевше реша Ему: се, ученицы Твои творят, егоже не достоит творити в субботу.Select Matthew 12:2

3Он же рече им: несте ли чли, что сотвори Давид, егда взалка сам и сущии с ним?Select Matthew 12:3

4Како вниде в храм Божий и хлебы предложения снеде, ихже не достойно бе ему ясти, ни сущым с ним, токмо иереем единым?Select Matthew 12:4

5Или несте чли в законе, яко в субботы священницы в церкви субботы сквернят и неповинни суть?Select Matthew 12:5

6Глаголю же вам, яко церкве боле есть зде:Select Matthew 12:6

7аще ли бысте ведали, что есть: милости хощу, а не жертвы, николиже убо бысте осуждали неповинных:Select Matthew 12:7

8господь бо есть и субботы Сын Человеческий.Select Matthew 12:8

9И прешед оттуду, прииде на сонмище их.Select Matthew 12:9

10И се, человек бе ту, руку имый суху. И вопросиша Его, глаголюще: аще достоит в субботы целити? Да на Него возглаголют.Select Matthew 12:10

11Он же рече им: кто есть от вас человек, иже имать овча едино, и аще впадет сие в субботы в яму, не имет ли е и измет?Select Matthew 12:11

12Кольми убо лучши есть человек овчате? Темже достоит в субботы добро творити.Select Matthew 12:12

13Тогда глагола человеку: простри руку твою. И простре: и утвердися цела яко другая.Select Matthew 12:13

14Фарисее же шедше совет сотвориша на Него, како Его погубят. Иисус же разумев отиде оттуду.Select Matthew 12:14

15И по Нем идоша народи мнози, и изцели их всех:Select Matthew 12:15

16и запрети им, да не яве Его творят:Select Matthew 12:16

17яко да сбудется реченное Исаием пророком, глаголющим:Select Matthew 12:17

18се, Отрок Мой, Егоже изволих, Возлюбленный Мой, Наньже благоволи душа Моя: положу дух Мой на Нем, и суд языком возвестит:Select Matthew 12:18

19не преречет, ни возопиет, ниже услышит кто на распутиих гласа Его:Select Matthew 12:19

20трости сокрушенны не преломит и лена внемшася не угасит, дондеже изведет в победу суд:Select Matthew 12:20

21и на имя Его языцы уповати имут.Select Matthew 12:21

22Тогда приведоша к Нему беснующася слепа и нема: и изцели его, яко слепому и немому глаголати и глядати.Select Matthew 12:22

23И дивляхуся вси народи глаголюще: еда Сей есть (Христос) сын Давидов?Select Matthew 12:23

24Фарисее же слышавше реша: Сей не изгонит бесы, токмо о веельзевуле князи бесовстем.Select Matthew 12:24

25Ведый же Иисус мысли их, рече им: всякое царство раздельшееся на ся запустеет, и всяк град или дом разделивыйся на ся не станет.Select Matthew 12:25

26И аще сатана сатану изгонит, на ся разделился есть: како убо станет царство его?Select Matthew 12:26

27И аще Аз о веельзевуле изгоню бесы, сынове ваши о ком изгонят? Сего ради тии вам будут судии.Select Matthew 12:27

28Аще ли же Аз о Дусе Божии изгоню бесы, убо постиже на вас Царствие Божие.Select Matthew 12:28

29Или како может кто внити в дом крепкаго и сосуды его расхитити, аще не первее свяжет крепкаго, и тогда дом его расхитит?Select Matthew 12:29

30Иже несть со Мною, на Мя есть: и иже не собирает со Мною, расточает.Select Matthew 12:30

31Сего ради глаголю вам: всяк грех и хула отпустится человеком: а яже на Духа хула не отпустится человеком:Select Matthew 12:31

32и иже аще речет слово на Сына Человеческаго, отпустится ему: а иже речет на Духа Святаго, не отпустится ему ни в сей век, ни в будущий.Select Matthew 12:32

33Или сотворите древо добро и плод его добр: или сотворите древо зло и плод его зол: от плода бо древо познано будет.Select Matthew 12:33

34Порождения ехиднова, како можете добро глаголати, зли суще? От избытка бо сердца уста глаголют.Select Matthew 12:34

35Благий человек от благаго сокровища износит благая: и лукавый человек от лукаваго сокровища износит лукавая.Select Matthew 12:35

36Глаголю же вам, яко всяко слово праздное, еже аще рекут человецы, воздадят о нем слово в день судный:Select Matthew 12:36

37от словес бо своих оправдишися и от словес своих осудишися.Select Matthew 12:37

38Тогда отвещаша нецыи от книжник и фарисей, глаголюще: Учителю, хощем от Тебе знамение видети.Select Matthew 12:38

39Он же отвещав рече им: род лукав и прелюбодей знамения ищет, и знамение не дастся ему, токмо знамение Ионы пророка:Select Matthew 12:39

40якоже бо бе Иона во чреве китове три дни и три нощы, тако будет и Сын Человеческий в сердцы земли три дни и три нощы.Select Matthew 12:40

41Мужие Ниневитстии востанут на суд с родом сим и осудят его, яко покаяшася проповедию Иониною: и се, боле Ионы зде.Select Matthew 12:41

42Царица южская востанет на суд с родом сим и осудит и, яко прииде от конец земли слышати премудрость Соломонову: и се, боле Соломона зде.Select Matthew 12:42

43Егда же нечистый дух изыдет от человека, преходит сквозе безводная места, ищя покоя, и не обретает:Select Matthew 12:43

44тогда речет: возвращуся в дом мой, отнюдуже изыдох. И пришед обрящет празден, пометен и украшен:Select Matthew 12:44

45тогда идет и поймет с собою седмь иных духов лютейших себе, и вшедше живут ту: и будут последняя человеку тому горша первых. Тако будет и роду сему лукавому.Select Matthew 12:45

46Еще же Ему глаголющу к народом, се, Мати (Его) и братия Его стояху вне, ищуще глаголати Ему.Select Matthew 12:46

47Рече же некий Ему: се, Мати Твоя и братия Твоя вне стоят, хотяще глаголати Тебе.Select Matthew 12:47

48Он же отвещав рече ко глаголющему Ему: кто есть Мати Моя, и кто суть братия Моя?Select Matthew 12:48

49И простер руку Свою на ученики Своя, рече: се, мати Моя и братия Моя:Select Matthew 12:49

50иже бо аще сотворит волю Отца Моего, Иже есть на небесех, той брат Мой, и сестра, и мати (Ми) есть.Select Matthew 12:50