14Matthew 14

1В то время услыша Ирод четвертовластник слух ИисусовSelect Matthew 14:1

2и рече отроком своим: сей есть Иоанн Креститель: той воскресе от мертвых, и сего ради силы деются о нем.Select Matthew 14:2

3Ирод бо емь Иоанна, связа его и всади в темницу, Иродиады ради жены Филиппа брата своего:Select Matthew 14:3

4глаголаше бо ему Иоанн: не достоит ти имети ея.Select Matthew 14:4

5И хотящь его убити, убояся народа, зане яко пророка его имеяху.Select Matthew 14:5

6Дню же бывшу рождества Иродова, пляса дщи Иродиадина посреде и угоди Иродови:Select Matthew 14:6

7темже и с клятвою изрече ей дати, егоже аще воспросит.Select Matthew 14:7

8Она же наваждена материю своею, даждь ми, рече, зде на блюде главу Иоанна Крестителя.Select Matthew 14:8

9И печален бысть царь: клятвы же ради и за возлежащих с ним, повеле дати (ей)Select Matthew 14:9

10и послав усекну Иоанна в темнице.Select Matthew 14:10

11И принесоша главу его на блюде и даша девице: и отнесе матери своей.Select Matthew 14:11

12И приступльше ученицы его взяша тело (его) и погребоша е: и пришедше возвестиша Иисусови.Select Matthew 14:12

13И слышав Иисус отиде оттуду в корабли в пусто место един: и слышавше народи по Нем идоша пеши от градов.Select Matthew 14:13

14И изшед Иисус виде мног народ, и милосердова о них, и изцели недужныя их.Select Matthew 14:14

15Позде же бывшу, приступиша к Нему ученицы Его, глаголюще: пусто есть место, и час уже мину: отпусти народы, да шедше в веси купят брашна себе.Select Matthew 14:15

16Иисус же рече им: не требуют отити: дадите им вы ясти.Select Matthew 14:16

17Они же глаголаша Ему: не имамы зде токмо пять хлеб и две рыбе.Select Matthew 14:17

18Он же рече: принесите Ми их семо.Select Matthew 14:18

19И повелев народом возлещи на траве, и приемь пять хлеб и обе рыбе, воззрев на небо, благослови и преломив даде учеником хлебы, ученицы же народом.Select Matthew 14:19

20И ядоша вси и насытишася: и взяша избытки укрух, дванадесять кошя исполнь:Select Matthew 14:20

21ядущих же бе мужей яко пять тысящ, разве жен и детей.Select Matthew 14:21

22И абие понуди Иисус ученики Своя влезти в корабль и варити Его на оном полу, дондеже отпустит народы.Select Matthew 14:22

23И отпустив народы, взыде на гору един помолитися: позде же бывшу, един бе ту.Select Matthew 14:23

24Корабль же бе посреде моря влаяся волнами: бе бо противен ветр.Select Matthew 14:24

25В четвертую же стражу нощи иде к ним Иисус, ходя по морю.Select Matthew 14:25

26И видевше Его ученицы по морю ходяща, смутишася, глаголюще, яко призрак есть: и от страха возопиша.Select Matthew 14:26

27Абие же рече им Иисус, глаголя: дерзайте: Аз есмь, не бойтеся.Select Matthew 14:27

28Отвещав же Петр рече: Господи, аще Ты еси, повели ми приити к Тебе по водам. Он же рече: прииди.Select Matthew 14:28

29И излез из корабля Петр, хождаше по водам, приити ко Иисусови:Select Matthew 14:29

30видя же ветр крепок, убояся, и начен утопати, возопи, глаголя: Господи, спаси мя.Select Matthew 14:30

31И абие Иисус простер руку, ят его и глагола ему: маловере, почто усумнелся еси?Select Matthew 14:31

32И влезшема има в корабль, преста ветр.Select Matthew 14:32

33Сущии же в корабли пришедше поклонишася Ему, глаголюще: воистинну Божий Сын еси.Select Matthew 14:33

34И прешедше приидоша в землю Геннисарефскую.Select Matthew 14:34

35И познавше Его мужие места того, послаша во всю страну ту, и принесоша к Нему вся болящыя:Select Matthew 14:35

36и моляху Его, да токмо прикоснутся вскрилию ризы Его: и елицы прикоснушася, спасени быша.Select Matthew 14:36