16Matthew 16

1И приступиша (к нему) фарисее и саддукее, искушающе просиша Его знамение с небесе показати им.Select Matthew 16:1

2Он же отвещав рече им: вечеру бывшу, глаголете: ведро, чермнуетбося небо:Select Matthew 16:2

3и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете (искусити).Select Matthew 16:3

4Род лукав и прелюбодейный знамения ищет: и знамение не дастся ему, токмо знамение Ионы пророка. И оставль их, отиде.Select Matthew 16:4

5И прешедше ученицы Его на он пол, забыша хлебы взяти.Select Matthew 16:5

6Иисус же рече им: внемлите и блюдитеся от кваса фарисейска и саддукейска.Select Matthew 16:6

7Они же помышляху в себе, глаголюще: яко хлебы не взяхом.Select Matthew 16:7

8Разумев же Иисус рече им: что мыслите в себе, маловери, яко хлебы не взясте?Select Matthew 16:8

9Не у ли разумеете, ниже помните пять хлебы пятим тысящам, и колико кош взясте?Select Matthew 16:9

10Ни ли седмь хлебы четырем тысящам, и колико кошниц взясте?Select Matthew 16:10

11Како не разумеете, яко не о хлебех рех вам внимати, (но) от кваса фарисейска и саддукейска?Select Matthew 16:11

12Тогда разумеша, яко не рече хранитися от кваса хлебнаго, но от учения фарисейска и саддукейска.Select Matthew 16:12

13Пришед же Иисус во страны Кесарии Филипповы, вопрошаше ученики Своя, глаголя: кого Мя глаголют человецы быти, Сына Человеческаго?Select Matthew 16:13

14Они же реша: ови убо Иоанна Крестителя, инии же Илию, друзии же Иеремию или единаго от пророк.Select Matthew 16:14

15Глагола им (Иисус): вы же кого Мя глаголете быти?Select Matthew 16:15

16Отвещав же Симон Петр рече: Ты еси Христос, Сын Бога Живаго.Select Matthew 16:16

17И отвещав Иисус рече ему: блажен еси, Симоне, вар Иона, яко плоть и кровь не яви тебе, но Отец Мой, иже на небесех:Select Matthew 16:17

18и Аз же тебе глаголю, яко ты еси Петр, и на сем камени созижду Церковь Мою, и врата адова не одолеют ей:Select Matthew 16:18

19и дам ти ключи Царства Небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех.Select Matthew 16:19

20Тогда запрети Иисус учеником Своим, да ни комуже рекут, яко Сей есть Иисус Христос.Select Matthew 16:20

21Оттоле начат Иисус сказовати учеником Своим, яко подобает Ему ити во Иерусалим и много пострадати от старец и архиерей и книжник, и убиену быти, и в третий день востати.Select Matthew 16:21

22И поемь Его Петр, начат пререцати Ему глаголя: милосерд Ты, Господи: не имать быти Тебе сие.Select Matthew 16:22

23Он же обращься рече Петрови: иди за Мною, сатано, соблазн Ми еси: яко не мыслиши яже (суть) Божия, но человеческая.Select Matthew 16:23

24Тогда Иисус рече учеником Своим: аще кто хощет по Мне ити, да отвержется себе и возмет крест свой и по Мне грядет:Select Matthew 16:24

25иже бо аще хощет душу свою спасти, погубит ю: и иже аще погубит душу свою Мене ради, обрящет ю:Select Matthew 16:25

26кая бо польза человеку, аще мир весь приобрящет, душу же свою отщетит? Или что даст человек измену за душу свою?Select Matthew 16:26

27Приити бо имать Сын Человеческий во славе Отца Своего со Ангелы Своими, и тогда воздаст комуждо по деянием его:Select Matthew 16:27

28аминь глаголю вам, (яко) суть нецыи от зде стоящих, иже не имут вкусити смерти, дондеже видят Сына Человеческаго грядуща во Царствии Своем.Select Matthew 16:28