22Matthew 22

1И отвещав Иисус, паки рече им в притчах, глаголя:Select Matthew 22:1

2уподобися Царствие Небесное человеку царю, иже сотвори браки сыну своемуSelect Matthew 22:2

3и посла рабы своя призвати званныя на браки: и не хотяху приити.Select Matthew 22:3

4Паки посла ины рабы, глаголя: рцыте званным: се, обед мой уготовах, юнцы мои и упитанная исколена, и вся готова: приидите на браки.Select Matthew 22:4

5Они же небрегше отидоша, ов убо на село свое, ов же на купли своя:Select Matthew 22:5

6прочии же емше рабов его, досадиша им и убиша их.Select Matthew 22:6

7И слышав царь той разгневася, и послав воя своя, погуби убийцы оны и град их зажже.Select Matthew 22:7

8Тогда глагола рабом своим: брак убо готов есть, званнии же не быша достойни:Select Matthew 22:8

9идите убо на исходища путий, и елицех аще обрящете, призовите на браки.Select Matthew 22:9

10И изшедше раби они на распутия, собраша всех, елицех обретоша, злых же и добрых: и исполнися брак возлежащих.Select Matthew 22:10

11Вшед же царь видети возлежащих, виде ту человека не оболчена во одеяние брачное,Select Matthew 22:11

12и глагола ему: друже, како вшел еси семо не имый одеяния брачна? Он же умолча.Select Matthew 22:12

13Тогда рече царь слугам: связавше ему руце и нозе, возмите его и вверзите во тму кромешнюю: ту будет плачь и скрежет зубом:Select Matthew 22:13

14мнози бо суть звани, мало же избранных.Select Matthew 22:14

15Тогда шедше фарисее, совет восприяша, яко да обольстят Его словом.Select Matthew 22:15

16И посылают к Нему ученики своя со иродианы, глаголюще: Учителю, вемы, яко истинен еси, и пути Божию воистинну учиши, и нерадиши ни о комже: не зриши бо на лице человеком:Select Matthew 22:16

17рцы убо нам, что Ти ся мнит? Достойно ли есть дати кинсон кесареви, или ни?Select Matthew 22:17

18Разумев же Иисус лукавство их, рече: что Мя искушаете, лицемери?Select Matthew 22:18

19Покажите Ми златицу кинсонную. Они же принесоша Ему пенязь.Select Matthew 22:19

20И глагола им: чий образ сей и написание?Select Matthew 22:20

21(И) глаголаша Ему: кесарев. Тогда глагола им: воздадите убо кесарева кесареви, и Божия Богови.Select Matthew 22:21

22И слышавше дивишася: и оставльше Его отидоша.Select Matthew 22:22

23В той день приступиша к Нему саддукее, иже глаголют не быти воскресению, и вопросиша Его,Select Matthew 22:23

24глаголюще: Учителю, Моисей рече: аще кто умрет не имый чад, (да) поймет брат его жену его и воскресит семя брата своего:Select Matthew 22:24

25беша же в нас седмь братия: и первый оженься умре, и не имый семене, остави жену свою брату своему:Select Matthew 22:25

26такожде же и вторый, и третий, даже до седмаго:Select Matthew 22:26

27последи же всех умре и жена:Select Matthew 22:27

28в воскресение убо, котораго от седмих будет жена? Вси бо имеша ю.Select Matthew 22:28

29Отвещав же Иисус рече им: прельщаетеся, не ведуще Писания, ни силы Божия:Select Matthew 22:29

30в воскресение бо ни женятся, ни посягают, но яко Ангели Божии на небеси суть:Select Matthew 22:30

31о воскресении же мертвых несте ли чли реченнаго вам Богом, глаголющим:Select Matthew 22:31

32Аз есмь Бог Авраамов, и Бог Исааков, и Бог Иаковль? Несть Бог Бог мертвых, но (Бог) живых.Select Matthew 22:32

33И слышавше народи дивляхуся о учении Его.Select Matthew 22:33

34Фарисее же слышавше, яко посрами саддукеи, собрашася вкупе.Select Matthew 22:34

35И вопроси един от них законоучитель, искушая Его и глаголя:Select Matthew 22:35

36Учителю, кая заповедь болши (есть) в законе?Select Matthew 22:36

37Иисус же рече ему: возлюбиши Господа Бога твоего всем сердцем твоим, и всею душею твоею, и всею мыслию твоею:Select Matthew 22:37

38сия есть первая и болшая заповедь:Select Matthew 22:38

39вторая же подобна ей: возлюбиши искренняго твоего яко сам себе:Select Matthew 22:39

40в сию обою заповедию весь закон и пророцы висят.Select Matthew 22:40

41Собравшымся же фарисеом, вопроси их Иисус,Select Matthew 22:41

42глаголя: что вам мнится о Христе? Чий есть Сын? Глаголаша Ему: Давидов.Select Matthew 22:42

43Глагола им: како убо Давид Духом Господа Его нарицает, глаголя:Select Matthew 22:43

44рече Господь Господеви моему: седи одесную Мене, дондеже положу враги Твоя подножие ногама Твоима?Select Matthew 22:44

45Аще убо Давид нарицает Его Господа, како сын ему есть?Select Matthew 22:45

46И никтоже можаше отвещати Ему словесе: ниже смеяше кто от того дне вопросити Его ктому.Select Matthew 22:46