24Matthew 24

1И изшед Иисус идяше от церкве. И приступиша (к Нему) ученицы Его показати Ему здания церковная.Select Matthew 24:1

2Иисус же рече им: не видите ли вся сия? Аминь глаголю вам, не имать остати зде камень на камени, иже не разорится.Select Matthew 24:2

3Седящу же Ему на горе Елеонстей, приступиша к Нему ученицы на едине, глаголюще: рцы нам, когда сия будут? И что есть знамение Твоего пришествия и кончина века?Select Matthew 24:3

4И отвещав Иисус рече им: блюдите, да никтоже вас прельстит:Select Matthew 24:4

5мнози бо приидут во имя Мое, глаголюще: Аз есмь Христос: и многи прельстят.Select Matthew 24:5

6Услышати же имате брани и слышания бранем. Зрите, не ужасайтеся, подобает бо всем (сим) быти: но не тогда есть кончина.Select Matthew 24:6

7Востанет бо язык на язык, и царство на царство: и будут глади и пагубы и труси по местом:Select Matthew 24:7

8вся же сия начало болезнем.Select Matthew 24:8

9Тогда предадят вы в скорби и убиют вы: и будете ненавидими всеми языки имене Моего ради.Select Matthew 24:9

10И тогда соблазнятся мнози, и друг друга предадят, и возненавидят друг друга:Select Matthew 24:10

11и мнози лжепророцы востанут и прельстят многия:Select Matthew 24:11

12и за умножение беззакония, изсякнет любы многих.Select Matthew 24:12

13Претерпевый же до конца, той спасется.Select Matthew 24:13

14И проповестся сие Евангелие Царствия по всей вселенней, во свидетелство всем языком: и тогда приидет кончина.Select Matthew 24:14

15Егда убо узрите мерзость запустения, реченную Даниилом пророком, стоящу на месте святе: иже чтет, да разумеет:Select Matthew 24:15

16тогда сущии во Иудеи да бежат на горы:Select Matthew 24:16

17(и) иже на крове, да не сходит взяти яже в дому его:Select Matthew 24:17

18и иже на селе, да не возвратится вспять взяти риз своих.Select Matthew 24:18

19Горе же непраздным и доящым в тыя дни.Select Matthew 24:19

20Молитеся же, да не будет бегство ваше в зиме, ни в субботу.Select Matthew 24:20

21Будет бо тогда скорбь велия, яковаже не была от начала мира доселе, ниже имать быти.Select Matthew 24:21

22И аще не быша прекратилися дние оны, не бы убо спаслася всяка плоть: избранных же ради прекратятся дние оны.Select Matthew 24:22

23Тогда аще кто речет вам: се, зде Христос, или онде: не имите веры:Select Matthew 24:23

24востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя.Select Matthew 24:24

25Се, прежде рех вам.Select Matthew 24:25

26Аще убо рекут вам: се, в пустыни есть, не изыдите: се, в сокровищих, не имите веры:Select Matthew 24:26

27якоже бо молния исходит от восток и является до запад, тако будет пришествие Сына Человеческаго:Select Matthew 24:27

28идеже бо аще будет труп, тамо соберутся орли.Select Matthew 24:28

29Абие же, по скорби дний тех, солнце померкнет, и луна не даст света своего, и звезды спадут с небесе, и силы небесныя подвигнутся:Select Matthew 24:29

30и тогда явится знамение Сына Человеческаго на небеси: и тогда восплачутся вся колена земная и узрят Сына Человеческаго грядуща на облацех небесных с силою и славою многою:Select Matthew 24:30

31и послет Ангелы Своя с трубным гласом велиим, и соберут избранныя Его от четырех ветр, от конец небес до конец их.Select Matthew 24:31

32От смоковницы же научитеся притчи: егда уже ваия ея будут млада, и листвие прозябнет, ведите, яко близ есть жатва:Select Matthew 24:32

33тако и вы, егда видите сия вся, ведите, яко близ есть, при дверех.Select Matthew 24:33

34Аминь глаголю вам, не мимоидет род сей, дондеже вся сия будут:Select Matthew 24:34

35небо и земля мимоидет, словеса же Моя не мимоидут.Select Matthew 24:35

36О дни же том и часе никтоже весть, ни Ангели небеснии, токмо Отец Мой един:Select Matthew 24:36

37якоже (бо бысть во) дни Ноевы, тако будет и пришествие Сына Человеческаго:Select Matthew 24:37

38якоже бо беху во дни прежде потопа ядуще и пиюще, женящеся и посягающе, до негоже дне вниде Ное в ковчег,Select Matthew 24:38

39и не уведеша, дондеже прииде вода и взят вся: тако будет и пришествие Сына Человеческаго:Select Matthew 24:39

40тогда два будета на селе: един поемлется, а другий оставляется:Select Matthew 24:40

41две мелюще в жерновех: едина поемлется, и едина оставляется.Select Matthew 24:41

42Бдите убо, яко не весте, в кий час Господь ваш приидет.Select Matthew 24:42

43Сие же ведите, яко аще бы ведал дому владыка, в кую стражу тать приидет, бдел убо бы и не бы дал подкопати храма своего.Select Matthew 24:43

44Сего ради и вы будите готови: яко, в оньже час не мните, Сын Человеческий приидет.Select Matthew 24:44

45Кто убо есть верный раб и мудрый, егоже поставит господин его над домом своим, еже даяти им пищу во время (их)?Select Matthew 24:45

46Блажен раб той, егоже, пришед господин его, обрящет тако творяща:Select Matthew 24:46

47аминь глаголю вам, яко над всем имением своим поставит его.Select Matthew 24:47

48Аще ли же речет злый раб той в сердцы своем: коснит господин мой приити,Select Matthew 24:48

49и начнет бити клевреты своя, ясти же и пити с пияницами:Select Matthew 24:49

50приидет господин раба того в день, в оньже не чает, и в час, в оньже не весть,Select Matthew 24:50

51и растешет его полма, и часть его с неверными положит: ту будет плачь и скрежет зубом.Select Matthew 24:51