25Matthew 25

1Тогда уподобися Царствие Небесное десятим девам, яже прияша светилники своя и изыдоша в сретение жениху:Select Matthew 25:1

2пять же бе от них мудры и пять юродивы.Select Matthew 25:2

3Юродивыя же, приемшя светилники своя, не взяша с собою елеа:Select Matthew 25:3

4мудрыя же прияша елей в сосудех со светилники своими:Select Matthew 25:4

5коснящу же жениху, воздремашася вся и спаху.Select Matthew 25:5

6Полунощи же вопль бысть: се, жених грядет, исходите в сретение его.Select Matthew 25:6

7Тогда восташа вся девы тыя и украсиша светилники своя.Select Matthew 25:7

8Юродивыя же мудрым реша: дадите нам от елеа вашего, яко светилницы наши угасают.Select Matthew 25:8

9Отвещаша же мудрыя, глаголющя: еда како не достанет нам и вам: идите же паче к продающым и купите себе.Select Matthew 25:9

10Идущым же им купити, прииде жених: и готовыя внидоша с ним на браки, и затворены быша двери.Select Matthew 25:10

11Последи же приидоша и прочыя девы, глаголющя: Господи, Господи, отверзи нам.Select Matthew 25:11

12Он же отвещав рече им: аминь глаголю вам, не вем вас.Select Matthew 25:12

13Бдите убо, яко не весте дне ни часа, в оньже Сын Человеческий приидет.Select Matthew 25:13

14Якоже бо человек некий отходя призва своя рабы и предаде им имение свое:Select Matthew 25:14

15и овому убо даде пять талант, овому же два, овому же един, комуждо противу силы его: и отиде абие.Select Matthew 25:15

16Шед же приемый пять талант, дела в них и сотвори другия пять талант:Select Matthew 25:16

17такожде и иже два, приобрете и той другая два:Select Matthew 25:17

18приемый же един, шед вкопа (его) в землю и скры сребро господина своего.Select Matthew 25:18

19По мнозе же времени прииде господин раб тех и стязася с ними о словеси.Select Matthew 25:19

20И приступль пять талант приемый, принесе другия пять талант, глаголя: господи, пять талант ми еси предал: се, другия пять талант приобретох ими.Select Matthew 25:20

21Рече же ему господь его: добре, рабе благий и верный: о мале был еси верен, над многими тя поставлю: вниди в радость господа твоего.Select Matthew 25:21

22Приступль же и иже два таланта приемый, рече: господи, два таланта ми еси предал: се, другая два таланта приобретох има.Select Matthew 25:22

23Рече (же) ему господь его: добре, рабе благий и верный: о мале (ми) был еси верен, над многими тя поставлю: вниди в радость господа твоего.Select Matthew 25:23

24Приступль же и приемый един талант, рече: господи, ведях тя, яко жесток еси человек, жнеши, идеже не сеял еси, и собираеши идеже не расточил еси:Select Matthew 25:24

25и убоявся, шед скрых талант твой в земли: (и) се, имаши твое.Select Matthew 25:25

26Отвещав же господь его рече ему: лукавый рабе и ленивый, ведел еси, яко жну идеже не сеях, и собираю идеже не расточих:Select Matthew 25:26

27подобаше убо тебе вдати сребро мое торжником, и пришед аз взял бых свое с лихвою:Select Matthew 25:27

28возмите убо от него талант и дадите имущему десять талант:Select Matthew 25:28

29имущему бо везде дано будет и преизбудет: от неимущаго же, и еже мнится имея, взято будет от него:Select Matthew 25:29

30и неключимаго раба вверзите во тму кромешнюю: ту будет плачь и скрежет зубом. Сия глаголя возгласи: имеяй ушы слышати да слышит.Select Matthew 25:30

31Егда же приидет Сын Человеческий в славе Своей и вси святии Ангели с Ним, тогда сядет на престоле славы Своея,Select Matthew 25:31

32и соберутся пред Ним вси языцы: и разлучит их друг от друга, якоже пастырь разлучает овцы от козлищ:Select Matthew 25:32

33и поставит овцы одесную Себе, а козлища ошуюю.Select Matthew 25:33

34Тогда речет Царь сущым одесную Его: приидите, благословеннии Отца Моего, наследуйте уготованное вам Царствие от сложения мира:Select Matthew 25:34

35взалкахся бо, и дасте Ми ясти: возжадахся, и напоисте Мя: странен бех, и введосте Мене:Select Matthew 25:35

36наг, и одеясте Мя: болен, и посетисте Мене: в темнице бех, и приидосте ко Мне.Select Matthew 25:36

37Тогда отвещают Ему праведницы, глаголюще: Господи, когда Тя видехом алчуща, и напитахом? Или жаждуща, и напоихом?Select Matthew 25:37

38Когда же Тя видехом странна, и введохом? Или нага, и одеяхом?Select Matthew 25:38

39Когда же Тя видехом боляща, или в темнице, и приидохом к Тебе?Select Matthew 25:39

40И отвещав Царь речет им: аминь глаголю вам, понеже сотвористе единому сих братий Моих менших, Мне сотвористе.Select Matthew 25:40

41Тогда речет и сущым ошуюю (Его): идите от Мене, проклятии, во огнь вечный, уготованный диаволу и аггелом его:Select Matthew 25:41

42взалкахся бо, и не дасте Ми ясти: возжадахся, и не напоисте Мене:Select Matthew 25:42

43странен бех, и не введосте Мене: наг, и не одеясте Мене: болен и в темнице, и не посетисте Мене.Select Matthew 25:43

44Тогда отвещают Ему и тии, глаголюще: Господи, когда Тя видехом алчуща, или жаждуща, или странна, или нага, или больна, или в темнице, и не послужихом Тебе?Select Matthew 25:44

45Тогда отвещает им, глаголя: аминь глаголю вам, понеже не сотвористе единому сих менших, ни Мне сотвористе.Select Matthew 25:45

46И идут сии в муку вечную, праведницы же в живот вечный.Select Matthew 25:46