7Matthew 7

1Не судите, да не судими будете:Select Matthew 7:1

2имже бо судом судите, судят вам: и в нюже меру мерите, возмерится вам.Select Matthew 7:2

3Что же видиши сучец, иже во оце брата твоего, бервна же, еже есть во оце твоем, не чуеши?Select Matthew 7:3

4Или како речеши брату твоему: остави, да изму сучец из очесе твоего: и се, бервно во оце твоем?Select Matthew 7:4

5Лицемере, изми первее бервно из очесе твоего, и тогда узриши изяти сучец из очесе брата твоего.Select Matthew 7:5

6Не дадите святая псом, ни пометайте бисер ваших пред свиниями, да не поперут их ногами своими и вращшеся расторгнут вы.Select Matthew 7:6

7Просите, и дастся вам: ищите, и обрящете: толцыте, и отверзется вам:Select Matthew 7:7

8всяк бо просяй приемлет, и ищяй обретает, и толкущему отверзется.Select Matthew 7:8

9Или кто есть от вас человек, егоже аще воспросит сын его хлеба, еда камень подаст ему?Select Matthew 7:9

10Или аще рыбы просит, еда змию подаст ему?Select Matthew 7:10

11Аще убо вы, лукави суще, умеете даяния блага даяти чадом вашым, кольми паче Отец ваш Небесный даст блага просящым у Него.Select Matthew 7:11

12Вся убо, елика аще хощете, да творят вам человецы, тако и вы творите им: се бо есть закон и пророцы.Select Matthew 7:12

13Внидите узкими враты: яко пространная врата и широкий путь вводяй в пагубу, и мнози суть входящии им:Select Matthew 7:13

14что узкая врата, и тесный путь вводяй в живот, и мало их есть, иже обретают его.Select Matthew 7:14

15Внемлите же от лживых пророк, иже приходят к вам во одеждах овчих, внутрь же суть волцы хищницы:Select Matthew 7:15

16от плод их познаете их. Еда объемлют от терния грозды, или от репия смоквы?Select Matthew 7:16

17Тако всяко древо доброе плоды добры творит, а злое древо плоды злы творит:Select Matthew 7:17

18не может древо добро плоды злы творити, ни древо зло плоды добры творити.Select Matthew 7:18

19Всяко убо древо, еже не творит плода добра, посекают е и во огнь вметают.Select Matthew 7:19

20Темже убо от плод их познаете их.Select Matthew 7:20

21Не всяк глаголяй Ми: Господи, Господи, внидет в Царствие Небесное: но творяй волю Отца Моего, Иже есть на небесех.Select Matthew 7:21

22Мнози рекут Мне во он день: Господи, Господи, не в Твое ли имя пророчествовахом, и Твоим именем бесы изгонихом, и Твоим именем силы многи сотворихом?Select Matthew 7:22

23И тогда исповем им, яко николиже знах вас: отидите от Мене, делающии беззаконие.Select Matthew 7:23

24Всяк убо, иже слышит словеса Моя сия и творит я, уподоблю его мужу мудру, иже созда храмину свою на камени:Select Matthew 7:24

25и сниде дождь, и приидоша реки, и возвеяша ветри, и нападоша на храмину ту: и не падеся, основана бо бе на камени.Select Matthew 7:25

26И всяк слышай словеса Моя сия, и не творя их, уподобится мужу уродиву, иже созда храмину свою на песце:Select Matthew 7:26

27и сниде дождь, и приидоша реки, и возвеяша ветри, и опрошася храмине той, и падеся: и бе разрушение ея велие.Select Matthew 7:27

28И бысть егда сконча Иисус словеса сия, дивляхуся народи о учении Его:Select Matthew 7:28

29бе бо учя их яко власть имея, и не яко книжницы (и фарисее).Select Matthew 7:29