21 Peter 2

1Отложше убо всяку злобу и всяку лесть и лицемерие и зависть и вся клеветы,Select 1 Peter 2:1

2яко новорождени младенцы, словесное и нелестное млеко возлюбите, яко да о нем возрастете во спасение:Select 1 Peter 2:2

3понеже вкусисте, яко благ Господь.Select 1 Peter 2:3

4К Немуже приходяще, камени живу, от человек убо уничижену, от Бога же избрану, честну,Select 1 Peter 2:4

5и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом.Select 1 Peter 2:5

6Зане писано есть в Писании: се полагаю в Сионе камень краеуголен, избран, честен: и веруяй вонь не постыдится.Select 1 Peter 2:6

7Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна:Select 1 Peter 2:7

8о немже и претыкаются слову противляющиися, на неже и положени быша.Select 1 Peter 2:8

9Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет:Select 1 Peter 2:9

10иже иногда не людие, ныне же людие Божии: иже не помиловани, ныне же помиловани бысте.Select 1 Peter 2:10

11Возлюбленнии, молю яко пришелцев и странников, огребатися от плотских похотей, яже воюют на душу,Select 1 Peter 2:11

12житие ваше имуще добро во языцех, да о немже клевещут вас аки злодеев, от добрых дел видевше, прославят Бога в день посещения.Select 1 Peter 2:12

13Повинитеся убо всякому человечу созданию Господа ради: аще царю, яко преобладающу:Select 1 Peter 2:13

14аще ли же князем, яко от него посланным, во отмщение убо злодеем, в похвалу же благотворцем.Select 1 Peter 2:14

15Яко тако есть воля Божия, благотворящым обуздовати безумных человек невежство:Select 1 Peter 2:15

16яко свободни, а не яко прикровение имуще злобы свободу, но яко раби Божии.Select 1 Peter 2:16

17Всех почитайте, братство возлюбите, Бога бойтеся, царя чтите.Select 1 Peter 2:17

18Раби, повинуйтеся во всяцем страсе владыкам, не токмо благим и кротким, но и строптивым.Select 1 Peter 2:18

19Се бо есть угодно пред Богом, аще совести ради Божия терпит кто скорби, стражда без правды.Select 1 Peter 2:19

20Кая бо похвала, аще согрешающе мучими терпите? Но аще добро творяще и страждуще терпите, сие угодно пред Богом,Select 1 Peter 2:20

21на сие бо и звани бысте: зане и Христос пострада по нас, нам оставль образ, да последуем стопам Его:Select 1 Peter 2:21

22иже греха не сотвори, ни обретеся лесть во устех Его:Select 1 Peter 2:22

23иже укаряемь противу не укаряше, стражда не прещаше, предаяше же Судящему праведно:Select 1 Peter 2:23

24иже грехи нашя Сам вознесе на теле Своем на древо, да от грех избывше, правдою поживем: Егоже язвою изцелесте.Select 1 Peter 2:24

25Бесте бо яко овцы заблуждшыя не имущя пастыря: но возвратистеся ныне к Пастырю и Посетителю душ ваших.Select 1 Peter 2:25