22 Peter 2

1Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель.Select 2 Peter 2:1

2И мнози последствуют их нечистотам, ихже ради путь истинный похулится.Select 2 Peter 2:2

3И в преумножении льстивых словес вас уловят: ихже суд искони не коснит, и погибель их не дремлет.Select 2 Peter 2:3

4Аще бо Бог аггелов согрешивших не пощаде, но пленицами мрака связав, предаде на суд мучимых блюсти:Select 2 Peter 2:4

5и перваго мира не пощаде, но осмаго Ноа правды проповедника сохрани, потоп миру нечествовавших наведе:Select 2 Peter 2:5

6и грады Содомския и Гоморрския сжег, разорением осуди, образ хотящым нечествовати положив:Select 2 Peter 2:6

7и праведнаго Лота, обидима от беззаконных в нечистоте сожития, избави.Select 2 Peter 2:7

8Видением бо и слухом праведный, живый в них, день от дне душу праведну беззаконными делы мучаше:Select 2 Peter 2:8

9весть Господь благочестивыя от напасти избавляти, неправедники же на день судныи мучимы блюсти,Select 2 Peter 2:9

10наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще:Select 2 Peter 2:10

11идеже Ангели крепостию и силою больши суще, не терпят на ся от Господа укоризнен суд.Select 2 Peter 2:11

12Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют,Select 2 Peter 2:12

13приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами,Select 2 Peter 2:13

14очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада:Select 2 Peter 2:14

15оставльше правый путь заблудиша, последовавше пути Валаама Восорова, иже мзду неправедну возлюби,Select 2 Peter 2:15

16обличение же име своего беззакония: подяремник безгласен, человеческим гласом провещавшь, возбрани пророка безумие.Select 2 Peter 2:16

17Сии суть источницы безводни, облацы и мглы от ветр преносими, имже мрак темный во веки блюдется.Select 2 Peter 2:17

18Прегордая бо суеты вещающе, прельщают в скверны плотския похоти, отбегающих всячески от них живущих во льсти,Select 2 Peter 2:18

19свободу им обещавающе, сами раби суще тления: имже бо кто побежден бывает, сему и работен есть.Select 2 Peter 2:19

20Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых.Select 2 Peter 2:20

21Лучше бо бе им не познати пути правды, нежели познавшым возвратитися вспять от преданныя им святыя заповеди.Select 2 Peter 2:21

22Случися бо им истинная притча: пес возвращься на свою блевотину, и: свиния, омывшися, в кал тинный.Select 2 Peter 2:22