1Philemon 1

1Павел юзник Иисус Христов, и Тимофей брат, Филимону возлюбленному и споспешнику нашему,Select Philemon 1:1

2и Апфии сестре возлюбленнеи, и Архиппу совоинственнику нашему, и домашней твоей церкви:Select Philemon 1:2

3благодать вам и мир от Бога Отца нашего, и Господа Иисуса Христа.Select Philemon 1:3

4Благодарю Бога моего, всегда память о тебе творя в молитвах моих,Select Philemon 1:4

5слышав любовь твою и веру, юже имаши ко Господу Иисусу и ко всем святым.Select Philemon 1:5

6Яко да общение твоея веры действенно будет в разуме всякаго блага, еже в вас, о Христе Иисусе.Select Philemon 1:6

7Радость бо имам многу и утешение о любви твоей, яко утробы святых почиша тобою, брате.Select Philemon 1:7

8Сего ради многое дерзновение имея во Христе повелевати тебе, еже потребно есть,Select Philemon 1:8

9любве же ради паче молю, таков сый якоже Павел старец, ныне же и узник Иисуса Христа:Select Philemon 1:9

10молю тя о моем чаде, егоже родих во узах моих Онисима,Select Philemon 1:10

11иногда тебе непотребнаго, ныне же тебе и мне благопотребна, егоже возпослах тебе,Select Philemon 1:11

12ты же его, сиречь мою утробу, приими.Select Philemon 1:12

13Егоже аз хотех у себе держати, да вместо тебе послужит ми во узах благовествования:Select Philemon 1:13

14без твоея же воли ничтоже восхотех сотворити, да не аки по нужди благое твое будет, но по воли.Select Philemon 1:14

15Негли бо ради сего разлучися на час, да вечна того приимеши,Select Philemon 1:15

16не ктому аки раба, но выше раба, брата возлюбленна, паче же мне, кольми же паче тебе, и по плоти и о Господе.Select Philemon 1:16

17Аще убо имаши мене общника, приими сего якоже мене.Select Philemon 1:17

18Аще же в чесом обиде тебе, или должен есть, мне сие вмени.Select Philemon 1:18

19Аз Павел написах рукою моею: аз воздам: да не реку тебе, яко и сам себе ми еси должен.Select Philemon 1:19

20Ей, брате, аз да получу еже прошу у тебе о Господе: упокой мою утробу о Господе.Select Philemon 1:20

21Надеявся на послушание твое написах тебе, ведый, яко и паче, еже глаголю, сотвориши.Select Philemon 1:21

22Купно же и уготови ми обитель: уповаю бо, яко молитвами вашими дарован буду вам.Select Philemon 1:22

23Целует тя Епафрас, спленник мой о Христе Иисусе,Select Philemon 1:23

24Марко, Аристарх, Димас, Лука, споспешницы мои.Select Philemon 1:24

25Благодать Господа нашего Иисуса Христа со духом вашим. Аминь.Select Philemon 1:25