2Philippians 2

1Аще убо кое утешение о Христе, (или) аще кая утеха любве, аще кое общение духа, аще кое милосердие и щедроты,Select Philippians 2:1

2исполните мою радость, да тожде мудрствуете, ту же любовь имуще, единодушни, единомудренни:Select Philippians 2:2

3ничтоже по рвению или тщеславию, но смиреномудрием друг друга честию болша себе творяще.Select Philippians 2:3

4Не своих си кийждо, но и дружних кийждо смотряйте.Select Philippians 2:4

5Сие бо да мудрствуется в вас, еже и во Христе Иисусе:Select Philippians 2:5

6Иже, во образе Божии сый, не восхищением непщева быти равен Богу:Select Philippians 2:6

7но Себе умалил, зрак раба приим, в подобии человечестем быв, и образом обретеся якоже человек:Select Philippians 2:7

8смирил Себе, послушлив быв даже до смерти, смерти же крестныя.Select Philippians 2:8

9Темже и Бог Его превознесе и дарова Ему имя, еже паче всякаго имене,Select Philippians 2:9

10да о имени Иисусове всяко колено поклонится небесных и земных и преисподних,Select Philippians 2:10

11и всяк язык исповесть, яко Господь Иисус Христос в славу Бога Отца.Select Philippians 2:11

12Темже, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте:Select Philippians 2:12

13Бог бо есть действуяй в вас и еже хотети и еже деяти о благоволении.Select Philippians 2:13

14Вся творите без роптания и размышления,Select Philippians 2:14

15да будете неповинни и цели, чада Божия непорочна посреде рода строптива и развращена, в нихже являетеся якоже светила в мире,Select Philippians 2:15

16слово животно придержаще, в похвалу мне в день Христов, яко не вотще текох, ни вотще трудихся.Select Philippians 2:16

17Но аще и жрен бываю о жертве и службе веры вашея, радуюся и сорадуюся всем вам:Select Philippians 2:17

18такожде и вы радуйтеся и сорадуйтеся мне.Select Philippians 2:18

19Уповаю же о Господе Иисусе Тимофеа вскоре послати к вам, да и аз благодушствую, уведев яже о вас.Select Philippians 2:19

20Ни единаго бо имам равнодушна, иже приснее о вас попечется:Select Philippians 2:20

21вси бо своих си ищут, (а) не яже Христа Иисуса.Select Philippians 2:21

22Искусство же его знаете, зане якоже отцу чадо, со мною поработал в благовестии.Select Philippians 2:22

23Сего же убо уповаю послати абие, повнегда увем яже о мне.Select Philippians 2:23

24Надеюся же о Господе, яко и сам скоро прииду к вам.Select Philippians 2:24

25Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам,Select Philippians 2:25

26понеже желанием желаше видети всех вас, и тужаше, зане слышасте, яко боле.Select Philippians 2:26

27Ибо боле близ смерти: но Бог помилова его, не его же токмо, но и мене, да не скорбь на скорбь прииму.Select Philippians 2:27

28Скорее убо послах его, да видевше его паки, возрадуетеся, и аз безпечален пребуду.Select Philippians 2:28

29Приимите убо его о Господе со всякою радостию, и таковыя честны имейте,Select Philippians 2:29

30зане за дело Христово даже до смерти приближися, понудив себе вседушно, да исполнит ваше лишение службы яже ко мне.Select Philippians 2:30