10Acts 10

1Муж же некий бе в Кесарии, именем Корнилий, сотник от спиры нарицающияся Италийския,Select Acts 10:1

2благоговеин и бояйся Бога со всем домом своим, творяй милостыни многи людем и моляйся Богу всегда:Select Acts 10:2

3виде в видении яве, яко в час девятый дне, Ангела Божия сшедша к нему и рекша ему: Корнилие.Select Acts 10:3

4Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога:Select Acts 10:4

5и ныне посли во Июппию мужей и призови Симона, нарицаемаго Петра:Select Acts 10:5

6сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой.Select Acts 10:6

7И якоже отиде Ангел глаголяй Корнилию, пригласив два от рабов своих и воина благочестива от служащих емуSelect Acts 10:7

8и сказав им вся, посла их во Июппию.Select Acts 10:8

9Воутрие же, путьшествующым им и ко граду приближающымся, взыде Петр на горницу помолитися, о часе шестем.Select Acts 10:9

10Бысть же приалчен и хотяше вкусити: готовящым же онем, нападе нань ужас,Select Acts 10:10

11и виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю,Select Acts 10:11

12в немже бяху вся четвероногая земли и зверие и гади и птицы небесныя.Select Acts 10:12

13И бысть глас к нему: востав, Петре, заколи и яждь.Select Acts 10:13

14Петр же рече: никакоже, Господи, яко николиже ядох всяко скверно или нечисто.Select Acts 10:14

15И (се) глас паки к нему вторицею: яже Бог очистил есть, ты не скверни.Select Acts 10:15

16Сие же бысть трищи: и паки взяся сосуд на небо.Select Acts 10:16

17Якоже в себе недоумевашеся Петр, что бы было видение, еже виде, и се, мужие посланнии от Корнилиа, вопрошше и уведевше дом Симонов, сташа пред вратыSelect Acts 10:17

18и возглашше вопрошаху, аще Симон, нарицаемый Петр, зде странствует.Select Acts 10:18

19Петру же размышляющу о видении, рече ему Дух: се, мужие трие ищут тебе:Select Acts 10:19

20но востав сниди и иди с ними, ничтоже разсуждая: зане Аз послах их.Select Acts 10:20

21Сошед же Петр к мужем посланным к нему от Корнилиа, рече: се, аз есмь, егоже ищете: кая есть вина, еяже ради приидосте?Select Acts 10:21

22Они же рекоша: Корнилий сотник, муж праведен и бояйся Бога, свидетелствован от всего языка Иудейска, увещен есть от Ангела свята призвати тя в дом свой и слышати глаголы от тебе.Select Acts 10:22

23Призвав же их учреди: наутрие же Петр востав иде с ними, и нецыи от братий, иже от Июппии, идоша с ним:Select Acts 10:23

24и наутрие внидоша в Кесарию. Корнилий же бе чая их, созвав сродники своя и любезныя други.Select Acts 10:24

25Якоже бысть внити Петру, срете его Корнилий, и пад на ногу его поклонися.Select Acts 10:25

26Петр же воздвиже его, глаголя: востани: и аз сам человек есмь.Select Acts 10:26

27И с ним беседуя, вниде и обрете собравшыяся многи:Select Acts 10:27

28рече же к ним: вы весте, яко не лепо есть мужу Иудеанину прилеплятися или приходити ко иноплеменнику: и мне Бог показа ни единаго скверна или нечиста глаголати человека:Select Acts 10:28

29темже и без сумнения приидох призван: вопрошаю вы убо, коея ради вины посласте по мене?Select Acts 10:29

30И Корнилий рече: от четвертаго дне даже до сего часа бех постяся и в девятый час моляся в дому моем: и се, муж ста предо мною во одежди светлеSelect Acts 10:30

31и рече: Корнилие, услышана бысть молитва твоя, и милостыни твоя помянушася пред Богом:Select Acts 10:31

32посли убо во Июппию и призови Симона, иже нарицается Петр: сей странствует в дому Симона усмаря близ моря: иже пришед возглаголет тебе.Select Acts 10:32

33Абие убо послах к тебе, ты же добре сотворил еси пришед: ныне убо вси мы пред Богом предстоим слышати вся повеленная тебе от Бога.Select Acts 10:33

34Отверз же Петр уста, рече: поистинне разумеваю, яко не на лица зрит Бог,Select Acts 10:34

35но во всяцем языце бояйся Его и делаяй правду приятен Ему есть:Select Acts 10:35

36слово, еже посла сыном Израилевым, благовествуя мир Иисус Христом: Сей есть всем Господь:Select Acts 10:36

37вы весте глагол бывший по всей Иудеи, наченшийся от Галилеи, по крещении, еже проповеда Иоанн:Select Acts 10:37

38Иисуса, Иже от Назарета, яко помаза Его Бог Духом Святым и силою, Иже пройде благодателствуя и исцеляя вся насилованныя от диавола, яко Бог бяше с Ним:Select Acts 10:38

39и мы есмы свидетеле всех, яже сотвори во стране Иудейстей и во Иерусалиме: Егоже и убиша, повешше на древе.Select Acts 10:39

40Сего Бог воскреси в третий день и даде Ему явлену быти,Select Acts 10:40

41не всем людем, но нам свидетелем преднареченным от Бога, иже с Ним ядохом и пихом, по воскресении Его от мертвых:Select Acts 10:41

42и повеле нам проповедати людем и засвидетелствовати, яко Той есть нареченный от Бога Судия живым и мертвым:Select Acts 10:42

43о Сем вси пророцы свидетелствуют, оставление грехов прияти именем Его всякому верующему в Онь.Select Acts 10:43

44Еще же глаголющу Петру глаголы сия, нападе Дух Святый на вся слышащыя слово.Select Acts 10:44

45И ужасошася иже от обрезания вернии, елицы приидоша с Петром, яко и на языки дар Святаго Духа излияся:Select Acts 10:45

46слышаху бо их глаголющих языки и величающих Бога. Тогда отвеща Петр:Select Acts 10:46

47еда воду возбранити может кто, еже не креститися сим, иже Дух Святый прияша, якоже и мы?Select Acts 10:47

48Повеле же им креститися во имя Иисус Христово. Тогда молиша его пребыти у них дни некия.Select Acts 10:48